sonin.mn
Сэтгэгдэл (1)

ЛОНДОН, 2024 оны арваннэгдүгээр 14 /BBC/. Их Британийн музей түүхэндээ хамгийн том хандивыг хүлээн авчээ. Тодруулбал, Их Британийн санхүүч Персивал Дэвидийн (1892-1964) өв хөрөнгийг удирддаг сан түүний 1 тэрбум фунт стерлингээр (1.25 тэрбум гаруй ам.доллар) үнэлэгдэх хятад шаазан эдлэлийн өвөрмөц цуглуулгыг музейд хандивласан байна. 


МЭ-ий III-XX зууны хооронд бүтээгдсэн 1700 эд зүйлсээс бүрдсэн Дэвидийн цуглуулгыг 2009 оноос хойш тус музейд дэлгэн толилуулж байгаа юм. Цуглуулгыг албан ёсоор хүлээлгэн өгсний дараа Шанхайн музейд болон Нью-Йорк хот дахь Метрополитен урлагийн музейд түр хугацаагаар түрээслэх ажээ. 


Дэвидийн цуглуулгад эзэн хаан Жу Жианшэнд (1447-1487) дарс хийн өгч байсан, эм тахиануудын дүрс бүхий шаазан аяга зэрэг янз бүрийн шаазан эдлэл байдаг ажээ. Хятадын эзэн хааны зарлигаар урласан ийм аяга одоо дэлхий дээр ердөө 16 ширхэг байдаг. Цуглуулгад мөн XIV зууны дунд үед хамаарах, хөх өнгийн хээтэй сүм хийдийн алдартай ваарууд байдаг. Эдгээр ваарыг урласан он цагийг хүзүүн дээрх бичээсээр нь үнэн зөв тодорхойлж чадсан бөгөөд ийм төрлийн хамгийн эртний ваарууд болж байна. Энэхүү хандивыг хүлээн авснаар Их Британийн музей Хятадын вааран эдлэлийн хамгийн том цуглуулгатай музей болно. 



Д.Жаргал

Эх сурвалж: "Монцамэ" агентлаг