Баасан - 08 сарын 28,
2026
ХКН-ын Төв хорооны Улс төрийн товчооны гишүүн, БНХАУ-ын Гадаад харилцааны сайд Ван И наймдугаар сарын 26-нд Бээжин хотноо АНУ-аас БНХАУ-д суугаа Элчин сайд Дэвид Пэрдьютэй уулзаж, хоёр орны харилцаа болон цаашдын хамтын ажиллагааны талаар санал солилцжээ.
Ван И уулзалтын үеэр Хятад, АНУ-ын төрийн тэргүүн нарын стратегийн чиглүүлгийн дор хоёр орны хооронд бүтээлч, стратегийн тогтвортой харилцаа бий болгохын төлөө талууд ажиллаж байгааг онцлов.
Тэрээр Хятад, АНУ харилцан хүндэтгэх зарчимд тулгуурлан энх тайвнаар зэрэгцэн оршиж, хамтын ажиллагаагаа өргөжүүлэн, харилцан ашигтай үр дүнд хүрэх нь хоёр орны ард түмний язгуур ашиг сонирхолд төдийгүй олон улсын хамтын нийгэмлэгийн нийтлэг хүлээлтэд нийцнэ гэж мэдэгджээ. Үүний зэрэгцээ хоёр орны харилцаанд эрсдэл, сорилт байсаар байгааг Ван И тэмдэглэсэн байна. Иймд төрийн тэргүүн нарын хүрсэн чухал нийтлэг ойлголтыг бодит ажил хэрэг болгох, хамтын ажиллагааны эерэг асуудлуудад төвлөрөх, санал зөрөлдөөнөө зохистой зохицуулах шаардлагатайг онцолжээ. Мөн өндөр түвшний харилцаанд саад болж буй хүчин зүйлсийг арилгаж, Хятад, АНУ-ын харилцааг тогтвортой, эрүүл хөгжлийн замаар урагшлуулахыг уриалсан байна.
АНУ-аас БНХАУ-д суугаа Элчин сайд Дэвид Пэрдью хоёр орны төрийн тэргүүн нар АНУ, Хятадын харилцаанд стратегийн чухал чиглэл өгч байгааг тэмдэглэв. Тэрээр Ерөнхийлөгч Дональд Трампын тавдугаар сард Хятадад хийсэн айлчлалыг амжилттай болсон гэж үнэлээд, талууд харилцаа холбоогоо бэхжүүлж, хамтын ажиллагаагаа ахиулахад бэлэн байгааг илэрхийлжээ.
Түүнчлэн дараагийн шатны өндөр түвшний уулзалт, харилцаанд сайтар бэлтгэж, харилцан хүндэтгэл, эрх тэгш байдлын үндсэн дээр АНУ, Хятадын хооронд бүтээлч, стратегийн тогтвортой харилцаа хөгжүүлэхийг зорьж байгаагаа мэдэгдсэн байна. Дэвид Пэрдью мөн АНУ-ын талын нэрийн өмнөөс Төвөдөд болсон үер, хөрсний нуралтын улмаас хүний амь нас эрсдэж, хохирол учирсанд эмгэнэл илэрхийлжээ.
Г.Бямба
.png)
.jpg)
Сэтгэгдэл3
Орчин үеийн Хятадын хэврэг байдлын талаарх гайхшруулам 10 үнэн: 1. "Сүнсэн хотууд" ба үл хөдлөх хөрөнгийн хөөс: Хятадын ДНБ-ий 25-30%-ийг үл хөдлөх хөрөнгийн салбар бүрдүүлдэг. Гэвч өнөөдөр тус улсад хүн амьдардаггүй, хоосон хаягдсан 60-90 сая гаруй орон сууц байна. 2. Түүхэн дэх хамгийн хурдан хөгшрөлт: "Нэг өрх - Нэг хүүхэд" бодлогын уршгаар 2035 он гэхэд Хятадын тэтгэврийн насныхны тоо 400 саяд хүрнэ. Энэ нь АНУ-ын нийт хүн амаас олон бөгөөд ажиллах хүч нь огцом багасаж байна. 3. Залуусын ажилгүйдлийн дээд цэг: Их сургууль төгсөгчдийн тоо хэт олширсон ч ажлын байр байхгүй. Хятадын залуусын ажилгүйдэл 20%-ийг давж, засгийн газар нь албан ёсны статистик мэдээллээ нууцлахад хүрсэн. 4. "Байгаагаараа хэвтэх" (Tang Ping) хөдөлгөөнЗалуус амжилтанд хүрэхийн тулд өдөр шөнөгүй зүтгэхээс татгалзаж байна. Тэд гэрлэхгүй, хүүхэд төрүүлэхгүй, байр авахгүй, зүгээр л хамгийн бага хэрэглээгээр амьдрахыг илүүд үзэх болов.
Орчин үеийн Хятадын хэврэг байдлын талаарх гайхшруулам 10 үнэн: 5. "996" соёл ба сэтгэл зүйн хямрал: Өглөөний 9-өөс оройны 9 хүртэл, долоо хоногийн 6 өдөр ажиллах соёл залуусыг туйлдуулж байна. Үүнээс үүдэлтэй амиа хорлолт, сэтгэл гутрал Хятадын хамгийн том асуудал боллоо. 6. Орон нутгийн засаг захиргааны асар их өр: Хятад баян харагддаг ч хотууд мужууд нь өрийн туйл болсон. Орон нутгийн засаг захиргаадын нууц өр 9-11 их наяд ам.долларт хүрсэн нь Хятадын санхүүгийн системийг хэзээ ч нурааж мэдэх хэмжээ юм. 7. Үйлдвэрүүд Хятадыг орхин гарч байна: Ажиллах хүчний зардал өссөн, мөн АНУ-тай хийх худалдааны дайнаас болж Apple, Samsung зэрэг гигантууд үйлдвэрүүдээ Вьетнам, Энэтхэг рүү нүүлгэж байна. 8. "Баян болохоосоо өмнө хөгширөх" аюул: АНУ, Япон зэрэг орнууд баян болсныхоо дараа хүн ам нь хөгширсөн. Харин Хятад улс дундаж орлоготой орны түвшинд байхдаа хүн ам нь хөгширч байгаа дэлхийн анхны улс болов.
Орчин үеийн Хятадын хэврэг байдлын талаарх гайхшруулам 10 үнэн: 9. Байгаль орчны туйлдалт ба усны хомсдол: Хятадын газар доорх усны 60 гаруй хувь нь уух байтугай хөдөө аж ахуйд ашиглах боломжгүй бохирдсон. Хойд бүсийн үйлдвэрлэлийн төвүүд нь усны асар их хомсдолтой нүүр тулж байна. 10. Хэт хяналт ба итгэлцлийн уналт: Дэлхийн хамгийн олон хяналтын камер, "Нийгмийн цахим кредит"-ийн системээр иргэдээ хянадаг. Энэхүү хэт чанга хяналт нь нийгмийн дотоод бухимдлыг нуун дарагдуулж, тэсрэхэд бэлэн "даршилсан бөмбөг" болгож байна.