sonin.mn
Сэтгэгдэл (32)

УИХ-ын гишүүн Ж.Золжаргал сэтгүүлчдийн асуултад хариуллаа.


Энэ үеэрээ тэрээр: "Туулын хурдны зам түгжрэлд олигтой нөлөө үзүүлэхгүй гэж би үзэж байна. Учир нь төсөл танилцуулсан хүмүүсийн ярьж байгаагаар энэ чиглэлд 10 хувь, тэр чиглэлд 20 хувь гэх мэтээр хөдөлгөөний урсгалыг хуваарилна гэж байгаа ч, баруун болон зүүн чиглэлийн хөдөлгөөн нь голчлон Яармагийн түгжрэлд шууд нөлөөлөхөөс илүүтэй хотын төв рүү орох урсгалаас үүдэлтэй байдаг.


Харин Налайх чиглэлд явах хөдөлгөөнөөс болж түгжрэл үүсдэггүй. Тиймээс тухайн чиглэлд зам сайжрууллаа ч гэсэн гол багалзуур цэгүүд дээр очоод түгжрэл үүсэх нь хэвээр байх магадлалтай гэж үзэж байна.


Мөн байгаль орчны гоо зүй, эдийн засгийн үр ашиг, мөнгөний үнэ цэнийн асуудал дээр би санал нийлэхгүй байгаа учраас энэ төслийн эсрэг байр суурьтай байсан.


Ер нь манай улс дотооддоо байгаа хязгаарлагдмал төсвийн хөрөнгөө юунд зарцуулах вэ гэдэг дээр маш анхааралтай, нухацтай хандах хэрэгтэй гэж бодож байна. Бид байнга түүхий эдээ хямд үнээр зарж, хэрэггүй эсвэл үр ашиг багатай бүтээн байгуулалтуудад зарцуулах хандлага их байна. Иймээс ийм төрлийн шийдвэр, хөрөнгө оруулалтуудыг аль болох дахин нягталж, илүү үр ашигтай байдлаар төлөвлөх шаардлагатай гэж үзэж байна." гэв.


Б.Төгсбаясгалан