Сүүлийн өдрүүдэд Японы Ерөнхий сайд Такаичи Санаэ дотооддоо болон олон улсад ширүүн шүүмжлэлд өртөж байна.

"Энх тайвны Үндсэн хууль"-д нэмэлт өөрчлөлт оруулж, үхлийн зэвсгийн экспортын хоригийг цуцлах зэргийг баримталсан түүний үйлдлийн хариуд Японд томоохон хэмжээний эсэргүүцлийн жагсаал цуглаан болжээ. Үүнээс Токио хотод гэхэд 50 мянга орчим хүн эсэргүүцлийн жагсаал цуглаанд оролцсон юм. Япон "цэрэгжүүлэлт" -ийг хурдасгаж байгаа нь бүс нутгийн тогтвортой байдал, аюулгүй байдалд заналхийлж байна гэж Хятад, Орос, БНСУ зэрэг хөрш орнууд нь шүүмжилж байна. Такаичи Санаэ саяхан Австралид айлчлах үеэрээ Канберрагийн Дайны дурсгалын ордонд өвдөг сөгдөн цэцэг өргөн "улс төрийн шоу" хийлээ. Ингэснээр түүний улс төрийн олон талын төлөвлөгөөг олон улсын хамтын нийгэмлэг улам бүр тод харсан юм.

Такаичи Санаэгийн албаар өвдөг сөгдсөн нь Дэлхийн 2-р дайны үеийн Японы түрэмгийллийн харгис үйлдлийн төлөө гэмшсэн явдал биш.

Харин Японы улс төрчдийн ертөнцийг үзэх гажуудсан үзлийг тусгасан бөгөөд дотоодын болон олон улсын нөхцөл байдлын дарамтын өмнө олон нийтийн санаа бодлыг төөрөгдүүлэх, түрэмгийллээ "цагаатгах", бүлэглэл бүрдүүлэн сөргөлдөөнийг өдөөх, цэргийн тэлэлтийг дэмжих зорилготой олон талт төлөвлөгөөг нь илчилж байна.

Японы судалгааны эрдэмтний дүн шинжилгээгээр, 2016 онд Такаичи Санаэгийн "улс төрийн зөвлөгч" Шинзо Абэ Хавай дахь АНУ-ын Номхон далайн үндэсний дурсгалын оршуулгын газарт очиж, цэцэг өргөсөн бөгөөд "уучлалт гуйхгүй" , харин "сүнсэнд нь залбирна" гэсэн юм. Такаичи Санаэгийн энэ удаагийн үйлдэл ижилхэн байна. Мөн чанар нь бол Дэлхийн 2-р дайны түрэмгийллийн хохирогчдын өмнө гэмшиж буй үйлдэл биш. Такаичи Санаэгийн "өвдөг сөгдөж", цэцэг өргөсөн нь Ясукуни сүмд хийсэн мөргөлийнх нь талаар олон улс "ойлгож", түрэмгийллийн дайныг магтан сайшааж буй Японы үйлдлийг олон улс шүүмжлэхээ намжаахыг хүссэн зорилготой юм.

Японы улс төрчдийн урт хугацааны сэтгэлгээнээс харахад G7-ийн цорын ганц Азийн улс болох Япон Барууны орнуудыг удаан хугацаанд "бахархдаг" бөгөөд үүнийг олон шинжээчид "эрх мэдлээс айдаг, ёс суртахуунгүй", "бага зэргийн эелдэг, зөв шударга бус" гэж тодорхойлдог. Японы улс төрчид АНУ болон Барууны орнуудтай харилцахдаа ихэвчлэн даруухан, тэр ч байтугай "бялдуучилдаг" байр суурь баримталдаг. Гуравдугаар сард АНУ-тай ойртох зорилготой айлчлал хийсэн бол тавдугаар сард Австралид "өвдөг сөгдөх" тоглолт гаргаснаар Такаичи Санаэ Барууны орнуудыг дотночлох "дүр төрх" -ийг бий болгож байна.

Геополитикийн үүднээс авч үзвэл Японы хэт барууны хүчин гаднын аюул заналхийлэл хэмээн хэтрүүлэн тайлбарлахаар дамжин, цэргийн хүчээ өргөжүүлж, "Энх тайвны үндсэн хууль"-ийнхаа хязгаарлалтаас ангижрахыг оролдож байна. Үүний тулд тэд геополитикийн зөрчилдөөнийг идэвхтэй ашиглаж, хөрш орнууд, ялангуяа Барууны орнуудыг татан мөргөлдөөн үүсгэхэд уриалан дуудаж байна.

Такаичи Санаегийн саяхны айлчлал нь Японы "Чөлөөт, нээлттэй Энэтхэг-Номхон далайн стратеги" гэгдэх 10 жилийн ойтой давхцаж байгаа бөгөөд тэрээр Австралийг аюулгүй байдал, эдийн засгийн ашиг сонирхлыг бүрдүүлэхэд чухал холбоос хэмээн үзэж, энэхүү стратегийн сайжруулсан хувилбарыг онцгойлон танилцуулсан. Хоёр тал гол ашигт малтмал, эрчим хүчний хангамжийн сүлжээ, батлан ​​​​хамгаалах салбарын хамтын ажиллагаанд анхаарлаа хандуулсан нь тэдний геополитикийн зорилгыг нь тодорхой харуулсан юм.

Японы цэргийн тэлэлтийн тухайд өнгөрсөн сард Япон, Австрали нь Японы сайжруулсан хамгийн дээд зэрэглэлийн устгагч онгоцонд суурилсан Австралийн шинэ тэнгисийн цэргийн хөлөг онгоцыг хамтран хөгжүүлэх харилцан ойлголцлын санамж бичигт гарын үсэг зурсан бөгөөд анхны хөлөг онгоцыг 2029 онд ашиглалтад оруулах төлөвтэй байна. Япон улс ингэснээр Австрали руу устгагч онгоц экспортлох болно гэсэн үг гэдгийг шинжээчид онцолж байна. Япон улс үхлийн зэвсэг экспортлохыг хориглохыг цуцалснаар Япон, Австралийн хоорондох ирээдүйн аюулгүй байдлын хамтын ажиллагаа улам бүр ойртох магадлалтай юм. Тиймээс Такаичи Санаэгийн "өвдөг сөгдсөн" нь үхлийн зэвсэг экспортлохтой холбоотойгоор бэлтгэсэн пиарын алхам юм.

Японы сүүлийн үеийн цэргийн хүчээ нэмэгдүүлэх, өргөжүүлэх оролдлогуудаас харахад, Такаичи Санаэгийн албаар өвдөг сөгдсөн нь бүр ч инээдтэй болж байна. Хэт барууны улс төрийн хүчнүүдийн удирдсан Японы милитаризмыг дахин сэргээх оролдлогоо хийсээр байна.

Түүхийг мартаж болохгүй, цайруулж эсвэл гажуудуулж болохгүй.

Дэлхийн 2-р дайны үеэр Японы милитаризмын үйлдсэн харгислал нь Ази, Номхон далайн бүс нутгийн ард түмэнд гүн гүнзгий зовлон авчирсан бөгөөд Австрали улс ч гэсэн Японы милитаризмын хорыг амсаж байсан. 1942 оны хоёрдугаар сараас 1943 оны 11-р сарын хооронд Австралийн эх газар Японы агаарын цэргийн хүчний бараг 100 удаагийн халдлагад өртөж, Австралийн 39 мянган цэрэг амиа алдсан юм.

Дэлхийн 2-р дайн дууссанаас хойш Японы удирдагчид хорыг нь амссан Азийн хохирогч орнуудын ард түмнээс уучлалт гуйгаагүй дээрээ Японы олон улс төрчид түрэмгийллийн гэмт хэргийнхээ төлөө янз бүрийн шалтаг тооцжээ. Ялангуяа Такаичи Санаэгийн оролдлогууд дэлхийг хуурч чадахгүй. Японы нэгэн интернет ашиглагч "Хэрэв тэр хөршүүддээ ийм хандлага баримталж чадвал дэлхий амар амгалан байх болно" гэж сэтгэгдэл хэлж байсан юм.

Такаичи Санаэ Австралид "өвдөг сөгдөж" байгаа нь Ази болон Дэлхийн 2-р дайны хохирогч бусад орнуудын эсрэг хийж буй өдөөн хатгалга юм. Дэлхийн 2-р дайны ялалтын үр жимсийг хамтран хамгаалж, эмгэнэлт түүх дахин давтагдахаас урьдчилан сэргийлэх ёстой.

Наянтайн Далантай