sonin.mn
Сэтгэгдэл (12)

Одоогоос яг нэг жилийн өмнө Вашингтонд зорчигч тээврийн нисэх онгоц осолдсоны улмаас Оросын уран гулгагчид амиа алдсан билээ. Уг осол нислэгийн диспетчерүүдийн алдаанаас үүдэлтэй гэдгийг АНУ-ын Тээврийн аюулгүй байдлын үндэсний зөвлөлийн /NTSB/ дарга Женнифер Хоменди мэдэгдсэн байна.


Ослоос урьдчилан сэргийлэх боломжтой байсан боловч диспетчерүүд хэт ачаалалтай ажиллаж байсан учраас алдаа гаргаж, цэргийн нисдэг тэргэнд буруу маршрут өгсөн гэх дүгнэлтийг мөрдөн байцаагчид хийжээ. Уг нисдэг тэрэг онгоц буух талбайд огт байх ёсгүй байсан гэдгийг Хоменди дурдсан байна.  


Үүний зэрэгцээ Иргэний агаарын тээврийн удирдах газрын ажилтнууд ослын талаарх мэдээллийг өгөхгүй байсан нь байгууллагынхаа нэр хүндийг хамгаалах гэсэн удирдлагын зүгээс “дарамт шахалт” ирэхээс айсан хэрэг байжээ. Түүнчлэн диспетчерүүдийн ажлын ачаалалтай холбоотой асуудлыг олон жилийн турш шийдэхгүй явсаар ирснийг Хоменди хүлээн зөвшөөрлөө.  


Эмгэнэлт ослын тухайд, 2025 оны нэгдүгээр сарын 30-нд шилжих шөнө зорчигч тээврийн American Airlines компанийн Bombardier CRJ700 нисэх онгоц буух үедээ цэргийн нисэх хүчний Sikorsky H-60 (Black Hawk) нисдэг тэрэгтэй мөргөлдсөний улмаас 28 хүн амиа алдсан юм.


Тэдний дотор уран гулгалтын 1994 оны дэлхийн аварга Евгения Шишкова, Вадим Наумов, ЗХУ-ын аварга шалгаруулах тэмцээний хүрэл медальт Инна Волянская, Оросын уран гулгалтын тамирчин Александр Кирсанов, нисэх багийн 4 гишүүн байв. Мөн нисдэг тэргэнд байсан 3 хүн амиа алджээ. 



Б.Адъяахүү