Лхагва - 10 сарын 16,
2024
СӨҮЛ, 2024 оны аравдугаар сарын 15 /Yonhap/. БНАСАУ-ын тал Өмнөд Солонгостой холбогддог авто замын зарим хэсгийг дэлбэлсэн тухай Ёнхап агентлаг Өмнөд Солонгосын Зэвсэгт хүчний Штабуудын дарга нарын нэгдсэн хорооны мэдэгдлийг эш татан мэдээлжээ.
"Цэрэггүй бүсээс хойд зүгт авто замын зарим хэсгийг Умард Солонгосын тал үд дундын орчимд дэлбэлсэн. Манай цэргүүд бэлэн байдла дээшлүүж, ажиглалт хяналтаа нэмэгдүүлж байна" гэж уг мэдэгдэлд дурдсан байна.
Энэ алхам нь Умард Солонгосын удирдагч Ким Жөн Ун Өмнөд Солонгостой харилцаагаа бүрмөсөн таслахаар шийдсэнийг харуулж байна гэж ажиглагчид үзэж байна. Ким Жөн Ун аюулгүй байдлын албаны өндөр албан тушаалтнуудтай тэр болгон хийдэггүй уулзалтыг хийснээс хойш нэг өдрийн дараа авто замуудыг хэсгийг дэлбэлжээ. Уг уулзалтын үеэр тэрбээр Өмнөдийн талыг Пёньяны дээгүүр нисгэгчгүй онгоц хөөргөсөн гэж буруутгаж, үүнийг "ноцтой өдөөн хатгалга" гэж мэдэгдсэн байна.
Өмнөд Солонгостой холбогдсон бүх авто зам, төмөр замуудыг хаана гэж Умард Солонгосын Ардын армийн жанжин штаб өнгөрсөн долоо хоногт мэдэгдсэн юм. "Солонгосын хойгт үүсээд буй цэргийн хурцадмал байдал манай армиас улсын аюулгүй байдлыг цаашид найдвартай хамгаалахын тулд илүү шийдэмгий, хүчирхэг арга хэмжээ авахыг шаардаж байна” гэж Умардын Жанжин штабаас гаргасан мэдэгдэлд дурджээ.
Д.Жаргал
Эх сурвалж: "Монцамэ" агентлаг
Сэтгэгдэл8
хайран зам
холбоогоо тас татан хаяж байна. бүр меморигоос. ккх. нэрээ санахгүй, үг үсэг санахгүй, хүн танихгүй, ярьж чадахгүй. хөлд орж сурахаас эхлэх
Өс хонзон санаж байхаар ,Орос-Украйн шиг байлдаад тэгээд хэн дийлэх ээ харахад болно доо.
цөмдөхгүйг хичээж байгаа царай нь. одоо 45 он хиросима нагасакидаж төгсгөх хайшаа. 🍄 🔋🪫
октагонд байнга хэмх нүүдээ л байхгүй. ганц л 🪓
Хойт Солонгосыг газрын хөрснөөс арчиж хаях хэрэгтэй дээ.
гентэй тэмцэх or дэглэмтэй
Өмхий кимчинүүд хоорондоо байлдаад умард өмнөд хоёулаа сүйрээсэй