sonin.mn
Сэтгэгдэл (0)

16-нд өндөрлөсөн Хятадын олон улсын дээд технологийн ололт амжилтын 27 дахь үзэсгэлэнгээс сэтгүүлчийн мэдээлснээр, уг үзэсгэлэнтэй давхацсан тоогоор 450,000 гаруй зочид танилцжээ. Мөн газар дээр нь 5000 гаруй шинэ бүтээгдэхүүн, ололт амжилтаа дэлгэн үзүүлж, нийт 1023 төрлийн нийлүүлэлт, эрэлт хэрэгцээг зохицуулах, хөрөнгө оруулалтын төсөлд гарын үсэг зурсан бөгөөд төлөвлөсөн гүйлгээ, хөрөнгө оруулалтын хэмжээ 170 тэрбум юаниас давсан байна.




Энэ удаагийн дээд технологийн ололт амжилтын үзэсгэлэнд дэлхийн 100 гаруй улс орон, бүс нутгийн 5000 гаруй нэр хүндтэй аж ахуйн нэгж, холбогдох олон улсын байгууллагууд оролцлоо. Арга хэмжээний үеэр олон улсын найрсаг хотуудын шинжлэх ухаан, технологийн тусгай үзэсгэлэнгийн бүс болон "Бүс ба Зам" олон улсын хамтын ажиллагааны тусгай бүсийг ажиллуулж, "Бүс ба Зам" санаачилгын өндөр чанартай хөгжлийг дэмжих технологийн инновацийг ашигласан шилдэг ололт амжилтуудыг харуулжээ. 




Уг үзэсгэлэн нь үндэсний хүнд даацын тоног төхөөрөмж, хиймэл оюун ухаан ба робот техник, хагас дамжуулагч ба интеграл хэлхээ, хэрэглээний электрон, нам дор газрын эдийн засаг ба арилжааны сансар судлал зэрэг 22 томоохон үзэсгэлэнгийн бүсээр дамжуулан олон улсын шинжлэх ухаан, технологийн хөгжил дэвшлийн тэргүүлэх чиглэл болон Хятад улсын өндөр түвшний инновацийн ололт амжилтыг цогцоор нь харуулсан байна. Зохион байгуулагч талын танилцуулснаар, үзэсгэлэнгийн бодит үзмэрийн 90 гаруй хувь нь "өндөр түвшний, боловсронгуй, дэвшилтэт" технологи ба бүтээгдэхүүнүүд бөгөөд 20 гаруй хувь нь анх удаа нийтэлж, анх удаа үзэсгэлэнд гаргаж буй бүтээгдэхүүн юм.