sonin.mn
Сэтгэгдэл (6)

УИХ-ын 2024 оны ээлжит сонгуулийн үр дүнгээр сонгогдон тангараг өргөсөн цагаасаа хойш УИХ-ын гишүүн М.Нарантуяа-Нара олон нийтийн анхаарлын төвд байсаар байна. Түүнийг ёс зүйн зөрчил гаргасан гэх шүүмжлэл, улмаар эргүүлэн татах ёстой гэх байр суурь цахим орчин болон олон нийтийн дунд удаа дараа хөндөгдөх болсон.

Гэвч УИХ-ын гишүүнийг иргэдийн санал, улс төрийн шахалтаар шууд эргүүлэн татах боломж Монгол Улсын эрх зүйн орчинд байхгүй юм. Монгол Улсын Үндсэн хууль болон холбогдох бусад хууль тогтоомжид УИХ-ын гишүүний бүрэн эрхийг хугацаанаас нь өмнө дуусгавар болгох тодорхой үндэслэлүүдийг л заасан байдаг.


Тодруулбал, УИХ-ын гишүүн дараах тохиолдолд бүрэн эрхээ хугацаанаас өмнө дуусгавар болгох боломжтой.



Үүнд:


Өөрийн хүсэлтээр чөлөөлөгдөх;


Гэмт хэрэг үйлдсэн нь шүүхээр эцэслэн тогтоогдож, гэм буруутайд тооцогдох;


Үндсэн хууль болон хуульд заасан бусад тодорхой үндэслэл үүсэх.


Харин ёс зүйн маргаан, олон нийтийн шүүмжлэл зэрэг нь дангаараа УИХ-ын гишүүний бүрэн эрхийг түдгэлзүүлэх, эсхүл эргүүлэн татах хууль зүйн үндэслэл болдоггүй.



Ёс зүйн асуудлыг УИХ-ын дотоод журмын дагуу хэлэлцэж, сануулах, зэмлэх зэрэг хариуцлагын арга хэмжээ авах боломжтой ч бүрэн эрхийг нь шууд хүчингүй болгох эрх зүйн зохицуулалт одоогоор байхгүй байна.



Иймд М.Нарантуяа-Нараг эргүүлэн татах тухай яриа улс төр, нийгмийн маргааны түвшинд өрнөж болох ч хуулийн хувьд бүрэн эрхийн хугацаа дуустал УИХ-ын гишүүн хэвээр байх эрх зүйн зохицуулалт үйлчилж байна.


Б.Намуун