sonin.mn
Сэтгэгдэл (44)

Европын холбооны дэмжлэгтэйгээр Украин өөрийн бүх нутаг дэвсгэрийг эргүүлэн авч, анхны хил хязгаартайгаа болох чадвартай гэж АНУ-ын Ерөнхийлөгч Дональд Трамп нийгмийн сүлжээнд бичжээ.


Тэрбээр:


"Би Украин, Оросыг тойрсон цэргийн болон эдийн засгийн нөхцөл байдлыг гүнзгий судалж, бүрэн ойлгосныхоо дараа, мөн энэ нь Орос улсад ямар эдийн засгийн асуудал авчирч байгааг харсны үндсэн дээр үзэхэд, Европын холбооны дэмжлэгтэй Украин тулалдаж, ялалт байгуулан өөрийн бүх нутаг дэвсгэрийг анхны хил хязгаартай нь эргүүлэн авах боломжтой байр сууринд байна гэж үзэж байна.


Цаг хугацаа өнгөрөхийн хэрээр, тэвчээр гаргаж, Европын, ялангуяа НАТО-гийн санхүүгийн дэмжлэгийг авч чадвал, энэ дайн эхэлсэн анхны хил хязгаарыг сэргээх нь маш бодитой хувилбар юм. Яагаад боломжгүй гэж?


Орос аль хэдийн гурван жил гаруйн хугацаанд утгагүй дайн явуулж байна. Жинхэнэ цэргийн гүрэн байсан бол ийм дайнд долоо хоногоос ч бага хугацаанд ялалт байгуулах байсан. Энэ нь Оросын нэр хүндийг өргөсөн хэрэг биш, харин ч улам бүр “цаасан бар” шиг харагдуулж байна. Москва болон Оросын бусад агуу хот, суурин, бүс нутгийн иргэд энэ дайнд үнэн хэрэгтээ юу болж байгааг ойлгож эхлэх үедээ — шатахуун авахын тулд дуусашгүй урт дараалалд зогсож, мөнгөний ихэнх нь Украинтай хийж буй дайнд зарцуулагдаж байгаа цэргийн эдийн засгийн бүх асуудлыг харж эхлэх тэр мөчид — Украин өөрийн орныг анхны хил хязгаартай нь чөлөөлөөд зогсохгүй, бүр цааш нь ч алхаж магадгүй!


Путин болон Орос маш ноцтой эдийн засгийн бэрхшээлд орсон байна, иймээс яг одоо бол Украин үйлдэл хийх цаг юм.


Ямар ч тохиолдолд би хоёр улсын аль алинд нь хамгийн сайн сайхныг хүсье. Бид НАТО-гийн зэвсгийг нийлүүлсээр байх болно, тэдгээрийг өөрсдийн үзэмжээр ашиглах боломжтой байх ёстой.


Амжилт хүсье!" гэжээ.


М.Чой