sonin.mn
Сэтгэгдэл (2)

11-р сарын 13-нд Хятадын Гадаад харилцааны яамны хэвлэлийн төлөөлөгч Линь Жянь хэвлэлийн бага хурал хийв.

Энэ үеэрээ: "Японы Ерөнхий сайд Санае Такайчи саяхан Тайваний эсрэг Хятадын эх газар цэргийн ажиллагаа явуулбал Японы хувьд "оршихуйн эрсдэл" байж болзошгүй гэж мэдэгдсэн.


Такайчигийн парламентын мэтгэлцээний үеэр хэлсэн үгс нь Японы Засгийн газрын байр суурийг тусгасан бөгөөд үүнийг няцаах бодолгүй байна гэж мэдэгджээ. Хятадын тал үүнд ямар байр суурьтай байна вэ "


гэсэн сэтгүүлчийн асуултад хариулахдаа

 Линь Жянь: "Тайвань бол БНХАУ-ын Тайвань. Тайваний асуудлыг хэрхэн шийдвэрлэж, улс орноо нэгтгэх нь Хятадын ард түмний өөрсдийнх нь асуудал бөгөөд гадны ямар ч хүчин хөндлөнгөөс оролцохыг зөвшөөрөхгүй. Хэрэв Япон Улс Тайваний хоолойн нөхцөл байдалд зүрхэлж цэргийн хүчээр хөндлөнгөөс оролцох юм бол энэ нь түрэмгийллийн ажиллагаа бөгөөд Хятад Улс хатуу хариу цохилт өгнө." гэжээ.


Г.Бямба