sonin.mn
Сэтгэгдэл (36)

Монгол Улсын Ерөнхий сайд Г.Занданшатар ард түмэндээ хандаж мэдэгдэл хийн, "Эдийн засгаа сэргээнэ гэдэг бол нүүрсний хулгайтай тэмцэнэ гэсэн үг, нүүрсний хулгайтай тэмцэнэ гэдэг бол эдийн засгаа сэргээнэ гэсэн үг.

Монгол Улсын төсөвтэй хамт эдийн засгийн эргэлтэд ороогүй байгаа цорын ганц орд болох Тавантолгойн таван ордын Бортээгийн ордыг эдийн засгийн эргэлтэд оруулах тухай УИХ-ын тогтоолын төслийг УИХ-д өргөн барьсан.

Энэ Бортээгийн ордыг ашиглах тухай тогтоолын төслийг өргөн баримагц гурван сарын өмнө нэр дэвшихгүй гэж байсан УИХ-ын дарга яаран сандарч, нэр дэвших мэдэгдэл хийж эхэлсэн." гэсэн билээ.


Мөн тэрээр мэдэгдлийнхээ төгсгөлд УИХ-ын гишүүн Б.Энхбаярыг Хууль Зүй, Дотоод Хэргийн Сайдаар томилох болсноо зарласан юм. Ирэх долоо хоногийн Баасан гарагт уг шийдвэр албажиж, Б.Энхбаяр бүрэн эрхээ хэрэгжүүлж эхлэнэ.


Уг шийдвэр нүүрсний хулгайч нарыг ихэд сандаргажээ. Иймээс ч УИХ дахь өөрсдийн гар хөлүүдээр дамжуулж, Г.Занданшатарыг огцруулах хуйвалдааныг эхлүүлсэн бөгөөд маргааш уг бичгээ өргөн барина гэх мэдээлэл байна. Учир нь Г.Занданшатарыг огцруулж өөрсдөө Засгийн Газрыг авч байж л тэд л нүүрсний хулгайн хэрэгтээ ял авахгүй үлдэж чадна. Нүүрсний хулгайчид уг бичгийг "бродюрын мафийн гар хөл" болсон УИХ-ын гишүүний албан бланк дээр үйлдэж буй бөгөөд УИХ-ын гишүүдэд сайдын албан тушаал амлах буюу ихээхэн хэмжээний мөнгө санал болгон, "Мөнгө ямар ч асуудалгүй, хангалттай байгаа, Г.Занданшатарыг огцруулахад оролцоод л шагналаа ав" гэсэн байж болзошгүй гэх мэдээлэл ч байна.

Өөрөөр хэлбэл маргааш Ерөнхий Сайдыг огцруулах бичигт гарын үсэг зурсан нөхдүүдийн нэрс ил болно. Ингэснээр Монголын ард түмэн хэн хэн гэдэг УИХ-ын гишүүн нүүрсний хулгайч нарын "гар хөл" болж буйг таньж авах нь ээ.


Б.Доржоо