sonin.mn
Сэтгэгдэл (0)

2026 оны тавдугаар сарын 12-ны орой ХКН-ын Төв Хорооны Улс төрийн товчооны гишүүн бөгөөд Гадаад харилцааны яамны сайд Ван И Пакистаны Шадар сайд бөгөөд Гадаад хэргийн сайд Мухаммэд Ишак Дартай утсаар ярив.


Мухаммэд Ишак Дар Иран, АНУ хоорондын хэлэлцээрийн талаар Пакистаны зуучлалын сүүлийн үеийн байдлыг танилцуулж, яриа хэлэлцээний төлөөх Пакистаны хүчин зүтгэлийг дэмжсэн Хятад улсад талархал илэрхийлжээ. Тэрээр мөн Бүс нутгийн энх тайван, тогтвортой байдлыг хамгаалахад хамтран бүтээлч үүрэг гүйцэтгэхийн тулд Хятад улстай зохицуулалт, хамтын ажиллагааг бэхжүүлэхийг хүсэн хүлээж байна гэжээ.


Ван И Хятадын зарчимч байр суурийг дахин нотолж, АНУ, Иран хоорондын хэлэлцээрийг дэмжин, мөн түр гал зогсоох хугацааг сунгахад тусалсан Пакистаныг сайшааж буйгаа илэрхийлж, Пакистан итгэл төгөлдөр зуучилж, олон улсын хамтын нийгэмлэгийн нийтлэг хүсэл эрмэлзэл болох Ормузын хоолойг нээх, бүс нутгийн энх тайвныг эрт сэргээх асуудлыг зүй зохистой шийдвэрлэхэд хувь нэмэр оруулахыг хүсэн найдаж байна. Пакистаны зуучлалын хүчин чармайлтыг Хятад улс үргэлжлүүлэн дэмжих бөгөөд үүний төлөө өөрийн хувь нэмэрээ оруулах болно гэжээ.


Ван И хэлэхдээ, хэдхэн хоногийн дараа Хятад, Пакистан хоёр улс дипломат харилцаа тогтоосны 75 жилийн ойгоо тэмдэглэж, хоёр тал дурсгалын арга хэмжээнүүдийг хамтран зохион байгуулах бөгөөд өндөр түвшний нягт харилцаа холбоогоо хадгалж, стратегийн харилцаа холбоогоо бэхжүүлэн, бат бөх дотнын нөхөрлөлөө бататгаж, ажил хэрэгч хамтын ажиллагаагаа ахиулан, олон талт үзлийг хамтран хамгаалах болно гэжээ. 


Мухаммэд Ишак Дар хэлэхдээ, Пакистан хоёр орон дипломат харилцаа тогтоосны 75 жилийн ойн боломжийг ашиглан, Хятадтай иж бүрэн хамтын ажиллагааг гүнзгийрүүлэх, олон талт зохицуулалтыг сайжруулах, Пакистан, Хятадын бүх цагийн стратегийн хамтын ажиллагааны түншлэлийн харилцааг шинэ хөгжилд хүргэхэд бэлэн байна гэжээ.