АН-ын "4-11" мэдээллийн цаг боллоо.

Энэ үеэр АН-ын дарга, УИХ дахь АН-ын бүлгийн дарга О.Цогтгэрэл: "10 жилийн өмнө нэг тонн нүүрс 30 ам.доллар хүрэхгүй үнэтэй байсан бол сүүлийн хэдэн жилийн турш 100 ам.доллароос дээш үнэтэй байгаа. Өөрөөр хэлбэл, гадаад нөхцөл байдал түүхэнд байхгүй тайтай үед өнөөгийн эрх баригч нар ажиллаж байгаа. Ийм таатай нөхцөлд эдийн засгийн буруу бодлого барьсны улмаас ард иргэдийг доройтуулсан 10 жил, сар өдрүүд өнгөрч байна. Сүүлийн 2-3 сарын хугацаанд 6 гаруй хувь байсан инфляц 12 боллоо. Төсвийн орлого 2.1 их наядаар тасарч байна гэдэг бол бизнесүүд дампуурч байна гэсэн үг. Төв банк бодлогын хүүг нэмчихлээ. Цаашид ээлж дараалан нэмбэл бизнесүүд зээл авч чадахгүй, дампуурах нөхцөлд орно.

Өмнөх Засгийн газар руугаа буруугаа чихсэн хүмүүс гарч ирлээ. Н.Учрал Ерөнхий сайд болохынхоо өмнө УИХ-ын дарга, Тэргүүн Шадар Сайд бөгөөд ЭЗХ-ийн сайд байсан. Тэр хүн нар, саран дээрээс ирээгүй. Өнгөрсөн 10 жил аль нам засаг барьсан юм. Энэ хүн хаана явсан юм.

АН -ын зүгээс ард иргэдийг орлогыг хамгаалах үүднээс УИХ-ын тогтоолын төсөл боловсруулсан. Энэ хүрээнд шинээр өргөн барих төсөвт НӨАТ-ыг тав хүртэл бууруулах ёстой гэж үзэж байгаа.

" гэв.

Харин УИХ-ын гишүүн, УИХ дахь АН-ын бүлгийн дэд дарга Б.Жаргалан: "Сүүлийн жилүүдэд бий болсон амьжиргааны нөхцөл байдал, эдийн засаг хүндрэл бол гадаад нөхцөл байдал, ОХУ-ын дайн гэхээс илүүтэй эрх баригчдын 10 жилийн алдаатай бодлогын үр дүн. Нүүрс, зэс, алтны үнэ өсөлттэй байгаа энэ цаг хугацаанд Засгийн Газар төсвөө хэт тэлсэн, эдийн засаг дахь төрийн оролцоог хэт нэмэгдүүлсний улмаас Монголчууд өөрсдөө махаа худалдаж авч чадахгүй байна гэдэг тул гутамшиг. УИХ дахь АН-ын бүлгийн ээлжит бус хурлаар иргэдийн орлогын хамгаалах, шатахуун эрчим хүчний аюулгүй байдлын тухай УИХ-ын тогтоолын төслийг хэлэлцлээ. Уг тогтоол нь нэгдүгээрт, Макро эдийн засаг.

Ерөнхий сайд Н.Учрал төсвийн зардлыг 1.4 их наядаар бууруулна гэж хэллээ. Одоогийн байдлаар төсвийн алдагдал 2.4 их наяд хүрчихээд байгаа энэ үед 1.4 их наядын тодотгол хангалтгүй. Бидний зүгээс төсвийн алдагдлыг бүр мөсөн арилгаж орж ирэхийг шаардаж байна.

Хоёрдугаарт. 2027 оны төсөв дээр эдийн засгийн идэвхжлийг нэмэгдүүлэх, иргэдийн орлогыг хамгаалах зорилгоор НӨАТ-ыг 10 хувиас 5 хувь болгож бууруулаан шинэ төсвийг оруулж ирэх ёстой.

Мөн Засгийн газар шатахууны нөөц, түгээлтийн менежмент дээр шуурхай төлөвлөгөө гаргаж, иргэддээ танилцуулах хэрэгтэй гэв.

Түүнчлэн Засгийн газар нэгэнт төсвийн тодотголоо өргөн мэдүүлсэн тул УИХ-ын дарга яаралтай ээлжит бус чуулган зарлаж, хэлэлцэх ёстой гэсэн юм.

М.Чой