Монгол Улсын Ерөнхийлөгч Халтмаагийн Баттулга Монгол ардын намыг тараах тухай захирамж гаргасантайгаа холбогдуулан өнөөдөр ард түмэндээ хандан илгээлт гаргалаа.
МОНГОЛ УЛСЫН ЕРӨНХИЙЛӨГЧИЙН ИЛГЭЭЛТЭД:
Монголчууд аа, ард иргэд ээ,
Миний бие Монгол Улсын Ерөнхийлөгч, Монгол Улсын төрийн тэргүүн, Монголын ард түмний эв нэгдлийг илэрхийлэгч, Монгол Улсын Үндэсний аюулгүй байдлын зөвлөлийн тэргүүн, Монгол Улсын зэвсэгт хүчний Ерөнхий командлагчийн хувьд “төрийн эрх баригч Монгол ардын нам улс төрийн намын үйл ажиллагаанд чанд мөрдөгдөх “төрийн аюулгүй байдлыг сахиж, хуулийг дээдлэн биелүүлэх” Үндсэн хуулийн шаардлагыг зөрчсөн, “төр төвт” тогтолцоог нэг намын дангаар ноёрхолт төрийн тогтолцоонд шилжүүлсэн, Монгол Улсын үндэсний язгуур ашиг сонирхлыг хангаж гагцхүү хуульд захирагдан ажиллах үүрэг, тангарагтай төрийн байгууллага, албан тушаалтны үүрэг, зорилго, үйл ажиллагааг дарамтлан гажуудуулсан, төрийн байгууллага, нийтийн албан тушаалтнуудыг Монгол ардын намын үүрэг даалгаврыг хууль зөрчин биелүүлдэг дуулгавартай бүтэц болгон хувиргасан, улмаар Монгол ардын намын эгэл жирийн гишүүд, дэмжигчдийн итгэл үнэмшлийн эсрэг, хуульт ёсыг устгасан, улсын бүрэн эрхт байдал, тусгаар тогтнолыг сулруулсан, үндэсний эв нэгдлийг задлан бутаргасан, Үндсэн хуулийн бус аргаар төрийн эрх мэдлийг авах гэсэн зүй бус үйл ажиллагааг явуулж, өөрийн намыг цэрэгжсэн бүтэцтэй болгон хэлбэржүүлж байгааг тогтоон, энэ намын үйл ажиллагааг даруй таслан зогсоох шаардлага үүссэнийг Та бүхэндээ хариуцлагатайгаар мэдэгдсэн.
Монгол ардын намын энэхүү хууль бус дарангуйлал нь төр, захиргааны байгууллагуудын үйл ажиллагааг гажуудуулах, хараат бус байдлыг нь бүрэн алдагдуулах, цэрэгжсэн бүтцээрээ дамжуулан сонгуулийн сурталчилгаа хийх, санал хураалтыг будилуулах, санал худалдан авах ажлыг гүйцэтгэх зэрэг ноцтой нөхцөл үүсгэж буй бөгөөд энэ нь улс төрийн намын хэрхэвч хийж болохгүй хориотой үйл ажиллагаа юм.
Учир иймд, Монгол Улсын Үндсэн хуулийн Гуравдугаар зүйлийн 1, 2 дахь хэсэг, Арван зургадугаар зүйлийн 10 дахь заалт, Арван есдүгээр зүйлийн 1 дэх хэсэг, Арван есдүгээр зүйлийн 1 дэх хэсэг, Гучдугаар зүйлийн 1 дэх хэсэг, Гучин хоёрдугаар зүйлийн 2 дахь хэсэг, Гучин гуравдугаар зүйлийн 1 дэх хэсгийн 10 дахь заалт, Гучин гуравдугаар зүйлийн 2 дахь хэсэг, Далдугаар зүйлийн 1 дэх хэсэг, Улс төрийн намын тухай хуулийн 4 дүгээр зүйлийн 4.2 дахь хэсэг, Үндэсний аюулгүй байдлын тухай хуулийн 3, 4, 6 дугаар зүйл, 8 дугаар зүйлийн 8.2 дахь хэсэг, Монгол Улсын үндэсний аюулгүй байдлын үзэл баримтлалын “Дотоодын аюулгүй байдал” гэсэн 3.3 дахь хэсгийн “Хүний эрх, эрх чөлөөг хангаж, үндсэн хуульт байгууллыг бататгаж, хууль дээдлэх ёс, Монгол төрийн залгамж чанар, үндэсний эв нэгдлийг сахин дээдэлж, төрийн удирдлагыг бэхжүүлж, улс төрийн нам, иргэний нийгмийн байгууллага, чөлөөт хэвлэл мэдээллийн төлөвшлийг дэмжиж, нийгмийн дэг журам, тогтвортой байдлыг хангах нь дотоод аюулгүй байдлын үндэс мөн” гэснийг болон уг үзэл баримтлалын 3.3.1, 3.3.1.1, 3.3.1.3, 3.3.1.6, 3.3.3.3, 3.3.3.4, 3.3.4.4 дэх заалтыг тус тус удирдлага болгон, Монгол ардын намыг тараах нөхцөл бүрдсэнийг нотлон зарлаж, Улс төрийн намын тухай хуулийн 23 дугаар зүйлийн 23.2 дахь хэсэгт заасны дагуу Улсын Дээд шүүхэд хүргүүлэхээр захирамжилсан болно.
Монгол ардын намын зүгээс намайг Монгол Улсын Ерөнхийлөгчийн сонгуульд нэр дэвшүүлж, оролцуулахгүйг ихэд хичээн явуулж байгаа ядмаг үйл ажиллагаанд энэ шийдвэр огт хамааралгүй бөгөөд тэдний энэ арчаагүй үйл ажиллагаа Улс Монголынхоо төлөө зүтгэх миний цаашдын үйл ажиллагаанд огтхон ч саад болохгүй гэдгийг мөн онцлон дурдах байна. Нэр дэвших, дахин сонгогдох зэрэг нь улс үндэстний нийтлэг эрх ашгийн дэргэд өчүүхэн зүйл юм.
Монгол төрийн тэргүүний албыг хаших хувь тохиосныг би өөрийн үндэстэн, төрийн төлөө, хуулийн засаглалтай цэгц шударга нийгмийг цогцлоохын төлөө, улс орныхоо мандан бадралын төлөө ажиллах боломж хэмээн харж, өргөсөн тангаргаа үл умартан, үнэнчээр хэрэгжүүлж ирлээ.
Миний бие Монгол Улсын Үндсэн хууль дээр гараа тавьж, ард түмэндээ өргөсөн тангаргийнхаа дагуу улсын тусгаар тогтнол, үндэсний аюулгүй байдлыг бэхжүүлэх, улс орны хөгжил дэвшилд учирч буй саад, бэрхшээлийг арилгах, аюул заналыг зогсоох, мэргэшсэн чадварлаг төрийг төвхнүүлэх, ардчилсан төрийн дэглэмийг бэхжүүлэх, өрсөлдөөнт эдийн засгийн тогтолцоог эрүүлжүүлэх, улсын баялгийг нийт ард иргэддээ тэгш, шударга хуваарилахын төлөө хичээн ажиллаж байна. Цаашид ч үл зогсох болно.
Ард иргэд ээ,
Өнгөрсөн хугацаанд Монгол Улсын Үндсэн хуулийн үзэл санаа, суурь зарчмыг элдвээр мушгин, дур зоргын байдлаар тайлбарлаж, салбар хуулиудаараа зөрчин гажуудуулах явдал түгээмэл болсноор “ард түмний засаглах эрх алдагдаж, байгалийн баялгийн үр өгөөжийг тэгш хүртэж зохистойгоор ашиглах бодлого алдарч, иргэдийн эвлэлдэн нэгдэх эрхийг хангах ёстой улс төрийн намууд ашиг сонирхлоор хэлхэлдсэн гэмт бүлэглэл мэт болон хувирч, иргэдийн сонгох эрх, саналыг худалдан авдаг, одоо бүр дээрэмдэн авдаг болох замаар төрийн өндөр албан тушаалд очдог, ингэж очсон албан тушаалаа хувийн шунахай зорилгодоо ашигладаг явдлыг энгийн үзэгдэл мэт болгон гааруулж, төрийн бодлого тодорхойлогчид ард түмний амьдрал, эрүүл мэндийг бодохоос илүүтэй сонгуульд чиглэсэн өчүүхэн эрх ашгийн хүрээнд явцуу зорилгоо гүйцэлдүүлэн ажилладаг болтлоо ялзран доройтоод байна.
Энэ завхралыг засах, цэгцлэн өөрчлөх зорилгыг эрхэмлэн Монгол Улсын Үндсэн хуульд нэмэлт, өөрчлөлт оруулах зөвшилцлийн ажлын хэсгийг миний бие даргалж, манлайлан ажиллаж, өөрийн зүгээс Үндсэн хуульд:
1. Уул уурхайн баялгийг нийт ард түмэнд тэгш, шударга, хамгийн гол нь шууд хүртээх эрх зүйн үндсийг Үндсэн хуульд бэхжүүлэв;
2. Гэмт үйлдэл хийсэн, ёс зүйгүй улс төрчдийг шүүх, прокурор, Авилгатай тэмцэх байгууллагын шийдвэр үйлдлээр барьцаалан төрийг удирдах замаар өөрийн оролцоог нэмэгдүүлдэг асан урьд өмнөх Ерөнхийлөгч нарын алдаанаас зайлсхийж, шүүхийн шинэтгэлийг дахин бодитойгоор эхлүүлэх боломжийг нээж Ерөнхийлөгч дангаараа томилдог байсан Шүүхийн Ерөнхий зөвлөлийг 10 гишүүнтэй, тал бүрийн оролцоотойгоор томилдог болгох эрх зүйн үндсийг Үндсэн хуульд бэхжүүлэх зэрэг ард түмний амьдрал, хувь заяанд эрс өөрчлөлт авч ирэх томоохон зорилгыг хэрэгжүүлэх үүднээс Ерөнхийлөгчийн бүрэн эрхийг танан хязгаарлахыг зөвшөөрч, Үндсэн хуульд нэмэлт, өөрчлөлт оруулахыг дэмжин баталгаажуулж, бодит үр дүнд хүргэсэн.
Харамсалтай нь, эрх баригч Монгол ардын нам Үндсэн хуулийн энэ эерэг өөрчлөлтийг ердийн хуулиудаар төгөлдөржүүлэн батжуулахын оронд төрийн эрх мэдлийг хуваарилсан Үндсэн хуулийн зарчмыг алдагдуулж, намынхаа удирдах зөвлөлөөс авсан чиглэлээр хууль тогтоодог байдлыг үргэлжлүүлэн, ард түмний элч, нийт иргэн, улсын ашиг сонирхлыг эрхэмлэн баримтлах үүрэгтэй Улсын Их Хурлын гишүүдийн бүрэн эрхийг үгүйсгэх боллоо.
Үүгээр ч зогсохгүй, шүүх эрх мэдлийг намынхаа хяналт удирдлага, нөлөөнд авах, Үндсэн хуулийг чандлан сахиулах үүрэгтэй Үндсэн хуулийн цэцийн хараат бус байдлыг алдагдуулж, Цэцийн гишүүдийг намынхаа илт нөлөөллөөр томилох, чөлөөлөх, үүрэг даалгавар өгч гүйцэтгүүлэх ажлыг ил тодоор, ичих эмээхгүйгээр хийж байна.
Монгол ардын нам нутгийн өөрөө удирдах ёсыг алдагдуулах, орон нутгийн иргэдийн эрхийг хураах, үндэсний аюулгүй байдалд бүрэн хамаарах авлигын гэмт хэргийг мөрдөн шалгаж хараат бусаар ажиллах үүрэг хүлээсэн төрийн тусгай байгууллага, Авлигатай тэмцэх газрын удирдлагын томилгоог намынхаа даргын мэдэлд шууд шилжүүлэх зэрэг увайгүй үйлдэл, ажиллагааг явуулах болсон. Тэд Монголын ард түмнийг өөрийн намын гишүүн-дэмжигч мөн, биш эсэхээр нь ялгаварлан төрийн үйлчилгээг ялгавартай хүргэх, намынхаа гишүүдэд гадаадад сурах тэтгэлгийг тусгайлан олгох зэрэг бусармаг бодлогыг эрээ цээргүй ил тодоор хэрэгжүүлж байгаа нь олон нийтэд тодорхой, ил болоод байна. Эдгээр нь Монгол ардын намыг тараах гол үндэслэл мөн гэдгийг иргэд Та бүхэнд дахин сонордуулж байна.
Монгол ардын намын эгэл жирийн гишүүд, дэмжигчид ээ,
Та бүхний эвлэлдэн нэгдэх, үзэл бодлоо нэгтгэх, улс орныхоо төлөө зүтгэх үндсэн эрх, эрх чөлөөг миний бие гүнээ хүндэтгэн, талархан дэмжиж байна. Харин Та бүхний итгэл, дэмжлэг, сонголтод тулгуурлаж эрх мэдэлд хүрсэн цөөн хэдэн хүмүүс Та бүхний итгэл, үнэмшлийг завхруулж, төрийн эрх мэдлийг намын эрх мэдэл болгон хувиргаж, хуулийг ноцтойгоор зөрчих замаар Үндсэн хуульт тогтолцоог эвдэн, дангаар ноёрхлыг дархлахаар завдан байгааг таслан зогсоохоос өөр аргагүйд хүрлээ. Энэ бол Монголын ард түмнээс надад хуулиар хүлээлгэсэн үүрэг, мөн хариуцлага юм.
Монгол ардын намын жирийн гишүүд Та бүхэн улс орондоо тэгш хөгжил авчрах, Үндсэн хуульт ёсыг хамгаалан бэхжүүлэхийн тулд нэгдэж, улс төрийн үзэл санаа, үнэт зүйлээ дээдэлсэн, гишүүдийнхээ оролцоо, хяналтыг бүрэн хэрэгжүүлдэг орчин цагийн улс төрийн намыг дахин зохион байгуулах, сэргээн босгоход хүчээ нэгтгэх цаг иржээ.
Энэ бол Монгол ардын намын жирийн гишүүд, эрүүл хэсгийнхэнд түүхээр олгогдож байгаа хариуцлага, үүрэг юм шүү. Та бүхэн Монгол Улсынхаа хөгжил дэвшлийн замыг засаж, ардчиллын гажуудлыг арилган шулуутгах түүхэн үйл явцыг бүтээгчид гэдэгтээ итгэл төгс байж, Монгол ардын намыг тараах миний шийдвэрийг хүндээр хүлээж авахгүй байхыг Та бүхэнд уриалж байна.
Монгол ардын намыг тарааснаар хэдхэн бусармаг удирдагчдын дангаар, хязгааргүй ноёрхлын “чөтгөрийн тойрог”, “аалзны тор” гэж нэрлэгдсэн сүлжээнээс ангижран салж, төр улс, эх орон, үр хүүхэд, хойч үеийнхээ төлөө зүтгээсэй гэж Та бүхнээс хичээнгүйлэн хүсэж байна. Та бүхний өмнө шинэ, шударга, ардчилсан, гишүүдийнхээ болон ард түмний эрх ашгийг дээдэлсэн шинэ намыг эмхлэн байгуулах өргөн боломж, хэтийн төлөв нээгдэж байна.
Сайтар тунгааж, санаж хичээгээрэй.
Ард түмний төр барих эрхийг төлөөлөн хэрэгжүүлж байгаа, Монгол Улсын Их Хурлын дарга, эрхэм гишүүд ээ,
Монгол Улсын Ерөнхий сайд, Засгийн газрын гишүүд ээ,
Монгол Улсын Үндсэн хуулийн Цэцийн дарга, гишүүд ээ,
Монгол Улсын Дээд шүүхийн Ерөнхий шүүгч, нийт шүүгчид ээ,
Монгол Улсын төрийн нийт албан хаагчид аа,
Би Монгол Улсын төрийн тэргүүний хувьд Та бүхнийг, Монгол төрд зүтгэж байгаа хүн бүрийг төрийн дээр, хуулийн дээр заларч “хаанчилж” байгаа Монгол ардын намын удирдлагын дарангуйллаас ангижруулахыг зорилоо.
Үндсэн хуулиа дээдлэн сахиж хамгаалах, гагцхүү хуульд захирагдан ажиллах боломжийг бүрэн олгохоор зорилоо.
Монгол Улсын үндэсний язгуур ашиг сонирхлыг хангах үүргээ нийт ард түмний өмнө нэр төртэйгөөр гүйцэтгэх эрхэм үйл хэргийн чинь үүдийг нээж өгөхийг зорилоо.
Та бүхнийг эрх баригч намын хууль бус дарамт шахалтыг эсэргүүцэх, хууль бус үүрэг, даалгаврыг биелүүлэхээс татгалзах, хуулиар хамгаалуулж, хуулийнхаа дагуу ажиллах эрх, эрх чөлөөнд уриалан дуудлаа.
Хууль Та бүхнийг намын заналхийлэл, хяналт, дарамтаас бүрэн хамгаална. Итгэж сонгосон, томилсон монгол түмнийхээ эрх ашгийг Монгол ардын намын эрх ашгаас дээгүүрт өргөөрэй.
Тангаргаа сахиж, ард түмэндээ үйлчлэх үүргээ сайтар тунгааж, үр хүүхэд, ирээдүй хойчсынхоо өмнө нүүр бардам, нэр төртэй байх эрхээ санаж хичээгээрэй.
Эрх баригчид аа, Монгол ардын намын эрх мэдэлтнүүд ээ,
Миний бие Монгол Улсын Ерөнхийлөгч, Монгол төрийн тэргүүн, Монголын ард түмний эв нэгдлийг илэрхийлэгч, Монгол Улсын Үндэсний аюулгүй байдлын зөвлөлийн тэргүүн, Монгол Улсын Зэвсэгт хүчний Ерөнхий командлагчийн хувьд, өөрийн эрхэлсэн ажил, ард түмнийхээ өмнө хүлээсэн үүргийн хүрээнд Монгол ардын намыг тараах хуулиар тогтоосон нөхцөл, шаардлага бүрэн бүрдсэнийг тогтоосноо ийнхүү дахин нотолж, зарлаж байна.
Улс төрийн намын тухай хуулийн 23 дугаар зүйлийн 23.2 дахь хэсэгт “улс төрийн намыг тараах нөхцөлүүдийг нэг бүрчлэн зааж, тийм нөхцөлд, ийм байдалд шилжин орсон намыг Улсын дээд шүүх тараах үүрэгтэй байх”-аар хуульчилсныг дахин сануулъя.
Монгол ардын нам улс төрийн намын үйл ажиллагаанд чанд мөрдөгдөх “төрийн аюулгүй байдлыг сахиж, хуулийг дээдлэн биелүүлэх” Үндсэн хуулийн шаардлагыг зөрчсөн үйл ажиллагаа явуулж ирснийг, явуулж байгааг надаас өмнө зарим иргэн, улс төрийн нам Улсын дээд шүүхэд мэдэгдэж, тараах шийдвэр гаргахыг удаа дараа хүсэж байжээ. Гэвч Улсын дээд шүүх нотлогдохгүй байна гэх үндэслэлээр тухай бүр нь буцаасан байна.
Өнөөдөр, төрийн эрх мэдлийг булааж, эзэрхийлсэн Монгол ардын намыг Үндсэн хууль болон Улс төрийн намын тухай хуулийг илэрхий зөрчсөн, зүй бус үйл ажиллагаа явуулж байгааг нотлох чадамж хэнд байна вэ?
Ийм бурангуй нөхцөл байдалд Монголын ард түмнийг, Үндсэн хуулийг хэн хамгаалах вэ?
Эрх мэдлийн хяналт-тэнцвэрийг хэн хангаж өгөх вэ?
Энэ бол Монголын нийт ард түмнээс мандат авч сонгогдсон, тэднийг төлөөлж байгаа, Монгол Улсын үндэсний аюулгүй байдлыг сахиулан хамгаалах үүрэгтний хувьд надад оноогдож буй түүхэн үүрэг, зайлах аргагүй хариуцлага гэж үзэж байна. Би ард түмэндээ үйлчлэх тангарагтай хүн. Монгол ардын намыг хуулийн дагуу тараах нь хуулийг дээдэлж байгаа үйлдэл, өргөсөн тангаргаа сахиж байгаа ариун хэрэг мөн.
Ард иргэд ээ,Би Та бүхнийхээ ардчилсан ёсыг бэхжүүлж, шударга ёсыг тогтоохоор хүсэмжлэн өгсөн үүрэг, даалгаврыг мартаагүй ээ.
Монгол Улсын төрийн алба Монгол Ардын намын дарлалд ороогүй, эрхшээл нөлөөнд нь автаагүй бол Монгол Улсын үндэсний язгуур ашиг сонирхлыг хамгаалах чиг үүрэг бүхий Тагнуулын байгууллага, Цагдаагийн байгууллага болон бусад тусгай албад үүнийг хариуцаж, улс төрийн намын хууль зөрчсөн үйлдэл, үйл ажиллагааг нэг бүрээр нь шалгаж, тогтоох учиртай. Өнгөрсөн хугацаанд Монгол ардын намын зүгээс явуулсан дарагдах аргагүй, далдлах боломжгүй хууль бус, гэмт үйлдлүүд чамлахааргүй нотлогдсоныг, мөн нотолсон хэдий ч хариуцлага хүлээлгэх, шийтгэл ногдуулах ажиллагаа нь өнөөх намын эрхшээл, нөлөөллөөр саармагжин, саатаж байгааг дурдах нь зүйтэй.
Чухам иймийн учир би Төрийн тэргүүний хувьд, ард түмнийхээ өмнө үүрэг, хариуцлага хүлээсэн Монгол Улсын Ерөнхийлөгчийн хувьд, улс үндэстнийхээ аюулгүй байдлыг хангах Үндэсний аюулгүй байдлын зөвлөлийн тэргүүнийхээ хувьд Монгол ардын намыг тараах нөхцөл бүрэн бүрдсэнийг тогтоон, Улсын дээд шүүхэд хуульд заасан үүргээ хэрэгжүүлэх боломжийг олгож байгаа юм.
Улс төрийн намыг бүртгэх, бүртгэлээс хасах, тараах шийдвэр гаргах нь Улсын дээд шүүхэд харьяалуулсан Улсын бүртгэлийн үйл ажиллагаа гэдгийг онцгойлон анхааруулъя. Төрийн тэргүүн өөрийн үйл ажиллагааны хүрээнд тогтоож нотлон хүргүүлж байгаа баримт, материалыг Улсын дээд шүүх нэн хариуцлагатайгаар хүлээн авч, хуулийн хугацаандаа зохих шийдвэрийг гаргана гэж найдаж байна.
Монгол Ардын намыг тараах шийдвэр гаргах Улсын дээд шүүхийн үүргийг Үндсэн хуулиар хамгаалсан, хэн ч хөндлөнгөөс нөлөөлөхгүйгээр хуульчилсан шүүх эрх мэдлийн “шүүн таслах” үйл ажиллагаатай холбож мушгих шаардлагагүй, тийм боломж ч байхгүй гэдгийг эрс хатуу сануулж байна.
Ард иргэд ээ,
Өнөөдөр Монгол Улсын тусгаар тогтнол, бүрэн эрхт байдалд шууд халдан заналхийлэх, илэрхий үгүйсгэх хандлага, маргаан дэлхий дахинд байхгүй.
Харин бидний дотоод асуудал, үүний дотор ард түмний өмч болсон байгалийн баялгийг эрх мэдэл, авлига, ашиг сонирхлоороо сүлбэлдэж, намаараа холбогдсон гэмт бүлэглэл хууль бусаар эзэмшдэг, худалддаг, үр өгөөжийг нь цөөхүүлээ шимэгчлэн хүртдэг, албан тушаалын эрх мэдлийг хувийн шунахай зорилгодоо ашигладаг, худалддаг, авлигыг өөгшүүлдэг, татвар төлөгчдийн мөнгийг бүлэглэн зувчуулдаг, эрх мэдлээ хадгалах, үргэлжлүүлэх явцуу зорилгоор үрэн таран хийдэг, иргэдийн боломж, нийтийн өмч хөрөнгийг хулгайлдаг, оффшор бүсэд гаргаж нуудаг зэрэг бусармаг явдал, үүнийг дэвэргэн өдөөдөг гадаад, дотоодын зүй бус нөлөөлөл л бидний зовлонгийн үүдийг нээж, улс орон минь сулран доройтохын үндэс болж байна.
Энэхүү алдаа, завхралын эх уурхай, үндэс болсон Монгол ардын намыг тарааж, олон намт ардчилсан тогтолцоогоо баталгаажуулж, өргөн олныг хязгааргүй дарлах гэсэн адал балмад ажиллагааг таслан зогсоож, Үндсэн хуульт ёсоо бэхжүүлж, хүний эрх, эрх чөлөөг дээдэлсэн ардчилал, хөгжлийн замналаа өнөөдрөөс эрчимжүүлье.
Монгол Улс өнөөдөр улс төр, эдийн засаг, нийгмийн болон оюун санааны гүн гүнзгий хямралд орсны гол буруутан нь Монгол ардын нам мөн.
Ардчилсан шинэ Үндсэн хууль батлагдсанаас хойших 29 жилийн 21 жилд нь Монгол ардын нам дангаар төрийн эрхийг барьж, төрийн байгууллагуудыг удирджээ. Үр дүн нь улсын өнөөгийн байдал, таны ахуй амьдрал, эрүүл мэнд юм. Монгол ардын нам үүнийг хэнтэй ч хуваалцах, буруугаа бусад руу чихэх эрхгүй!
Улс төрийн намын тухай хуульд намыг тараах 8 үндэслэл бий. Би нэг бүрчлэн хэлье:
1. Монгол Улсын бүрэн эрхт байдал, тусгаар тогтнолыг бусниулах хэмжээний үйл ажиллагаа явуулсан бол;
2. Үндэсний эв нэгдлийг задлан бутаргах хэмжээний үйл ажиллагаа явуулсан бол;
3. Yндсэн хуулийн бус аргаар төрийн эрхийг авах хэмжээний үйл ажиллагаа явуулсан бол;
4. Хүч түрэмгийлэх арга байдалд шилжсэн, ажилласан бол;
5. Яс, үндэс, арьсны өнгөөр ялгаварлан гадуурхах үйл ажиллагаа явуулсан бол;
6. Бусад орны тусгаар тогтнол, нутаг дэвсгэрийн бүрэн бүтэн байдлын эсрэг үйл ажиллагаа, сурталчилгаа явуулсан буюу шашны намын хэлбэрт шилжсэн бол;
7. Цэргийн болон цэрэгжсэн намын хэлбэрт шилжсэн бол;
8. Фашист намын хэлбэрт шилжсэн бол улс төрийн намыг тараана.
Эдгээр нөхцөл, үндэслэлийн аль нэгэнд нь хамаарах үйл ажиллагааг явуулсан, тэр нь нотлогдсон л бол улс төрийн намыг шууд тараах ёстой. Монгол ардын нам эдгээр болзлын ихэнхийг шууд болон шууд бусаар хангаж, туйлын ноцтой үйл ажиллагаа явуулсан буюу явуулж байгаа нь бүрэн тогтоогдож байна. Тухайлбал:
1. Монгол Улсын Үндсэн хуулийн цэцийн хараат бус байдалд халдаж, Үндсэн хуулийн цэцээр Үндсэн хууль зөрчүүлсэн шийдвэр гаргуулж байгаа нь Монгол Улсын бүрэн эрхт байдал, тусгаар тогтнолыг бусниулах хэмжээний хүч түрэмгийлсэн, Үндсэн хуулийн бус аргаар төрийн эрхийг авах гэсэн үйл ажиллагаа юм. Улс орны тусгаар тогтнол, иргэдийн эрх, эрх чөлөөг гагцхүү Үндсэн хууль л хамгаалж байдаг гэдгийг мартаж болохгүй.
2. Монгол ардын намын даргын зөвшөөрөлгүйгээр Монгол Улсын Үндэсний аюулгүй байдлын зөвлөл хуралдаж чадахаа болилоо. Цар тахлын үеийн нөхцөл байдлыг хэлэлцэн дүгнэхээр удаа дараа Үндэсний аюулгүй байдлын зөвлөлийн хурал зарласан ч ирц бүрдээгүйгээс хуралдаж чадахгүй байдалд хүрсэн. Монгол ардын намын шийдвэрээр Монгол Улсын Засгийн газар тодорхой үндэслэлгүйгээр 2021 оны 1 дүгээр сарын 21-ний өдөр нэг өдрийн дотор бүрэн бүрэлдэхүүнээрээ огцорлоо. Монгол ардын намын удирдах зөвлөлийн шийдвэр, даалгавраар Засгийн газрын хэрэгжүүлэгч агентлаг, Улсын бүртгэлийн ерөнхий газар нь зүй бус шийдвэр гаргаж ард түмний төрийн эрх барих эрхийн үндсэн дээр бүрэлдсэн парламент дахь сөрөг хүчин, Ардчилсан намыг хагалан бутаргаж байгаа зэрэг нь үндэсний эв нэгдлийг бусниулах үйл ажиллагаа мөн.
3. Монгол Ардын намын дарга У.Хүрэлсүх өөрөө тэргүүлэн “Монгол цэргийн холбоо” гэх байгууллагыг тус намын бүтэцтэй зэрэгцүүлэн байгуулж, орон нутгийн намын дарга, удирдлагыг нь орон нутагт төрийн удирдлагын чиг үүргийг хэрэгжүүлэгч Засаг дарга болон орон нутгийн төрийн захиргааны байгууллагын дэргэдэх Цэргийн штабын үйл ажиллагаатай нэгтгэн зохион байгуулж байгаа нь Монгол ардын нам цэрэгжсэн үйл ажиллагаа явуулж байгааг бүрэн нотолно. Ардчилсан нам сонгуульд ялсан аймгуудын Засаг дарга нарыг энэ холбоондоо нэгтгээгүй нь энэ байгууллага зөвхөн Монгол ардын намыг дагаж ажилладаг, түүний цэрэгжсэн бүтэц, салшгүй хэсэг нь гэдгийн давхар нотолгоо. Цаашид энэ нам, бүтцээр дамжуулан улс төрийн болон цэргийн үйл ажиллагаа явуулах эрсдэл ч тулгарч байгаа юм.
4. Монгол ардын намын удирдлага төрийн албыг үнэлэн, 60 тэрбум төгрөгөөр худалдах төлөвлөгөө гарган хэрэгжүүлсэн, сонгуулийн зардлыг санхүүжүүлсэн гэмт хэрэг нь тогтоогдож, шүүхээр шийтгүүлсэн.
5. Удаа дараагийн парламентын сонгуулийн дүнг төрийн механизмыг ашиглан будлиантуулж үүний үр дагаварт, тус намын даргын оролцоотойгоор 2008 оны 7 сарын 1-ний цуст үймээн гарч эрдэнэт хүмүүсийн амь насыг тухайн үеийн төр засгийг удирдаж байсан Монгол ардын намын удирдлагууд, тухайлбал онц байдлыг гардан удирдах үүрэг авсан Хууль зүйн сайдын тушаалаар буудан хороосон үйл явдал монголчууд бид мартах учиргүй.
6. Жижиг дунд үйлдвэрийг хөгжүүлэх сангийн хөрөнгийг Монгол Улсын Засгийн газрыг огцруулах, намын даргыг солих саналыг дэмжих “төлбөр” болгож хуваарилсан. Тус намын гишүүн, нэр бүхий олон хүн хууль бусаар зээл авсан, зориулалт бусаар ашигласан нь нотлогдож шүүхээр шийтгүүлж, ял эдэлж байна. Ерөөсөө, Монгол ардын намын харьяалалгүйгээр төсвийн хөрөнгө оруулалтаас бүрддэг аливаа тендер, нэр бүхий олон сангаас зээл, дэмжлэг авах боломж жирийн ардад хэзээ ч олддоггүй нь нууц биш болсон байна.
7. Цар тахлыг улс төрийн зорилго, сонгуульд ялах гэсэн өчүүхэн зорилгодоо ашиглаж Монголын ард түмний амь нас, эрүүл мэндийг эрсдэлд оруулж, өнөөдрийг хүртэл үргэлжүүлж байгаа нь Монгол ардын нам ямар дэглэм тогтоож, ямар дэглэмээр ажиллаж байгаагийн тод илрэл болж байна. Удаа дараа хэлж сануулсаар байхад цар тахлын эсрэг вакциныг худалдан авах эх үүсвэрийг улсын төсөвт санаатайгаар суулгаагүй, гадаадын хандивлагч улсууд, олон улсын байгууллагуудаас цар тахалтай тэмцэхэд зориулж Монголын ард түмэнд хандивласан олон зуун сая долларын хөрөнгийг үрэн таран хийж, өнөөдрийг хүртэл зарцуулалтыг нь тайлагнаагүй, цар тахлын нөхцөл байдлыг улам бүр хүндрүүлсээр байгаа нь миний үгийн үнэнийг Та бүхэнд гэрчилнэ.
Монгол Ардын намын үйл ажиллагаатай шууд холбоотой эдгээр үйлдэл, үйл ажиллагааны баримтыг би Монголын ард түмэнд нээлттэйгээр дэлгэн танилцуулж, Улсын Дээд шүүхэд хүргүүлэх болно.
Монголчууд мөнх төрийнхөө дээр улс төрийн намыг залах учиргүй. Үүний тулд нийтээрээ нэгдэн нягтрах, Монгол төрөө хамгаалах цаг иржээ. Монгол төрийг нэг намын дарлалаас чөлөөлж, хамгаалахад монгол хүн бүрийн хүчин зүтгэл хэрэгтэй болоод байна.
Мөнх тэнгэрийн ивээл дор ахуй төр минь бүү алдраг!
Монгол Улс, монгол үндэстэн мөнхөд оршиж, Монголын ардчилал ашид мандан бадрах болтугай.
Анхаарал тавьсанд баярлалаа” гэжээ.
Сэтгэгдэл0
Танай ардчилсан нам бол бүр жинхэнэ дарангуйлагч нам за.
Хуурч мэхлэн, хулхидалгүйгээр амьд явж чаддаггүй. Заримдаа хаана нь худал, хаана нь үнэн байгаагаа өөрөө ч мэдэхээ байтлаа бурдаг. Загасныхан үргэлж өөрөө өөртэйгээ зөрчилдөж, үргэлж өөгүй мултарч байдаг ч үүнээсээ ямар нэг ашиг гаргах нь тун цөөн. Учир нь энэ бүхнийг ашиг хонжооны төлөө бус харин «хуурах урлагийн төлөөх урлаг» буюу сэтгэлийн таашаал авах зарчмаар хийж байдаг юм. Мөн бусдын муу муухайг хутган самарч, эмзэг газрыг олж хөндөх дуртай. Бусдын нууцаар наймаа хийхээс буцахгүй. Ажил хийх дургүй, чаддаг ч үгүйн дээр ямар ч барьцгүй болохоор албадан ажил хийлгэнэ гэдэг гонжийн жоо. 17 тэрбум доллар гадна байна ханцуй шамлаад орно гээд байсан худалч өөрөө оффшортой байсан байгаа биз энэ худалчаар ажил хийлгэнэ гэж гонжоо. Төрсөн ордон худалчуудын ордон төрсөн байхад нэмэр байна уу. АН-н дотор хэрүүл хутгаад бүгдийн самраад хаячихсан. АН-г Элбэгдорж, Баттулга гэдэг 2 нөхөр самарсан даа. Манай энэ худалч юу гэж хэлж байж болно молиго үмхүүлж байгаа хэрэг юм. Сонгууль дөхөөд баруун зүүнгүй худал ярьдаг болсон. Ардчилсан нам одоо юу болж байна бөөн хэрүүл бантан тамга тэмдэг хуурамч жинхэнэ цаад эзэн хор хов найруулагч эзэн Женко байдаг гэнэ. Төмөр зам, аж үйлдвэрийн парк, 17 тэрбум доллар худал хэлээд байхаас биш ажил хийе үр бүтээл гаргая гэж ёстой гонж доо. Х.Баттулга гэдэг хүний зурхайг сайтар уншаад өнгөрсөн 4 жил ерөнхийлөгч бүр 12 жил сайд байсан хүн юу хийв бод бод. Хагалж бутаргахгүй өнгөрч байвал тэр женко биш.
2 төрлийн ардчилсан нам байна. Алуурчин элбэгдоржийн баасаар хооллогч алуурчин эрдэнэ толгойлсон Алуурчдийн ардчилсан нам, Тувааны удирдсан шинчлэгдэхийг хүссэн ардчилсан нам. Алуурчин элбэгдоржийн баасаар хооллогч алуурчин эрдэнэ толгойлсон алуурчдийн ардчилсан нам гээч нь МАН гэдэг мангастай нөхцөж манан мафийг бүрдүүлдэг.
Цар тахал 2020 онд анх гарахад Ерөнхийлөгч "Төсвөө зас, дэмий зардлаа боль, иргэд, аж ахуйн нэгжээ бэлэн мөнгө, ваучер, зээлээр дэмж". МАН ба Хүрэлсүх "Төсөв засахгүй ээ, чи битгий солиор". Эцэст нь төсвийн алдагдал -12.3% болсон. Вакцины тухай Ерөнхийлөгч "Төсөвтөө суулга, захиалгаа өг, төлбөрөө эртхэн төл". МАН "Чи битгий хуц. Тийм мөнгө төсөвт байхгүй". Үр дагавар нь одоо вакцингүй сууж байна. Ерөнхийлөгч хүн бүрт 1 сая төгрөгийн дэмжлэг өг, 200 мянгыг бэлнээр, 800 мянгыг дотоодын хүнс худалдан авах эрхийн бичиг байдлаар өгч дэмж. МАН ба Хүрэлсүх: "Тийм мөнгө байхгүй. Амаа тат". Эцэст нь Оюун-Эрдэнэ 300 мянгыг тараалаа. Ерөнхийлөгчийн саналын 1/3-ийг Copy Paste. Ингээд бод доо та нар. Бүхэл бүтэн 62 суудалтай нам, УИХ, Засгийн газар нь ганц муу ерөнхийлөгчийн тархины 1/3-д ч хүрэхгүй байна?!
Согууль бодсоор байгаад нойргүйдэл сэтгэцийн өөрчлөлтөнд орсон юм биш биз дээ Эрүүл мэндээ бодмоор юм настай хүн. Заавал 60-тай ухаарч 61-тэй үхэх гээд яадаг байна
Тэмцэл, бослогод уриаллаа гэж юу солиороод байгаан? Хулгайчдын цуглуулга 1 намыг татан буулгах санал гаргасан чинь чацга алдах нээ.
Шоок шаах замаа улам л засаж байна даа. Ерөпнхийлөгчийн алба,Үндсэн хууль,Үндсэн хуулиар олгогдсон үүрэг зэрэг бол ч энэ хүнд юу ч биш болтой. Буланд шахагдсан харх нэг иймэрхүү үйлдэл гаргадаг тухай ВВП нэг удаа дурьдсан байдаг.....
Ерөнийлөгч маань зөв буруу нь ойлгогдохгүй мэдэгдэл хийгээд байна даа.
МАН даварсан, коммунистууд Монголыг дэлхийн шившиг болгосон нь үнэн! Боловсролгүйн хар гайгаар ард түмнээ ядууруулсан МАН тарах нь зөв!
Өөр өөрийгөө ойлгохгүй яриад байгаа биз дээ хүний тухай ярьж байгаа гэж өөрөө бодож байвч өөрийнхөө тухай ярьж байна.
би женкод дургүй, гэхдээ энэ удаад тэрээр тун зөв юм ярилаа. МАН-ыг бүр 1990 онд тараах ёстой бсан. Тэгсэн бол улс орон баян тарган биш юм аа гэхэд өнөөдрийнхөөс арай дээр бх бсан гэж боддог.
МАН Монголын төр, Төрийн албыг хувьчилаад авсан мэт хуулийг гууль болгож байгаа. МАГ тар. Дэмжиж байна
Улс төр түүхэнд тийм байх байсан гэж барих юмгүй вангаддаггүй.Женкогийн Монгол ялнаас эхлээд Хужаагийн танк, Оффшорчдод өгсөн 49 хоног нь бүгд лоозогносон худлаа хиймэл хийрхсэн Орос шинж чанартай.
Энэ хүн эв нэгдлийг хангаж ажиллах ёстой байтал дандаа болохгүй, бүтэхгүй зүйл ярьж, хутган үймүүлж байх юм. Ерөнхийлөгчөөсөө буухдаа амиа бодсон хөгийн үйлдэл гаргаж өөрийгөө улам л харуулж байна даа. Ядахдаа өөрийнхөө оффшорын мөнгийг оруулж ирээд иргэддээ тараачихгүй дээ.
ХАЛТМААГИЙН БАТТУЛГА АРД ТҮМНЭЭ ИРГЭНИЙ ДАЙНД УРИАЛАН ДУУДЖЭЭ. ҮХЭХДЭЭ ҮХЭР БУУГАА ТАВЬЖ БАЙГАА ЭНЭ ХҮНИЙ ЗУУЛТ ИХ ЧАНГА ИРНЭ ШҮҮ. АРД ТҮМЭН МИНЬ БЭЛЭН БАЙГААРАЙ.
30 жилийн турш тасралтгүй монголыг хусаж хулгайлж монголчуудийг тохуурхаж доромжилж басамжилсан алуурчин элбэгдорж үнэнд гүйцэгдэж өмдөндөх баасандаа холилдоод орилон бархирч орох оронгүй гишгих газаргүй болоод байна. Гадаад эзэддээ амбаардуулж хөөгдөж ирсэн өдрөөсөө эхлэн ерөнхийлөгч Баттулгийг гутааж сонгуульд оролцуулахгүйн төлөө үхэн хатан зүтгэж байна. Алуурчин элбэгдорж олон хүн алсан нүглээ үүр
Элбэгдорж Хүрэлсүх нар эртнээс Баттулгын эсрэг эвсэл далдуур байгуулсан байхоо.Элбэгдоржийн хэрэг яагаад таг болчихов. Сү.Батболдын хэргийг яагаад дараад хаацайлаад байна.Бүгд Хүрэлсүхийн амиа бодож хутгасан хор.
He is deeply engaged, unfortunately in Self-Destroyed, Self-Destructive Mode before making it to the Finish Line. And fighting a Losing War, to convict all of us. If it's for Justice we will fall for it 100%. Au contraire ! It's such a dog-eat-dog fight, hell-bent on revenge full of attacks in deeply personal terms. I'm so damn tired of seeing such a Circus with bloodthirsty bloodbath clowns . Darn shitty folks, really are.
ЕООК МАНДТУГАЙ УРАААААААААА
АН-ынхан Ерөнхийлөгч Х.Баттулгыг сонгуульд дэмжүүлэх зорилгоор АНУ-ын лобби компани хөлсөлж, Ц.Туваан гарын үсэг зуржээ.../гэсэн мэдээлэл гарч эхэллээ ... За одоо болно Баттулгаа Та Ерөнхийлөгчийн суудлаа Хааны суудал гэж бодоод байнауу, Цаана чинь Монголын Төрийг самарч Монгол Улсыг мөхөөх зорилготой Луйварчин Элбэгдорж бөөн баяр болж ,шоронд хийгүй болсон өөрийн чинь буянт үйлсийг тэмдэглээд бөөн баяр тэмдэглэж байхад ..Монгол Төрийг самарч байгаа ажилаа тэнэг мал шиг ойлгохгүй Ерөнхийлөгч дахиж болно гэж мөрөөдөхөө болилоо . эсвэл өөрөө шоронд хуучин хэргүүдээрээ орчих байх гэж айгаад л ийм заль арга хийгээд байгаа юмуу, Тайван л бай Та
БАТТУЛГА ЕӨК АН-ЫН ТУВААНЫ ЖИГҮҮРИЙГ ДЭМЖДЭГ БӨГӨӨД ТУВААН НЬ АМЕРИКИЙН ЛОББИ БҮЛГИЙГ МОНГОЛ УЛСЫН СОНГУУЛЬД ОРОЛЦУУЛАХААР ГЭРЭЭ ХИЙЖ 50,000 ДОЛЛАР ТӨЛСӨН БАЙНА. ТУВААН 50,000 БАЙТУГАЙ 50 ДОЛЛАР Ч МАНАЙ НАМД БАЙХГҮЙ ГЭЖИЙНЛЭЭ. ҮНЭН Ч БАЙХ. ГҮТГЭЛЭГ БАЙХ
АН Г ЯАЖ 2 ХУВААВ.АРДЫН ЗАСГИЙГ ЯАЖ ХҮЧГҮЙДҮҮЛЭВ.ОДОО МАН Г УСТГАЖ АВААД .ИХ ХУРАЛ ЗАСГИЙН ГАЗРЫГ ТАРААГААД ЖИНХЭНЭ.ЖОНХУУРУЖЛЖ ӨГЧ БНА.ЯАСАН ҮНЭТЭЙ ХҮН БЭ.НЭР ХҮНЛ НЬ УЛАМ УНАНА.
Ардчилсан нам гээч өмхий жорлон Алуурчин элбэгдоржийн баасаар хооллогч алуурчин эрдэнийн толгойлсон алуурчдийн ардчилсан нам, Тувааны удирдсан шинчлэгдэхийг хүссэн ардчилсан нам гэж 2 хуваагдсан.
Хүнийх нь хувьд хүндэлдэг шүү. Гэхдээ ардчилсан нам олонхи үедээ нэгмуу жижиг хашаа байшинг минь үнэгүйдүүлж булааж авах гээд үүд таглаад нүх ухчихдаг л юм билээ. Яагаад ардчилсан намынхан ардчилалаа зөвхөн өөрсдөө зориулаад хуулиа ядарсан иргэдэд далайж бсан бэ? Шат шатны байгууллагад очиж гомдол мэдүүлхээр өө наа хашаа чинь тэрнийхшдээ гээд хөдлөхгүй суучихдаг тэр хүн нь з. Энхболдын хөл гарны үзүүрт гүйдэг нтр. Ардчилсан гэж ярьдаг ан чинь дотроосоо ялзарсан дарангуйлагчидаар дүүрсэн. Ман ч бас хэдэн мөнгөтэй гэр бүлийн хүрээнд л өв залгамжилж суудал горилж голоо зогоодог та нар бүгд ядарсан иргэдээсээ илүү ядмаг өлөн шд. Баттулга та ингэж хэл ам хийж доошоо орж бхаар буу, буухдаа ч ман ан хүн намуудаа тараа. Залуу үедээ зай бол хорчин ажилгүй луйварчин ах эгч нараа
Танай ардчилсан нам шившигээ дэлгэж бүр улаан цагаандаа гарч байна. Сөрөг хүчний МАН-аасаа долоон дор нам байна.
Одоо болил до цар тахал ихдээд хүмүүс тайван биш б.на яасан ханаж цаддаггүй новшнууд вэ шал дургүй хүрчихлээ ийм тэнэг хүнд төрийн жолоо дахиж атгуулж яав ч болохгүй ээ МАН хэзээ ч ийм тэнэг үйлдэл гаргаж байгаагүй хор шар нь хөдлөөд яахаас ч буцахгүй болсон б.на шүү энэ хүн
Энэ одоо эрүүл юм уу.
Их шуурганы өмнө нам гүм ...
Учиртай баймаар.Ан г тараах ард нь эцэс төгсгөлгүй хэрүүл маргаан явж өгнө.АН г өөрөө хуваачихсан одоо өөр тийшээ хадуураад юу яриад байгаа юм бэ.
З.ЭНХБОЛД ХУГАЦААГ НААШ НЬ ТАТАЖ ТӨРИЙН ХУТГУУР ХИЙСЭН.ЭНХБОЛДТОЙГОО ЯРЬ.ЗА БАТТУЛГА МАНАЙ НАМААС ДЭВШИХ АЛБАТАЙ ЮМ УУ.
Энэ одоо болохгүй ш дээ, ард түмнээ тэмцэлд уриалаад байгаамуу хаашаа юм...
Элбэг ерөнхийлөгч.Алтанхуяг ерөнхий сайд.энхболд их хурлын дарга.Та хөдөө аж ахуйн сайд байхад дарангуйлал тогтоогүй.Өөр нам болохоор тогтдог юм уу.Ингэж болохгүй.
За бт оилголоо.ард түмэн иргэнии даинд бэлтгэ гэж уриалж баигаа юм уу. Санаа зоволтгүи. Ерөнхиилөгчөө.таны буанд стреестсеер баигаад дархлаа бaихгүи болж баигаа бид ёи чинь даралтөар юм уу. Коронагаар нүд аних нь. Цэрэшг даинд мөнгөө бүү үр.
БАЯНХОГОРЫН КОРОНОТОЙ БИДОН ӨӨРИЙН ТОЛГОЙ БАЙХГҮЙ.БАТТУЛГЫН УЛААН ХАМГААЛАГЧ.
ЦАГААН ДЭЭР ХАРААР БИЧИИЧХСЭН ЗҮЙДИЙГ УЛС ТӨРЖҮҮЛЖ ЯАХЫН.БХТТУЛГА ГУАЙ ТАМГЫН ДӨРГАДАА ТОНГОРУУЛСАН ШҮҮ.ЭНЭ ҮНЭН
Энэ их маргааны ихийг БАТТУЛГА өөрөө тавьсан ТАМГЫН ГАЗРЫН ДАРГЫХАА ХИЙСЭН КҮЙЛИЙГ УНШААД Л ӨӨРӨӨ 25 ОНООС ГЭЭД ӨМНӨХ ТӨСЛӨӨР НЬ ЯВЧИХБАЙСАН.ӨӨРӨӨ ЮМ УНШИХГҮЙ.ТЭГЭЭЛ ОДОО УЛС ОРОН ДАЯАР ХЭРҮҮЛИЙН АЛИМ ТАВИВ.ЯГ ҮНЭНДЭЭ ТАНЫ ГАРАХ ГЭЖ БАЙГАА ХУУЛИЙГ УНШДАГГҮЙН ХАРГАЙ.
Миний нэр дэвших, дахин сонгогдох зэрэг нь улс үндэстний нийтлэг эрх ашгийн дэргэд өчүүхэн зүйл
МАН-Д ХУЛГАЙ, ДЭЭРЭМ. ХҮЧИН, АВИЛГА, ДАРАМТ, ХУУЛИЙГ ҮЛ ТООХ ГЭЭД 9 ШИВШИГНЭЭС Ч ИХ ШИД БҮРДСЭН ТУЛ МОНГОЛЫН АРД ТҮМЭН ТӨРӨӨ ЦЭВЭРЛЭЖ АВАХ ЁСТОЙ.
Равдаан эхлээд АН ыг бүр байхгүй болго МАН үлдлээ гээд фракцаараа өөрсдөө аяндаа хуваагдсан цагт
Ерөнхийлөгч маш зөв зүйл ярьсан байна.МАН ын үйл ажиллагаа сүүлийн үед бүр дэндсэн. Төрийн байгууллагын болон хууль хэрэгжүүлэх байгууллагуудын үйл ажиллагаа зөвхөнМАН ын шийдврийн дагуу асуудлыг шийдвэрлэдэг болсон. Нам төрийн дээр гарч ирсэн. МАН одоо олигархи оффшорчин хулгайч луйварчдыг хамгаалдаг цайз болж хувирсан. Гэм буруутай нь шүүхээр батлагдаж шоронд байсан хүнийг шоронгоос даалтаар гаргаж ирээд УИХ ын гишүүний тангараг өргүүлж хамгаалалтанд авсан гадаадын шүүхээр хууль бусаар хөрөнгөжиж оффшорт их хэмжээний мөнгөтэй болсон нь батлагдсан хүнийг хамгаалж ард түмнийг доромжолсон ийм намыг даруй тараах нь зөв юм.
МАН ард түмнээ ядууруулж өөрсдөө хагартал баяжиж монголын ард түмний эв нэгдлийг задлан бутаргаж байгаа нь МАН г татан буулгах хангалттай нөхцөл. Ерөнхийлөгч үндсэн хуульд заагдсан эв нэгдлийг хамгаалах үүргээ биелүүлж байна. Монголын мянга мянган эх орончдыг хөнөөсөн түүх нь зайлшгүй татан буугдах дараагийн нөхцөл. Дараагийнх нь төрийн албыг төрөлийн алба болгосон, жду, концес, лиценц гээд .... явж өгнө.
Эхлээд Женко хулгараас салаад дараа нь наад асуудлыг чинь шийдеэ
Ерөнхийлөгчөө дэмжиж байна. Ард түмнээ хамгаалж байна . Ман гарууд мангартаж байна. Маниусыгаа нугаслаж мэдэх нь... Ман хийрхлээс маш их залхаж байна , тарагтун
Монголын ард түмэн 100 хувь таныг дэмжиж байна
Hulgar vvrd uls toroos zail
Zuv.....EK-uu demjinee.....
ШУДАРГА ЁС НЭГ НАМЫН ДАРАНГУЙЛАЛ 2 ТЭМЦЭЖ БАЙНА. ИДСЭН УУСАН УЛС ИЛЭРХИЙ ШИЙТГЭГДДЭГГҮЙ НЭГ НАМЫН ДАРАНГУЙЛАЛЫГ ТАРААЯ!!! ҮГҮЙ БОЛ БОСЦГООЁ !!!
ман ан нэртэй мафын бүтэцээс салах цаг болсон шүү монголчуудаа. Жирийн иргэд туйлдаж гүйцсэн нь үнээн. Дээрх заалтуудыг уншихад үнэхээр зөрчигдөөгүй заалт үлдээгүй бн. Дээрх 30н жилийн 21н жилийг дангаар авч явсан маныг үнэхээр зайлуулах цаг болсоон. Манжийн дарлалаас салж болсон юм маны дарлалаас яагаад ангижирч чадахгүй гэж???
Дэмжиж бна, феодлын нам, хулгайч луйварчдын үүр болсон намуудйг татан буулгаж шинээр эмхэлье
Нам тороор дамжиж баяжиж болдог гэдгийг харуулсан сонгодог жишээ бол яах аргагуй МАН намын хумуус мон
Tanii daranguilald ene uls 4 jil bolloo, odo bolson baihaa, eldev medegdel hiij opon niitiig uiluulehgui bnuu, Covid d darluulsan irged ugaasaa hund bn end
Энэ нэг хийрхсэн хүн байна.
Би АН-г үзэхээ болиод удаж байна. Эрдэнэтийн луйвар болон Дубайн гэрээний дараа бол АН-д алуулж байхаар МАН-д мөлжүүлсэн нь дээр гэж боддог болсон. Одоо бол дараагийн ерөнхийлөгч нь АН ч биш МАН ч биш хүн болоосой гэж хувьдаа мөрөөдөж явдаг яагаад гэвэл МАН болвол Сука-г дийлэх хүн байхгүй болно. АН гарах юм бол улс хөгжихгүй. Одоогийн улс төрчид болон намууд хүн зон улс орондоо хэрэгтэй зүйлийг хийлгүй хойш нь тавьж дараагийн сонгуулийн тоглолтонд ашиглах сонирхолтой болсон гэдгийн хүн болгон мэддэг шүү дээ.
Neg namiin sdaranguilal haan togtood haana ni AN-iinhan darluulaad bgaan. AN 12-16ond zasaglahad toriin 3-n ondorlog bugd l AN-iin toloolol bsan sh dee. AN tord garahaaraa Ardchilal, MAN tord garahaar daranguilal boldog haanahiin es geech ve. AN-iin tolgoid bgaa heden hun sugnuud erdoo l erh medel idej uuhaas oor bodoh yum bdaggui bololtoi. Hiij bgaa sainiig ni olj harah durgui, dandaa oo sev haij teriigee ih baga gehgui ulstorjuulj l ashig honjoo haragchid bolson hulgaichuud ve. MAN bish tanai hun sugeer udirduulsan AN tarval yaasiin
MONGOL CHUUD BAIGAA NI ENE SHUU DEE. DORJI IIG DOLMOR SOLOD NEMER BAIN UU ? GEJI ASUU . KNOWLEDGE OF WORLD LEADING PHILOSOPHY MAKE THE MONGOLS GREAT MORALITY . ESPECIALLY PHILOSOPHY OF MONEY , PHILOSOPHY OF MORALITY .
Ан ман 2 толгойгоороо холбогдсон энэ 2 намыг татан буулгах хэрэгтээ
Bushuu dald oruulaxgyi bol boloxgyi bolj dee ene battulgiig.
Унэн, тодорхой, баримттай нь дахин нэг хэлжээ. МАН-хаас бусад нь энэ эх оронч саналыг буран дэмжиж бна. Эсэргууцэж байгаа хун бур МАН-ы угаадас долоогид гэдэг ил боллоо. Энд ямар ч ард тумний хагарал гарахгуй , харин Ард тумэн ба идэгчид л ялгарах болно.
Энэбиш ээ, харин худлаа илүү дутуу намуудыг тараагаад ганц намын системд оруулаад харин бүх ард түмнээрээ шахаад шаардаад хянаад бурууд нь хатуу, зөвийг нь дэмжээд явбал төр цэвэршинэ. Энэ төрийн нүсэр аппарат, системийг чинь эрээвэр хураавар биш нэгдмэл цул нам бүлэг хүмүүс нийлж байж ажиллуулна, ганц нам өрсөлдөөнгүй бол ард түмэний шахалтаар хүчээр цэвэршинэ. Худлаа монголд тохирохгүй олон намын систем чинь монголын улс төрийг ийм болгочихоод байна, Харин хүн төрлөхтөний хөгжил ийм шатанд хүрчихээд байхад нэг намд дарангуйлаад сууж байвал арчаагүй , мунхаг ард түмэн байна хохь нь л гэнэ дээ.
Энэбиш ээ, харин худлаа илүү дутуу намуудыг тараагаад ганц намын системд оруулаад харин бүх ард түмнээрээ шахаад шаардаад хянаад бурууд нь хатуу, зөвийг нь дэмжээд явбал төр цэвэршинэ. Энэ төрийн нүсэр аппарат, системийг чинь эрээвэр хураавар биш нэгдмэл цул нам бүлэг хүмүүс нийлж байж ажиллуулна, ганц нам өрсөлдөөнгүй бол ард түмэний шахалтаар хүчээр цэвэршинэ. Худлаа монголд тохирохгүй олон намын систем чинь монголын улс төрийг ийм болгочихоод байна, Харин хүн төрлөхтөний хөгжил ийм шатанд хүрчихээд байхад нэг намд дарангуйлаад сууж байвал арчаагүй , мунхаг ард түмэн байна хохь нь л гэнэ дээ.
Мафи Баттулга энэ оронд 17 чингэлэг спиртээр эмх замбараагүй хууль уландаа гишгэсэн тогтолцоог бий болгож олон удаагийн үйлдлээр гэмт хэрэг хийсэн.Одоо гэмт хэргээс зугтах эцсийн арга нь ард түмнийг дайтуулж өөрөө зугтах. Энэ ятгалганд автахгүй байх Монгол хүний саруул ухаан мөнх шүү.
Амьдралаа нэг харчих сайхан байвал МАН дэмжээд яв. Үгүй бол дарангуйлагч нараас салах цаг нт болсон
90 онд яг ийм зүйл яриад нийгмээ нураасан АН чуудаа Та нараас төрсөн удирдагч чинь Баттулга. Цэвэр мафи сэтгэхүйтэй бусдын гар хөл болсон нөхөр. Төмөр замын бүх бодлогыг нураасан. Түүх шүүх цаг ирнэ .
төмөр замын хувьд орсынхоо өргөн төмөр замыг барьсан нь зөв лдөө хятад нарийн төмөр замаар дайраад ороод ирвэл цөөхөн монгол хүч хүрэхгүй оростой стратегийн бүх солбарт белорус монгол союзный улсын хэмжээнд оростой харилцах ёстой хам хувьсгал хийсэн хамт социлизм байгуулсан хамт япон германтай байлдсан орсын холбооны улсад тува соён халимаг алтай бурят гээд маш олон ястан нутгийн монгол бий Монголд орос хэлээр яридаг цөөхөн өвгөчүүл үлджээ цөм англи хэлээр ярьж гадаадын компаниудын төслийг англиар бичиж монголын уул уурхайн баялагийг гадаадынханд завшуулж байна
МАН түүхэндээ хамгийн бусармаг хулгайч луйвөрчин удирдлагатайгаар сүүлийн хэдэн жилийг туулж байна.Хулгайч С.Баяр,Сүг.Батболд,Хүрэлсүх,Занданшатар, зэрэг хүмүүс энэ намыг нэрийг барьж төрөөс хангалттай хулгай хийлээ.
Одоо хэтэрлээ ...
ерөхийлөгчөө та Зориг агсаныг алсан алуурчдын хэргийг олон нийтэд нэн яаралтай ил болгоо ч тэгээд хэн нь сонгуульд ялахыг нь хармаар байна.
Бусниулж тараахыг энэ цагийн монголчууд бид сайхан хийж сурсан. Харин эвлүүлж босгох, эвлэлдэн нэгдэх ганц чадахгүй зүйл болсон энэ үед байгаагаа эвдэж тараах нь буруу. Баттулга харин өөрөө буугаад түмний сэтгэлийг амраагаад өгөөсэй. Яасан их хор шар, муу санаатай юмдээ.
Ардчиллын үнэт зүйл, ариун нэрийг хулгай худлын жийрэг болгож гутаасан эрүүгийн гэмт хэрэгтнүүд болох АН н гэмт хэрэгтнүүдээс ял асуух ёстой.
Хуцаад бай. Хуцдаг халтар.
Феодал ардын намыг татан буулгавал дэмжинэ, хувьсгалчдын гавьяаг , өөрсөд дээрээ тохчоод !! Хулгайч луйварч хор найруулагчдын үүр уурхай болсон ! 60тэрбум үнэн , банк дампууруулсан үнэн , жидү үнэн , төсвийг садан төрлөөрөө хувааж хулгайлдаг үнэн .... сонгуулиар мөнгөөр санал авдаг үнэн , Үнэн ....
Эхлээд хулгайч женко улсын төмөр замын 800 тэрбум төгрөгийг улсад буцааж өг
ODOO BOLSON, AL'IIN BOLGON DEETEMCHDIIG ARGADAH YUM!!!!!!!!!!!
Chi odoo bolio boli.hoshin shog
Ард иргэдээ үймээн самуунд урайлан турхирдаг Ерөнхийлөгч гэж бас байна шүү айн
Нөгөө намыг нь сөнөөчхөөд юу ярина вэ?
Жалханз хутагт буудуулж үхэхдээ хэлсэн үг: "Улаан чөтгөр амилаад зуун наслаад төгсөнө"
Зев шуу. Энэ намуудад хариуцлага тооцох цаг болсон. Улс орон бур дампуурах нь!!!
МАН г ДЭЭД шүүх тараах шийдвэр гарлаа гэж бодъё.Тэгвэл АН тараах гээд бас нэг хэдэн хүн шүүхэд өргөдөл өгнө.За ингээд эцэс төгсгөлгүй маргаан улс орон даяар явж өгнө.Эцэст нь энэ бүхний хариуцлагыг Баттулгаас болсон болно.Ийм жишиг тогтоожээ.Их хурал засагтаа тараагаад өөрөө ганцаараа үлдэх юм бна.Их хурал.засгийн газрын гишүүн.ерөнхийлөгч одоо боллоо.Яасан их шунал вэ.Хүн чанар алга.
АН Г 2 ХУВААСАН.АРДЫН ЗАСГИЙГ САМАРСАН.ОДОО АРДЫН НАМЫГ САМРАХ.ТЭГЭЭД ЯАХАВ.ӨӨРӨӨ ЭНЭ 4 ЖИЛ ЮУ ХИЙВ.
МОНГОЛ ЯЛНА АМЛАЛТАА ЦАЙРУУЛЖ ӨРД ТҮМНИЙ АНХААРЛЫГ ХОЛДУУЛЖ БАЙГАА ЮМ.ОДОО БҮР УЧРАА АЛДАЖ.МАРГААШ ШҮҮХ ДЭЭР НӨГӨӨДӨР ПХОУКРОР ДЭЭР.ДӨРАА НЬ ХААЧИХ ЮМ.
Хамгийн гол нь хууль шүүх шударгаар ажиллаж чадахгүй, нэг намын нөлөөнд хэт автдаг болсон нь хэний ч дургүй хүрмээр. Үндсэн хуулийн цэцэд ч итгэх аргагүй болсон нь үнэн.
Хуцан биз 60 тэрбум оффшор гээд байхан шаасан одоо бүр дүрдээ ороод короннагийн үёд жагсахууу тэээ салаавч ав ллалараааааа
Энэ одор бүр ширээ сандалаам болоод манийг бүр алахнээ май салаавч хэдийг ав муу далан худалч Эбийг долоогч
Энэ одоо больж уз еренхийлэч гэдэг угний ард бух зуйлийг захирдаг гэж бодоод байна даа еренхиийлэгч гэдэг угний дээр хууль гэдэг уг байдаг юм .Юм уншиж сайн ойлгож сур одоо тайвшир
30.000 taigaa urd hurshid uldeh baij de hulgailsan umchuu uldaa erguulen uguurei
Худлаа ш дээ сонгууль дөхөхөөр хийрхэдгээ боль, нөгөө оффшорын мөнгө оруулж ирнэ гэсэн чинь яасан бээээээээээээ
Хичнээн удаа нэг намын дарангуйлалаас аврах нэрийн дор улсыг эзгуйруулж баялгийг нь цолмох гэсэн новшнууд вэ ?Энэ цаанаасаа далгавартай ,бусдын тавиул гэдэг нь тодорхой байна ,еер хун бол зовоод болье гэмээр байхад чичрээд чаргууцалдаад бх юм
энэ одоо юу хуцаад байнаа. Тусгаар монгол улсын ерөнхийлөгч ийм гүжир гүтгэлэгийн шинжтэй юм яриад ард олныг сэтгэл санааг үймүүлээд байж болох уу.
Монгол Улсаа тангарагаасаа няцаж, ард түмний эв нэгдлийн бусниулахыг санаархсан Х.Баттулгын дарангуйллаас аврахын төлөө Монгол хүн бүр хичээн зүтгэх цаг ирлээ. Тэр Зэвсэгт хүчний жанжин штабыг хөдөлгөхөөр төлөвлөж байгаа нь хамгийн аюултай. Сонор сэрэмжтэй байцгаая.
Ойлгомжгүй зүйл байнй 1. Цэрэгжсэн бүтэцтэйг хэн хэзээ яаж тогтоосон. 2. Бид /ард иргэд/ эсэргүүцэл тэмцэлд ямар хэлбэрээр оролцохыг хэлж өгнө үү. Хоорондоо учраа ололцохгүй болсон уу. 7 сарын тэр нэг өдрүүд бүү давтагдаасай.
Монголчууд дийлэнх өөрсдөө сонгосон учир нэг намын дарангуйлал тогтлоо гэж ярих утгагүй шүү
Намын нэртэй тэмцэх үү. нэрний ард байгаа бүлэг хүмүүстэй тэмцэх юм биш үү
Ард тvмнийг талцан хагаралдуулах оролдлого хийж болохгvй.
manaihan ch temtsehgyi baihaa, MANiin yaj hor nairuulj bgaag oilgohgyi l bh shig