sonin.mn
Сэтгэгдэл (1)

УИХ-ын гишүүн, ТБХ-ны дарга Х.Ганхуяг сэтгүүлчдийн асуултанд хариуллаа.


Энэ үеэр тэрээр: "Ногоон улаан лааз өргөсөн утга нь байнгын хорооноос гарсан саналуудаа төсөвт тусгуулахыг гуйж байгаа болохоос биш гишүүдийг удирдана гэж байхгүй шүү дээ. Төсвийг хуулийн хугацаандаа багтаж батлах ёстой.


Тийм ч учраас дэмжихгүй байхыг хүссэн саналууд нь 2026 онд бүх төсвийн хөрөнгө оруулалтыг татах, төсвийн тэнцэлд оруулах, зөвхөн цалин, тэтгэврийг нэмэх гэсэн саналууд байсан юм. Хэрэв тэдгээр саналуул дэмжигдвэл төсөв задрах, төсвийг батлах боломжгүй нөхцөл байдал үүсэх байсан.


Тийм байдал үүссэн бол хөрөнгө оруулалтгүй болж, тэтгэвэр, хөгжлийн бэрхшээлтэй иргэдийн тэтгэмж, цалин нэмсэн тохиолдолд инфляцын түвшин ирэх жил 20-иос дээш хувиар нэмэгдэхээр тооцоолол гарч байгаа. Тийм саналуудыг дэмжихгүй байх саналыг л хүргэсэн.


Мөн байнгын хорооны хурал найман цаг үргэлжилсэн. Хуралдаан даргалж байх үед бие засах шаардлагатай болоод Т.Аубакир гишүүнийг түр орлуулж даргалуулахаар үлдээсэн. Цахим бүртгэлтэй байдаг учир өөрийнхөө бүртгэлээр орсон гэж бодоод миний нэрээр санал өгчихсөн байсан. Ингээд санал хураалтуудыг бүгдийг нь байнгын хороо руу буцааж, дахин санал хураалт явуулсан." гэв.