sonin.mn
Сэтгэгдэл (22)

УИХ-ын гишүүн асан Ш.Раднаасэд мэдээлэл хийв.


Энэ үеэрээ тэрээр: "Маргааш МАН-ын бага хурал хуралдаж, намын даргаа сонгох сонгууль дүрмийн дагуу явагдана. Үүнтэй холбоотойгоор мэдээлэл хийх ёстой гэж бодож байна. МАН-ын даргад УИХ болон Засгийн газар хоорондоо өрсөлдөж байгаа мэт байдал ажиглагдаж байна. Миний хувьд намын асуудал нам дотроо явагдах ёстой гэсэн байр суурьтай байдаг.


Тийм ч учраас гарч ирж мэдээлэл хийж , үнэнийг ярих ёстой гэж бодсон юм. Д.Амарбаясгалан УИХ-ын дарга болхоосоо өмнө 8 жил МАН-ын ЕНБДарга хийсэн. Энэ бол урт хугацаа. Яагаад 8 жил энэ албан тушаалаас холдоогүй юм бэ? ХОМ мэдүүлдэггүй мөртлөө төр засгийн шийдвэрт шууд оролцдог албан тушаал.



Бүх тендер, бүх томилгоонд оролцож байсан. Тухайн үеийн сайд нар нотолж ярих ёстой. ХОМ мэдүүлдэггүй, бүх зүйлээс хол хэр нь бүх зүйлд гар хөлөө шургуулдаг ажил болсон. Тийм ч учраас 8 жил МАН-ын ЕНБД хийсэн.



Өнөөдөр шунал нь хэтрээд МАН-ын дарга, Монгол Улсын Ерөнхий сайд болно гээд явж байна. Д.Амарбаясгалан ЗГХЭГ-ын дарга байхдаа өрсөлдөгчдөө бүгдийг нь нүүрсний хулгайч гэж зарлуулаад, бүгдийг нь жагсаалаас гаргасан. Айлган сүрдүүлсэн. Өнөөдөр өөрөө энэ гороо амсаж байна. Маргаашийн сонголт бол МАН хулгайчдаасаа салах сонголт. Хууль засаглах уу, хулгайч засаглах уу, 2027, 2028 онд МАН ялах уу? Ялагдах уу? гэдгийг МАН-ын бага хурлын гишүүд маргааш шийднэ.



Хэрэв Д.Амарбаясгалан ялах юм бол, МАН-ын дарга болох юм бол МАН нүүрсний хулгайчдын нам болно. Юу үнэн, энэ үнэн.



Даргад таалагдаагүй олон гишүүдээ хөөсөн. Эдгээр гишүүд даргадаа гомдсон ч намдаа гомдоогүй. Тэр гишүүд одоо гарч ирж үгээ хэлэх ёстой. Д.Амарбаясгалан МАН-ын даргад өрсөлдөж байгаа нь авлигын хэргээс зугтаж байгаа амь даатгал нь. МАН-ын дарга, Ерөнхий сайд болж байж бүх хэргээ дарах гэсэн үйлдэл. МАН ялагдах үед Америк руу хаяад зугтаж байсан шүү дээ, Д.Амарбаясгалан. МАН ялагдал хүлээсэн 2012-2016 онд хэн МАН-ын төлөө явж байсан гэдгийг гишүүд маань харах ёстой.


Мэтгэлцэж байгаа хүмүүс хэвлэлээр биш хуулиар ярих ёстой. Гэтэл тэгэхгүй байна. Маргааш энэ бүх асуудлыг эцэслэж, МАН-ын даргаа 2/3-р сонгож нэг талд нь гаргахгүй бол нүүрсчдийн нам нэрээрээ дуусна шүү. Д.Амарбаясгалан бол хулгайг зохион байгуулдаг загалмайлсан эцэг нь. Нүүрсний хулгайн загалмайлсан эцэг гэж ойлгож болно.



Ц.Чулуунзагдгүй Д.Амарбаясгалан гэж байхгүй. Д.Амарбаясгалангүй Ц.Чулуунзагд гэж байхгүй.



УИХ-ын гишүүн Н.Алтанхуяг шүүхээр ороод цагаадаад гараад ирсэн. Тэгвэл Д.Амарбаясгалан УИХ-ын даргын ажлаа өгөөд шалгуулчих л даа. Гүтгэсэн гээд байгаа Б.Энхбаяр нь гишүүнээ өгөөд очоод шалгуулчих. Хэн нь цагаадах, үгүйг нь гаргаад ирнэ шүү дээ." гэлээ.



М.Чой