Тавдугаар сарын 7-ны өдөр БНХАУ-ын дарга Ши Жиньпин тусгай үүргийн нисэх онгоцоор ОХУ-ын нийслэл Москвад хүрэлцэн очлоо. Тэрээр ОХУ-ын ерөнхийлөгч Владимир Путиний урилгаар ОХУ-д төрийн айлчлал хийх бөгөөд ЗХУ-ын Аугаа их эх орны дайны ялалтын 80 жилийн ойг тэмдэглэх ёслолд оролцоно. Ши Жиньпиний тусгай нисэх онгоц Москвагийн Внуково тусгай нисэх онгоцны буудалд хүрэх үед ОХУ-ын Шадар сайд Татьяна Алексеевна Голикова зэрэг албан тушаалтнууд угтан авчээ. Внуково тусгай нисэх онгоцны буудалд хүрэлцэн очсоны дараа Ши Жиньпин нисэх онгоцны буудалд хэлэх үгээ бичгээр тараажээ.

Түүний бичгээр тараасан хэлэх үгт: "Ерөнхийлөгч Владимир Путиний урилгаар ОХУ-д төрийн айлчлал хийж, ЗХУ-ын Аугаа их эх орны дайны ялалтын 80 жилийн ойг тэмдэглэх ёслолд оролцох гэж байгаадаа маш их баяртай байна.

Найрсаг ОХУ-д дахин ирэхэд маш халуун дотно санагдаж байна. Энэ боломжийг ашиглан, миний бие БНХАУ-ын Засгийн газар болон БНХАУ-ын ард түмний нэрийн өмнөөс ОХУ-ын засгийн газар болон ОХУ-ын ард түмэнд чин сэтгэлийн мэндчилгээ, сайн сайхны ерөөлөө дэвшүүлье.

БНХАУ ОХУ хоёр бол холдохын аргагүй сайн хөрш, зовлон жаргалаа хуваалцдаг жинхэнэ найз, харилцан амжилтад хүрдэг сайн түнш юм. Хоёр тал томоохон хөрш улс орнуудын харилцааны зөв арга замыг амжилттай хайж олсон бөгөөд өнө мөнхийн найрсаг хөрш, иж бүрэн стратегийн хамтын ажиллагаатай, харилцан ашигтай хамтран ажиллаж, хамт хожихоор гол цөм болгосон шинэ эриний БНХАУ ОХУ-ын стратегийн хамтын ажиллагааны үзэл санааг бий болгосон юм. Тусгаар тогтносон, бие даасан төлөвшсөн, тууштай БНХАУ ОХУ-ын харилцаа нь хоёр ард түмэнд асар их ашиг тусаа өгсөн төдийгүй дэлхийн стратегийн тогтвортой байдлыг хадгалах, эрх тэгш, эмх цэгцтэй олон туйлт ертөнцийг бий болгоход чухал хувь нэмэр оруулсан.

Айлчлалын үеэр миний бие Ерөнхийлөгч Владимир Путинтэй уулзалт хийж, хоёр орны харилцаа, ажил хэрэгч хамтын ажиллагаа, харилцан анхаарал хандуулж буй олон улсын болон бүс нутгийн томоохон асуудлаар гүнзгий ярилцаж, БНХАУ ОХУ-ын шинэ эрин дэх иж бүрэн стратегийн хамтын ажиллагааны түншлэлийн харилцааны хөгжлийг эрчимтэй хөдөлгөх хүчээр сэлбэх болно. Энэ удаа миний бие 10 жилийн дараа ОХУ-ын “Тавдугаар сарын 9” -ний ялалтын баярын арга хэмжээнд дахин оролцох гэж байгаа юм.

Олон орны удирдагчид, ОХУ-ын ард түмэнтэй хамтран Дэлхийн фашизмын эсрэг дайны ялалтын төлөө амь биеэ баатарлагаар зориулсан дайчдыг гүнээ дурсан санагалзаж, дэлхийн хоёрдугаар дайны түүхийг зөвөөр таниулан, олон улсын тэгш эрх, шударга ёсыг хамгаалахын төлөөх цаг үеийн хүчтэй дуу хоолойг хамтран уламжлахыг хүсэн хүлээж байна" гэжээ.

Г.Бямба