sonin.mn
“Монгол Улсын Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явцын талаар Хянан шалгах үүрэг бүхий түр хороо”-ны Нотлох баримтыг шинжлэн судлах хоёр дахь шатны сонсгол өнөөдөр /2023.02.08/ Төрийн ордноо үргэлжилж байна. Энэ үеэр гэрчээр дуудагдсан Ерөнхий сайд Н.Алтанхуяг:
 
“Төмөр замын асуудал зөвхөн Н.Алтанхуягийн Засгийн Газартай холбоотой гэж харуулаад байна. Надаас өмнө байсан Ерөнхий сайд С.Батболд бас үүнд хамаатай. Түүнийг бас гэрчээр дуудах ёстой” гэж хэлсний дагуу УИХ гишүүн Т.Доржханд:
 
“Н.Алтанхуяг гишүүний хэлсэнтэй санал нэг байна. Энэ асуудалд холбогдсон үе, үеийн Ерөнхий сайд нар, холбогдох сайд нар, шийдвэр гаргасан албан тушаалтнууд бүгдээрээ ирэх ёстой. Тухайн үеийн Ерөнхий сайд С.Батболд Төмөр замтай холбоотой шийдвэр гаргасан бол тэр хүнийг гэрчээр дуудмаар байна. Хоёрт, Ерөнхийлөгч асан Х.Баттулгын хэлж байсан, хамаг ажил гацаагаад байсан гэх Ч.Хүрэлбаатар гэж хүн байгаа. Түүнийг бас дуудмаар байна. Дуудья. Бүгдээрээ нийтэд ил тод сайхан ярилцья” гэв.
 
Ч.Бүргэд