Пүрэв - 11 сарын 14,
2024
ВАШИНГТОН, 2024 оны арваннэгдүгээр сарын 12. /BBC/. АНУ-ын Ерөнхийлөгчөөр сонгогдоод буй Дональд Трамп Флорида муж улсаас сонгогдсон Конгрессын гишүүн Майкл Уолцыг Үндэсний аюулгүй байдлын зөвлөхөөр томилохоор шийдвэрлэсэн тухай BBC телевизийн АНУ дах мэдээллийн түнш CBS News-т энэ талаар мэдээлэл бүхий хоёр эх сурвалж мэдээлжээ.
Д.Трампыг олон жилийн турш дэмжсээр ирсэн М.Уолц өнгөрсөн долоо хоногт Конгресст гурав дахь удаагаа улиран сонгогдсон юм. Д.Трамп ирэх нэгдүгээр сард Цагаан ордонд эргэн ирэхийн өмнө олон чухал томилгоог хийж буй энэ үед дээрх мэдээлэл цацагджээ.
Өөрт нь үнэнч зүтгэж байсан хүмүүс, тэр дундаа импичментийн үеэр түүнийг тууштай хамгаалж байсан хүмүүсийн нэг болох Ли Зелдин, мөн өмнөх засаг захиргаанд ажиллаж байсан Том Хоман нарыг цаг уур, цагаачлалын асуудал эрхэлсэн томоохон албан тушаалуудад томилохоор шийдвэрлэсэн байна. Мөн Нью-Йоркоос сонгогдсон Конгрессын гишүүн, Конгресс дахь Д.Трампын “хамгаалагч” Элиз Стефаник НҮБ-ын дэргэд суух АНУ-ын Байнгын төлөөлөгчөөр ажиллах нь тодорхой болжээ.
Тэрбээр Ардчилсан намын хууль тогтоогчдын эсрэг өөрт нь үнэнч байснаараа Д.Трампын сайшаалыг хүртсэн Конгресс дахь хэд хэдэн бүгд найрамдахчуудын нэг юм.
Үүний зэрэгцээ Бүгд найрамдах намынхан Конгрессыг бүрэн хяналтдаа авахад ойртож байна. Тэд хэдийнээ Сенатад олонх болсон болсон бөгөөд Төлөөлөгчдийн танхимын сонгуулийн саналыг тоолох ажиллагаа үргэлжилсээр байна.
Э.Хулан
Эх сурвалж: "Монцамэ" агентлаг
Сэтгэгдэл4
АНУ-ын БНН бол манай АН шүү дээ ! Тэдний АН нь манай МАН гэдгийг манай оркууд мэдэхгүй л "АНУ-д АН ялагдлаа" гээ л хөөрөөд байгаа юм. Яг үнэндээ бол АНУ-д болохоор манай МАН-тай адил зүүний үзэл баримтлалтай нам нь уначиха ад бна ш дээ !!! Манай МАН-ын хөгшчүүл зөнөгүүд баярлаад сүйд....кх кх кх
АНУ-ын манай АН МАН хоёртой яг адилхан маанагаа
АНУ-ын АН бол манай АН МАН-тай яг адилхан маанагаа
Бид учраа олохгүй талцаад,хөөргөнтөөд хийрхээд байж таарахгүй. Нэг л зарчмын зүйлийг ойлгочиход бүх юм тодорхой болно. АНУ д хамгаас эрхэмд тавьдаг АНУ н эрх ашиг байдаг.Дүр эсгэсэн хуурамч ардчилагчдын ярьдгаар бол амьтны фермд гахай бусад амьтадаас давуу эрхтэй байхыг дарангуйлал гэж үздэг ч АНУ дэлхийд дарангуйлахыг болохоор ардчилал гэж элийрдэг. АНУ бол манай дэлхийн дарангуйлагч гахай юм. Гахайг огцруулж тэгш шударга тогтолцоо бий болгох гэсэн ОХУ г нухчин дарахаар АНУ тэргүүтэй 7 дээрэмчин украйны газар нутаг дээр дайн хийж байна. АНУ бол албан ёсоор дэлхийг бүхэлд нь манай ашиг сонирхлын бүс гэж тунхагласан цорын ганц зандалчин улс юм.Тэднийг энэ бодлогоосоо ухарна гэж огт бодохгүй байна. Тэгэхээр хэн ерөнхийлөгч байхаас үл хамаарч тус улсын зандалчин бодлого үргэлжилнэ.