Пүрэв - 05 сарын 29,
2025
Сүүлийн өдрүүдэд АНУ-ын Засгийн Газар Харвардын их сургуулийг гадаад оюутан элсүүлэх эрхийг цуцлах шийдвэр гаргасан билээ. Мөн тус улсад суралцаж буй гадаад оюутнуудыг өөр сургуулиудад шилжихийг шаардсан бөгөөд шилжихгүй тохиолдолд тэд АНУ-д хууль ёсны оршин суух эрхээ алдахаар болж байна.
Энэхүү шийдвэрийн хариуд Харвардын их сургууль хүчтэй байр сууриа илэрхийлж, Засгийн газрын энэхүү алхам нь хууль ёсны үндэслэлгүй бөгөөд хэт туйлширсан, хор хөнөөлтэй арга хэмжээ хэмээн үзэж, эрх зүйн хүрээнд уг хоригийн эсрэг тууштай тэмцэхээ мэдэгдсэн юм.
Харвардын байр сууриа илэрхийлсний дараа АНУ-ын холбооны шүүх Засгийн газрын уг шийдвэрийг түр зогсоох шийдвэр гаргасан нь тус сургуулийн зүгээс авч буй арга хэмжээ тодорхой үр дүн өгч байгааг харуулж байна. Мөн энэ нь Харвардын их сургууль болон Трампын Засгийн газрын хоорондын зөрчил хурцдаж байгааг илтгэж буй юм.
Энэ оны дөрөвдүгээр сард Харвардын их сургууль АНУ-ын Засгийн Газрыг холбооны санхүүжилтийг царцааж, эрдэм шинжилгээний ажилд шууд нөлөөлсөн үндэслэлээр шүүхэд өгч байсан.
Трампын Засгийн газрын давтамжтай шахалт дор Харвардын их сургууль “хүчтэй байр сууриа” цаашид хэр удаан тууштай баримтлах бол гэдэг асуулт олон нийтийн анхаарлыг татаж байна.
Г.Бямба
Сэтгэгдэл3
Их сургууль улс тержеед ирэхээр ийм л гайтай. Ядуу буурай орны ирээдуйн удирдагчдыг « парламент « гэдэг мэдлэгээр цэнэглээд тавьдаг болсон нь унэн байхоо!
Монголд ч ялгаагүй муухай газар байна. Монголын төрөөс санхүүжилт авдаг хэрнээ монголын эрдэмтдийн бүтээлийг хятадад зардаг, дотроос нь мэдээлэл дамжуулдаг туршуултай шинжлэх ухааны академи гэсэн бузар байгууллага байна. Америкийн ард түмний татвараар тэтгүүлсэн харвардын их сургуульд америкийн дайсан хятадуудыг олноор нь сургаж ирсэн байхад ийм хатуу шийдвэрт хүрэхээс өөр замгүй.
Харвард 1200 хятад люутөн аваад тэдний тал хувь нь тагнуул байхад Трамп арга хэмжээ авалгүй яадаг юм ! Харин хаачхаагүй нь их юм гадаадын янз бүрийн тагнуулын үүр болсон газар ! бүх тёхнологий алддаг газар !ингэхэд энн санааг нь Трампын залуу авгай нь орондоо хэлж өгсөнийг та нар мэдэхгүй л дэ !