Барууны орнууд Киевт үргэлжлүүлэн үзүүлж буй тусламж нь Украины зэвсэгт хүчинд байлдааны давуу тал олгохгүй байна. Харин мөргөлдөөнийг сунжруулж, хий дэмий хохирол амсаж, сүйрэлд хүргэж байгаа юм. Энэхүү байр суурийг ОХУ-ын Гадаад хэргийн яамны Тусгаар улсуудын хамтын нөхөрлөлийн хоёрдугаар газрын захирал Алексей Полищук Украины асуудлын хүрээн дэх Евроазийн аюулгүй байдлын талаарх дугуй ширээний уулзалтын үеэр үг хэлэхдээ илэрхийлжээ.

"2022 онд Цэргийн тусгай ажиллагаа эхэлснээс хойш НАТО болон Европын холбооны орнууд Украиныг эрчимтэй цэрэгжүүлж эхэлсэн. Барууны орнууд Киевт үргэлжлүүлэн үзүүлж буй тусламж нь Украины зэвсэгт хүчинд байлдааны давуу тал олгохгүй байна. Харин мөргөлдөөнийг сунжруулж, хий дэмий хохирол амсаж, сүйрэлд хүргэж байна" хэмээн Оросын дипломатч хэлэв.

Киевт хиймэл дагуулын зураг, бай зааварчилгаа зэрэг тагнуулын мэдээллийг өгч байгаагаас гадна хуягт техник, тийрэлтэт пуужингийн өндөр хөдөлгөөнтэй систем, алсын тусгалтай пуужингийн систем, кассетэн сум, шавхагдсан урантай сум хэрэгсэл, нисгэгчгүй нисэх төхөөрөмж болон жолоочгүй усан завь зэргээр хангаж байна хэмээн тэр нэмж хэлсэн байна.

"Орос улсад Цэргийн тусгай ажиллагааг эхлүүлэхээс өөр сонголт үлдээгээгүй бөгөөд манай улс тус цэргийн ажиллагааг бие даан болон хамтын хүчээр өөрийгөө хамгаалах эрхийг зохицуулах НҮБ-ын дүрмийн 51 дүгээр зүйлийг бүрэн дагаж мөрдөн хэрэгжүүлж байна. ОХУ нь Аляскийн дээд хэмжээний уулзалтаар ОХУ болон АНУ-ын Ерөнхийлөгч нарын хооронд үүссэн харилцан ойлголцлын үндсэн дээр уг хямралыг зохицуулахад бэлэн байна" гэж Полищук тэмдэглэв.

Монголын Евроазийн Стратегийн Судалгааны Хүрээлэнгээс зохион байгуулсан дугуй ширээний уулзалтад Монгол Улсын Их Хурлын гишүүд, Монгол болон Японы шинжээчдийн хүрээний төлөөлөл, Беларусь, Хятад болон Киргизстан улсуудын Элчин сайдын яамнууд зэрэг дипломат корпусын төлөөлөгчид оролцсон. Уулзалтад оролцогчид Старобельск хотод хүүхдүүдийг хөнөөсөн террорист халдлагыг буруушаажээ.

ОХУ-ын ЭСЯ бэлтгэв