sonin.mn
Сэтгэгдэл (51)

Япон судлаач Д.Төмөрбаатар Төрийн одон медаль, түүнийг тойрсон иргэдийн сэтгэлгээний талаарх асуудлаар байр сууриа илэрхийлжээ. Тодруулбал тэрээр: "Төр засгаас шагнал, цол, одон медаль олгодог тогтолцоонд өөрчлөлт оруулахгүй бол Монголчуудыг эвдэж дууслаа. Бүгд л шагналд дуртай боллоо. Орчин үеийн залуус арай өөр болох байлгүй гэж бодож байтал ахмад үеэсээ дутахгүй одонсог, шагналсаг болчихсон байх юм. Одоо бид хүүхдүүдээ хүртэл шагналын өвчнөөр хордуулж байна.

Ямар ч улс орон нийгмийнхээ хөгжилд онцгой хувь нэмэр оруулж, гавъяа байгуулсан иргэдээ одон медалиар шагнаж, алдар гавъяаг нь алдаршуулан мөнхжүүлдэг. Манайд ч ийм ёс журам байдаг. Гэхдээ манайд социализмаас угшилтай агуулга нь өөрчлөгдсөнгүй, шагналын мөн чанар нь алдагдан, одоо бүр арилжааны хэрэгсэл болж байх шиг байна.


Боловсролын тэргүүний ажилтан цолоор шагнагдсан нэгэн багштайгаа барьцсан хамт ажилладаг багш нь хувиараа хөөцөлдөж байгаад сарын дараа мөн л Боловсролын тэргүүний ажилтан болсон байна. Ингэж л утга учир, мөн чанараа алдлаа даа, шагналын тогтолцоо.


Шагналын тогтолцоонд өөрчлөлт оруулъя!

Салбарын шагналуудыг ердөө больё. Зөвхөн сайдын жуух бичиг гэж байж болох юм. Тэр “тэргүүний ажилтан”-г ердөө больё.

Төрийн одон медаль шагналын хувьд, салбартаа 25-аас доошгүй жил тогтмол ажиллаж, гавьяа байгуулсан 

1.45-аас дээш насны хүнд Алтан гадас одон, 

2.50-иас дээш настанд Гавьяаны одон

3. 55-иас дээш насны хүнд Гавьяат цол олгож байя. 

Шагналыг жилд 2 л удаа, наадмаар болон цагаан сараар л олгож байя. 


Мөн түүнчлэн жилд олгох шагналын тоог хатуу тогтооё.


Жишээлбэл: 

1. Алтан гадас одонг жилд 40 хүнд олгох (наадмаар 20 хүнд, цагаан сараар 20 хүнд)

2.Гавьяаны одонг жилд 30 хүнд олгох

(наадмаар 15 хүнд, цагаан сараар 15 хүнд)

3.Гавьяат цолыг жилд 16 хүнд олгох

(наадмаар 8 хүнд, цагаан сараар 8 хүнд)


Алдарт эх одонг Эмэгтэйчүүдийн баяраар олгодог байх. Янз бүрийн салбарын болон аймаг сумын ой, хурал цуглаан, үйл явдлыг тохиолдуулан төрийн одон медалиар шагнахыг бүрмөсөн больё. Гэх мэт өөрчлөлтийг оруулчихвал шагналын утга учир, мөн чанар нь алдагдахгүй, шагнал эзэндээ очдог болох байх гэж бодох юм даа… Та бүхэн юу гэж бодож байна?" гэсэн байна.