sonin.mn
Сэтгэгдэл (3)

Эрчим хүчний сайд, УИХ-ын гишүүн Б.Чойжилсүрэн Монгол Улсын Ерөнхийлөгч У.Хүрэлсүхтэй уулзсаныхаа сэтгүүлчдийн асуултад хариулав.


Тэрээр: "Ерөнхийлөгчтэй уулзаад гараад ирлээ. Ой модыг хөгжүүлэх үндэсний хорооны хурал болж, Ерөнхийлөгч ахаллаа. ДЦС-4 дээр дөрөвдүгээр зуух үлээлттэй яваад байсан юм. Сүүлийн хоногуудад чадлын дутагдалтай байсан учир гэмтлийг нэг, нэгээр устгаад явж байна. Өнөө орой оргил ачааллыг давуулаад дөрөвдүгээр зуухыг зогсоож, засвар хийнэ. Ер нь л хязгаарлалт хийхгүйн төлөө ажиллаж байна. ДЦС-4-ийнхний зүгээс 48 цаг шаардлагатай гэж байгаа. Бид аль болох богино хугацаанд гэмтлийг засварлана.



Т.Доржханд сайд бид хоёрыг огцруулаач ээ гэж Ө.Шижир гишүүн шаардлага хүргүүлж байгаа юм билээ. Би өөрөө цөөнхийн гишүүн байсан хүн. Чадлын дутагдалд орсон, хязгаарлалт хийж буйд олон нийт дургүйцэж байгаа нь мэдээж. Тиймээс сөрөг хүчний хувьд таатай боломжийг ашиглаж, улстөр хийхийг бол ойлгож байна.



Хамгийн чухал асуудал бол чадлын дутагдалд орсон энэ цаг үед хөлдөлт үүсгэж болохгүй. Хөлдөлт үүсвэл одоо байгаагаас илүү төвөгтэй байдал үүснэ. Хоёрдугаарт, хэрэглээг хязгаарлаж явахгүй бол систем маань өөрөө тэг зогсолтод орох эрсдэл бий. Тэгвэл Улсаараа цахилгаангүй болох хүндрэл гарна. Энэ хоёр хүндрэлийг эхний ээлжид манай эрчим хүчний салбарынхан анхаарч байгаа. Тиймээс хязгаарлалт хийхээс өөр арга байхгүй.


Ерөнхийлөгчид эрчим хүчний салбарт үүссэн нөхцөл байдлын талаарх цаг үеийн мэдээллийг өгсөн. Хариуцлага тооцох эсэхийг хэлж мэдэхгүй. Миний зүгээс "та надад хариуцлага тооцох уу" гэж асуугаагүй" гэлээ.



М.Чой