sonin.mn
Сэтгэгдэл (3)

ТОКИО, 2025 оны долоодугаар сарын 30 /NHK/. Японы Цаг уурын агентлаг Номхон далайн эрэг дагуу Хоккайдогаас Вакаяма хүртэл 3 хүртэлх метрийн өндөр цунами үүсэх аюулаас сэрэмжлүүлжээ. Оросын Камчаткийн хойгийн зүүн хэсэгт хүчтэй газар хөдөлсний дараа ийм анхааруулга гаргасан байна.  




Японы Цаг уурын агентлаг 10:10 цагаас хэвлэлийн бага хурал хийхээр төлөвлөж байна. АНУ-ын Геологийн албанаас мэдээлснээр, газар хөдлөлт Японы цагаар лхагва гаргийн өглөөний 8:25 цагийн орчимд болсон байна. Газар хөдлөлтийн голомт 19.3 км-ийн гүнд байсан бөгөөд 8.0 магнитудын хүчтэй байсан гэж тус мэдэгдэлд дурджээ.




Японы Засгийн газар 08:37 цагт мэдээлэл, харилцааны алба байгуулжээ. Тодруулбал, Ерөнхий сайдын дэргэдэх хямралын удирдлагын төвд уг албыг байгуулсан байна. Одоо холбогдох яам, агентлагийн төлөөлөгчид мэдээлэл цуглуулахаар орон нутгийн засаг захиргаадтай холбоо тогтоож байна.



Э.Хулан


Эх сурвалж: "Монцамэ" агентлаг