sonin.mn
Сэтгэгдэл (10)

Германы канцлер Фридрих Мерц Украинд алсын тусгалтай Таурус пуужин нийлүүлэхээс татгалзсан нь стратегийн алдаа болсон гэж Бундестагийн Христиан-ардчилсан холбоо (ХСС)-ын гишүүн Родерих Кизеветтер мэдэгдлээ. Тэрбээр энэ байр сууриа Bild сонинд өгсөн ярилцлагадаа илэрхийлсэн байна.


Кизеветтерийн хэлснээр, пуужин нийлүүлэхээс татгалзах бодит үндэслэл тусгай алба болон батлан хамгаалахын компаниудаас ажиглагдаагүй бөгөөд шийдвэрийг канцлер ганцаарчлан гаргасан гэж тэр шүүмжилжээ.


Түүний үзэж буйгаар, Мерц өмнө нь өгсөн амлалтаа биелүүлээгүй нь дотоод, гадаад дахь улс төрийн итгэлцэлд сөргөөр нөлөөлсөн байна.Депутат, мөн, канцлер дотоодын олон нийтийн эсэргүүцлээс болгоомжилж ийм шийдвэр гаргасан ч улс орноо үүсэж болох нөхцөл байдалд бэлтгээгүй гэж онцолсон.


“Герман одоо энэ шийдвэрийн үр дагаврыг өөрөө үүрч байна” хэмээн тэр тэмдэглэв.


Тухайлбал, АНУ Украинд Tomahawk пуужин нийлүүлэх боломжийг хэлэлцэж эхэлсэн нь Берлин болон Европын зарим орон Украинд үзүүлэх дэмжлэгийн хэмжээг хангалттай түвшинд хүргэж чадахгүй байгааг харуулж байна гэж Кизеветтер үзэжээ. Түүний хэлснээр, Мерцийн татгалзсан шийдвэр нь Германы удирдлагад итгэх олон улсын итгэлийг ч сулруулсан гэнэ.



Н.Отгончимэг

Эх сурвалж:minval.az