sonin.mn
Сэтгэгдэл (37)

АНУ Украинд үзүүлэх цэргийн тусламж төдийгүй Оросын алсын тусгалын пуужингийн цохилтоос сэрэмжлүүлэх холбооны сувгийг зогсоожээ. 

Ингэснээр асар олон тооны Украинчуудыг эрсдэлд оруулж байна. Энэ талаар Economist сэтгүүлийн сурвалжлагч Оливер Кэррол өөрийн X сувагтаа мэдээлэв.

Түүний хэлснээр, 3-р сарын 5-ны лхагва гарагт Киевийн цагаар ойролцоогоор 14:00 цагт Украин ямар ч чухал мэдээлэл хүлээн авахаа больжээ. 

Тэрбээр "АНУ Украины ОХУ-ын алсын тусгалын пуужингийн цохилтоос сэрэмжлүүлэх холбооны гол шугамыг таслав. Трамп Украинаас талархал илэрхийлэхийг хүссэн. Бид үүнийг амиа алдсан украинчуудын булшин дээр бичнэ гэж эх сурвалж надад хэлсэн" гэж сэтгүүлч бичжээ. 


Үүнээс гадна, түүний хэлснээр, Украин Америкийн HIMARS пуужингийн системийн өгөгдөл хүлээн авах эрхээ алджээ. Үнэн хэрэгтээ энэ шийдвэр нь пуужин харвагчийг ажиллах боломжгүй болгосон гэнэ.


Үүнийг мөн The Wall Street Journal сонины сурвалжлагч Ярослав Трофимов баталсан бөгөөд тэрбээр "HIMARS пуужингийн системийн өгөгдөл орж ирэхээ больсон" гэж хэлжээ.

Үүнээс өмнө Трамп Украинд үзүүлэх бүх цэргийн тусламж, тагнуулын мэдээлэл солилцохоо бүрэн зогсоосон бөгөөд АНУ-ын эрх баригчид Москватай энхийн гэрээ байгуулахад бэлэн гэдгээ Украины ерөнхийлөгчөөс баталгаажуулсны дараа ийм шийдвэр гаргасан нь сонирхол татаж байна.

Үүнээс үзэхэд Вашингтон энэ хөшүүргийг ашиглан Киевийг түрэмгийлэгч Орост бууж өгөхийг шахах бодолтой байгаа нь тодорхой гэж шинжээчид үзэж байна. 


Эх сурвалж: dialog.ua


Ж.Бат