Монгол Улсын Ерөнхийлөгч Ухнаагийн Хүрэлсүх, гэргий Лувсандоржийн Болорцэцэгийн хамт Япон Улсын Цог Жавхлант Эзэн Хаан Нарүхито, Эрхэм Дээд Хатан Масако нарт 2022 оны 11 дүгээр сарын 30-ны өдөр Эзэн Хааны ордонд бараалхав.
Монгол Улсын Ерөнхийлөгч Ухнаагийн Хүрэлсүх Монгол Улс, Япон Улсын хооронд дипломат харилцаа тогтоосны 50 жилийн ойн хүрээнд Япон Улсад айлчилж, Цог Жавхлант Эзэн Хаан Нарүхито-д бараалхаж байгаадаа баяртай байгаагаа илэрхийлж, Эзэн Хаан Нарүхито болон Японы найрсаг ард түмэнд Монголын ард түмний халуун дотно мэндчилгээг уламжлав.
Мөн Японы “Хэйсэй”-гийн он жилүүдэд цэцэглэн хөгжсөн манай хоёр орны Стратегийн түншлэлийн харилцаа “Рэйва”-гийн шинэ эринд улам батжин бэхжинэ гэдэгт итгэлтэй байгаагаа илэрхийллээ. Япон Улсад хийж буй энэ удаагийн айлчлалаар Монгол, Японы “Стратегийн түншлэл”-ийн харилцаа, хамтын ажиллагааг “Энх тайван, хөгжил цэцэглэлтийн төлөөх Тусгай стратегийн түншлэл”-ийн шинэ шатанд хүргэн хамтын ажиллагааны хэтийн төлөв, зорилтыг тодорхойлж, хоёр улсын харилцан ашигтай эдийн засгийн хамтын ажиллагааг эрчимжүүлэн хөгжүүлэхээр тохирсонд сэтгэл хангалуун байгаагаа илэрхийлэв. Ерөнхийлөгч Ухнаагийн Хүрэлсүх Цог Жавхлант Эзэн Хаан Нарүхито, Эрхэм Дээд Хатан Масако нарыг тааламжтай цагтаа Монгол Улсад айлчлахыг урив.
Цог Жавхлант Эзэн Хаан Нарүхито Монгол Улс, Япон Улсын хооронд дипломат харилцаа тогтоосны 50 жилийн түүхэн ой энэ жил тохиож, хоёр орны ард түмний найрамдал, нөхөрлөл улам батжин бэхжиж байгааг тэмдэглээд Монгол Улсын Ерөнхийлөгчийн Япон Улсад хийж буй төрийн айлчлалд амжилт хүсэв. Цог Жавхлант Эзэн Хаан Нарүхито 2007 онд Угсаа залгамжлах Хунтайжийн хувиар Монгол Улсад айлчлах үеэр Монгол Хаадын эртний өлгий нутаг болох Хархоринд зочилсон болон Монгол Улсын филармонийн уран бүтээлчидтэй хамтран К.Сен Саны “Хун”аялгууг хийл хөгжмөөр тоглож байсан тухай дурсамжаасаа хуваалцан Монгол Улсад хөгжил цэцэглэлтийг ерөөв.
Бараалхалтын дараа Монгол Улсын Ерөнхийлөгч Ухнаагийн Хүрэлсүх, гэргий Лувсандоржийн Болорцэцэгийн хамт Япон Улсын Цог Жавхлант Эзэн Хаан Нарүхито, Эрхэм Дээд Хатан Масако нарыг хүндэтгэн Монгол Улс, Япон Улсын хооронд дипломат харилцаа тогтоосны 50 жилийн ойн хаалтын арга хэмжээ болгон Токио хотноо зохион байгуулж буй Монгол Улсын филармонийн дэргэдэх “Морин хуур” чуулгын тоглолтыг хамтдаа үзэж сонирхов.
Монгол Улс, Япон Улсын хооронд дипломат харилцаа тогтоосны 50 жилийн ойн хүрээнд хоёр улсын Засгийн газар 2022 оныг “Монгол, Японы хүүхэд, залуучуудын найрамдал, солилцооны жил”-ээр зарлан жилийн турш ёслол төгөлдөр тэмдэглэн өнгөрүүлж, соёл, урлагийн 100 гаруй арга хэмжээг хамтран зохион байгууллаа. Японы “NHK” телевизийн их танхимд “Морин хуур” чуулга бүрэн бүрэлдэхүүнээрээ анх удаагаа тоглолт хийж, Японы олон нийтэд морин хуурын гайхамшигт эгшиг аялгууг сонордуулав.
Сэтгэгдэл0
Хаан хүн нэг муу ядарсан улсын задарсан ерөнхийлөгч нэртэй хулгайчид бараалхана гэж юу байхав манай хулгайч эцэст очиж бараалхалаа тэгэс гээд гуйгаад байхаар нь царайгаа үзүүлсэн ухаантай юм байна. Манай хүнийг жүжигчин хулгайч гэдгийг элчин сайд хэлчихсэн байгаа. Бас болоогүй бие биеэсээ салах дургүй юм байж гэр бүлийн дундуур ороод зогсчихсон яасан тэнэг хүмүүс байдаг юм.
Хаан, хатан нар зочиддоо гүн хүндэтгэл үзүүлж дундаа зогсооожээ. Трамп эхнэртэйгээ айлчлах үед яг ингэж зогссон.
Сайн уншаад үз. Хүрэлсүх японы японы эзэн хаанд бараалхсан гэж бичсэн байна шүү д
chamd hamaaguy
ene yamar hegiin neher be?....yostoi zeb ni byryytsan nobs be?...neg ylasiin erenhiilegch yah iih ni cham sig et horhoid hamaagyi bailtai....
Өөрөөсө өндөр хүнтэ зогсвол сандардаг гж бга.уул нь бүх о талаараа атигар хүн л дээ зовлогноосоо бусдаар
Японд Монголчуудын үйл ажиллагаа явуулдаг бизнесийг дэмжих хэрэгтэй. Монгол улсад Японы 670 компани үйл ажиллагаа явуулж байхад, Япон улсад Монголын хэдхэн компани үйл ажиллагаа явуулдаг. Энэ бол тэнцвэргүй харилцаа мөн юм. Ийм зүйл дээрээ анхаарч ажиллаач. Монгол компаниуд японы аж үйлдвэрийн салбартай хамааралтай ажлуудыг хийдэг болох хэрэгтэй шүү.
Протокол ёсоор ингэж хоёулаа дунд нь ороод зогсож болдог юм байх даа??