Батлан хамгаалахын сайд Г.Сайханбаярын ОХУ-д хийж буй ажлын айлчлал 2021 оны 06 дугаар сарын 22-ны өдөр эхэллээ. Тэрээр ОХУ-ын Батлан хамгаалахын сайд Сергей Кужугетович Шойгугийн урилгаар “Олон улсын аюулгүй байдлын асуудлаарх Москвагийн 9 дүгээр бага хурал”-д оролцож байгаа юм.
Батлан хамгаалахын сайд Г.Сайханбаяр өчигдөр Москва мужид байрлах “Патриот” цэргийн соёл амралтын хүрээлэнд Аугаа их Эх орны дайн дахь Монгол Улсын оролцоог харуулсан уран барималын нээлтийн ёслолын арга хэмжээнд оролцсон байна. ОХУ-ын Батлан хамгаалахын сайд С.Шойгу ёслолын ажиллагааг нээж хэлсэн үгэндээ “Өнөөдөр бид Аугаа ялалтыг байгуулахад үнэтэй хувь нэмэр оруулсан Монгол болон Хятадын анд нөхдүүдэд зориулан эхний хоёр уран барималыг нээж байна. Дараа дараагийн жилүүдэд “Нормандия-Неман” францын нисэхийн хороо, Аляскаас Сибирь рүү нисэх онгоц авч ирж байсан Америкийн нисгэгч нарт болон ялалт байгуулахад тусалж, дэмжиж байсан бүхэнд зориулж уран барималуудыг байршуулах болно” хэмээн тодотгожээ. Мөн Батлан хамгаалахын сайд Г.Сайханбаяр, “ Аугаа их Эх орны дайны он жилүүдэд Монголын ард түмнээс Зөвлөлтийн ард түмэнд үзүүлж байсан тусламжийг харуулсан дурсгалын хөшөөний нээлтийг хийж байгаад ОХУ-ын Батлан хамгаалахын сайд болон ОХУ-ын Батлан хамгаалах яамны бие бүрэлдэхүүнд хувиасаа болон нийт Монголын ард түмний нэрийн өмнөөс чин сэтгэлийн талархал илэрхийлье. Дайны турш 800 мянгаас ихгүй хүн амтай Монгол Улс “Бүхнийг фронтын төлөө, бүхнийг ялалтын төлөө” уриан дор бүх боломжоо дайчлан Зөвлөлтийн ард түмэнд тусламж үзүүлсэн явдалд бидний ахмад үеийнхнээрээ бахархах сэтгэл төрж байна.
Зөвлөлтийн ард түмэнд бэлэглэсэн Монгол морьд эр цэргүүдийн хамтаар Берлин хүрсэн байдаг. 2017 онд бид Москва хотын Хүндэтгэлийн дэнж дээр дайны он жилүүдэд Монгол морьдын гаргасан агуу их хөдөлмөрийг харуулсан “Ялалтад тэмүүлсэн морьд” байршуулсан явдалд бид гүнээ талархаж явдгаа ОХУ-ын төр засагт дахин илэрхийлж байна” хэмээжээ.
Мөн энэ үеэр Батлан хамгаалахын сайд Г.Сайханбаяр, ОХУ-ын Батлан хамгаалахын сайд С.Шойгутай чөлөөт ярилцлага өрнүүлж, бусад төлөөлөгчдийн хамтаар уран барималын нээлтийн үйл ажиллагаанд зориулсан хүндэтгэлийн тоглолтыг үзэж сонирхжээ.
Түүнчлэн Батлан хамгаалахын сайд Москва дахь Элчин сайдын яамны байраар зочилж, Монгол Улсаас ОХУ-д суугаа Онц бөгөөд Бүрэн эрхт элчин сайд Д.Даваатай уулзалт хийсэн байна.
Сэтгэгдэл0
Сонинбаяр гэж БХЯ сайд байдаг юм уу нэр усаа зөв бичээч эргүүнүүдээ
Аугаа их ялалтанд бодит хувь нэмэр оруулсан ард түмэн гэдгээрээ үргэлж бахархах ёстой. ОХУ-тай байгуулсан зэвсэг техник нийлүүлэх гэрээний дагуу Миг-29-ийн эксдраль, СУ-27 -ийн нэг хороо одоо авах нь зүйтэй. 4-р үеийн сөнөөгч онгоцнуудтай болж улс орноо хамгаалах нь зүйд нийцнэ. Бид чинь тусгаар тогтносон бүрэн эрхт улс шүү дээ.
сайханбаяр нэртэй муухай авлигачийн нэрийг юу ч гэж бичсэн яадаг юм бэ
Maogiin tsergiin hoshoo hoshoo bna hyatad hun bas oroltsoj hyatadyn 1 heseg l gj dor hj
цэрэг эдийн засагт монгол улс эрчимтэй хамтран ажлах хэрэгтэй ОРОС Улсад саяхан квантын компьютер хийсэн гэсэн квантын нобелийн шагналтан орсын ландуа байсан МФТИ мундаг байна одоо ч шинжлэх ухаан шинэ шатанд гарнаа
Mongoliig hyatad 2 iig neg dor hiisen dald sanaa byhii mash buruu buteel bna !!!! Hyatad 2-r daind orsod yaj tusalsan yum ??? Oroltsoh bish esergyitseh yostoi ! Ingej byhel byten tusgaar ulsiig doromjolj bolohgyi !!!!