sonin.mn
Сэтгэгдэл (22)

-Украинчууд орчин үеийн дайны философийг өөрчилж байна” гэсэн нийтлэлийн маань логик үргэлжлэл

-СВО+“КОНЕЦ”=Коллапс

 

Аливаа дайн психологийн (сэтгэл зүй) үр дагавартай. Бүр ноцтой уршигтай.Украины эсрэг өдүүлсэн түрэмгий дайных нь өнгөн дээр оросууд, манай ояа-оркуудын сэтгэл санаа, хүсэл, хүслийн уналт, сэтгэхүйн доройтол хэрхэн өрнөж байгааг цаг наргүй судладаг гэх нь хаашаа юм, би маш сайн мэддэг болсон. Тэдний бичсэн постолсон (бас подкаст), бас оросын суртал нэвтрүүлгийн мэдээллээс би судалсаар байна.


Зураач-уран бүтээлч хүний мэдрэмж, бас эсэргүү Польшид Зөвлөлтийн эсрэг үзэл дэвэрч байх үед нь уран зураачийн мэргэжлээр суралцсаных, МоАХ-ны анхны партизаны нэг байж БНМАУ-д маань социалист систем нурахыг биеэрээ туулсан хүний хувьд яг одоо Украины эсрэг цуст дайны сурталд автагсад, горьдогсод, хүсэл тээгчдийг гарынхаа алган дээр байгаа юм шиг нэвт харж байна. Оросын ТВ ба сайтуудын мэдээллийг би тогтмол үздэг. Хөтлөгчид буюу Кремлиэс цалинтай суртал нэвтрүүлэгчдийнх нь дууны өнгө, гаднахи хэлэмж, нүдний өнгө, толгойтой үснийх нь бууралтаж байгааг хараад харьцуулаад энэхүү СВО нь “КОНЕЦ” болжээ гэдгийг нэвт мэдэрч байна. СВО+“КОНЕЦ”=Коллапс гэчих үү? ОХУ коллапс болохын босгон дээр ирчихсэн байна шүү!


Засаглалын нэг, эсвэл хоёр том пирамид бидний үеийнхний нүдэн дээр яг нурж байна даа, энэ Орост, бас Иранд. Пирамидын оройд Путин гуай заларч байна. Нөгөө том залрагч лалын ламыг нухчихсан. Орыг нь хэдэн генерал авсан байх, тэдний хоногийн тоо мөд дуусна.


Оросын аугаа пирамидын бүслүүрээс хавьгүй дээгүүр Кремлийн суртал нэвтрүүлгийн машин нөгөө суртал ухуулагчидтайгаа ярайж байсан. Одоо ч байна. Путин ялбал тэд тэнгэрийн умдаг атгана, диваажингийн хаалга нээлттэй, ялахгүй бол, бүр ялагдвал юун умдаг манатай, тамын хаалга нээлттэй, ТАМ тэднийг сороод аваад алга болно.


Одоо яг тэр рүүгээ эргэлтгүй жирийлгэн байна. Эхнэр нөхөр Попов, Скабеева гэж сайхан хос байна. Өөрсдийгөө хөнөөж үр хүүхдээ амьдаар нь алж, одоо яаж ч чадахгүй, хатагтай Скабеевагийн ухаалаг талимаарсан харц одоо бол араатны нүд болсон, дуу нь цахирдан “Донбасс манай нутаг дэвсгэр” хэмээн “60 минут” нэвтрүүлгээрээ хашгичах ба уригдсан зочноо загнаж, тушааж, сөргөж харьцана. Ёстой боож үхлээ. Энэ бүсгүй лав 4 жил нойргүй хоносон байх? Нөгөө хагас галзуу еврей Соловьёв Оросын армиас үр дүн нэхэж аашлан загнах ба “Москва хот агаарын хамгаалалтгүй боллоо” хэмээн даян дэлхийгээр нэг зарлах нь инээдтэй гэхээсээ нэн өрөвдмөөр. Тэд ч цайрчээ. Ердөө цөмийн дайнаар Европыг, Украиныг хуйхлах тухай хилэгнэн сөөнгөтөн хашгична. Юу ярьж байгаагаа ойлгож байгаа болов уу, хөөрхийс?


Тэгвэл Украины ТВ, сайтуудыг харцгаа. Хөтлөгчид нь 4 жилийн өмнө ямар байсан, одоо яг хэвээрээ, тэд өөртөө итгэлтэй цэрэг хүн шиг цэх зогсож байна. Учир нь эх орноо хамгаалах шударга дайндаа итгэж байна, итгэл найдвар нь асч байна.


Харин Кремлийн суртал нэвтрүүлэгчид ухаантай улс тул аймшигт гэмт хэрэгт дайны гэмт хэрэгтнээр оролцож байгаадаа ёстой гутарч үхэж байна. Ил гаргаж хэлж чадахгүйдээ бүр ч ихээр гутарч гуниж байна. Тэр их хуримтлагдсан стресс, уур уцаараа хэрхэн хэнд гаргадаг бол гэж бодохоос миний зүрх эмтрэх шиг болдог юм. Түрэмгийлүүлсэн нь айван тайван, айдасгүй, түрэмгийлсэн нь сандарсан, бухимдсан, бас айдастай. Психологийн харьцуулалт шүү!


Монголын дайны хэнээтнүүд дээр яг адилхан шүү. Гэхдээ манай ояа, мояа нар арай тэнэгдүү. Монгол-Зөвлөлтийн найрамдал-дружба байхад хамгаалалттай, түүхийн өмнө ялтан болохгүй гэсэн тэнэг уужим сэтгэлтэй, түүгээрээ Кремлийн суртал нэвтрүүлэгчдээс ялгаатай байх. Тэд маш их айдастай, нүдний гал нь үхчихсэн бол манайхан үгүй. Учир нь тэнэгээрээ өөрийгөө цайруулчихсан. Нүднийх нь гэрэл байнаа байна. Харааж загнаж байгаагаараа бүр ч итгэлтэй байна. Итгэл нь мөд мөхнө дөө. Оросуудынх мөхчихсөн байхад манайх гэрэлтээд үлдэнэ гэж гонж! Тэнэгийн дотор уужуухан гэдэг бил үү? Юу билээ? Яг оноод нэрлэчихээрэй.



Тодын Отгонбаяр (Лондон зураач) 2026.8.22