sonin.mn
Сэтгэгдэл (6)

БЕРЛИН, 2025 оны дөрөвдүгээр сарын 15 /Kazinform/. Орогнох эрх хүссэн 100 мянгаас хэтрэхгүй тооны хүмүүсийг жил бүр Герман улсад нэвтрүүлнэ гэж Христосын Ардчилсан холбоо намын дарга Фридрих Мерц мэдэгдлээ.

“Цаашдаа тэдний тоо зургаан оронтой тоонд хүрэх ёсгүй, учир нь, манай хотуудын эмнэлэг сургуулиуд, дэд бүтэц ачааллаа дийлэхгүй байна” хэмээн канцлераар сонгогдох өндөр магадлалтай байгаа тэрбээр ARD телевизэд ярилцлага өгөхдөө хэлжээ.




Түүний хэлснээр, шинээр байгуулагдах эвслийн засгийн газрын тухай гэрээнд тусгаснаар, орогнол хүсэгчид гэр бүлийнхэнтэйгээ дахин нэгдэх үйл явц зогсоно. Үүний сацуу Германд нэвтрэхээр хил дээр ирэх үед нь орогнол хүсэгчдэд татгалзсан хариу өгдөг болох бөгөөд энэ тал дээр хөрш орнуудтай үйл ажиллагаагаа уялдуулан зохицуулахаар хэдийн ярилцаад эхэлжээ. “Миний бодож байгаагаар, Австрийн засгийн газар бидний нэгэн адилаар эл асуудлыг хамтран шийдвэрлэх сонирхолтой байгаа” гэж Мерц хэлсэн байна.  

Ирэх тавдугаар сарын 6-нд Мерцийг Германы Канцлераар сонгох төлөвтэй байгаа юм. Тэрбээр 9-ний өдөр мэдэгдэхдээ, шинэ засгийн газар цагаачлалын бодлогыг чангатгана гэсэн байна

Саяхан Герман улс НҮБ-ын шугамаар дүрвэгчдийг хүлээн авахаа түр зогсоожээ. 



Б.Адъяахүү