sonin.mn
Сэтгэгдэл (0)

ВАШИНГТОН, 2025 оны есдүгээр сарын 23 /TASS/. Узбекистаны агаарын тээврийн “Uzbekistan Airways” компани холын зайн нислэгийн “787 Dreamliner” загварын 22 ширхэг нисэх онгоц худалдан авах тухай 8 тэрбум гаруй ам.долларын үнийн дүн бүхий гэрээг Америкийн “Boeing” корпорацтай байгуулсан тухай АНУ-ын Ерөнхийлөгч Дональд Трамп “Truth Social” нийгмийн сүлжээнд мэдээлжээ.


Тэрбээр Узбекистаны Ерөнхийлөгч Шавкат Мирзиёевд "маш сайн гэрээ байгуулсан"-д баяр хүргэсэн байна. Ш.Мирзиёев өмнө нь АНУ-ын албаны хүмүүстэй хоёр улсын хамтын ажиллагааны хэтийн төлөвийг хэлэлцжээ. Энэхүү хэлэлцээр нь АНУ-д 35 мянга гаруй ажлын байр бий болгоно гэж “Boeing” тооцоолж байна. 


“Uzbekistan Airways” компани “Dreamliner” загварын хэд хэдэн онгоцыг ашиглаж байгаа бөгөөд анхны онгоцыг 2016 онд худалдан авч байжээ. Сүүлийн жилүүдэд тус компани нисэх онгоцнуудаа шинэчилж байгаа юм.


“Uzbekistan Airways”-ийн цахим хуудсанд мэдээлснээр, “Boeing” компанитай нэмж 8 онгоц худалдаж авах нөхцөлтэйгөөр 14 ширхэг “Boeing 787-9 Dreamliner” онгоц худалдан авах гэрээ байгуулжээ. 


“Энэхүү чухал гэрээ бол компанийн нисэх онгоцнуудыг урт хугацаанд шинэчлэх хөтөлбөр, холын зайн нислэгийн хүчин чадлыг нэмэгдүүлэх төлөвлөгөөний нэг хэсэг юм. Онгоцыг 2031 оноос нийлүүлж эхэлнэ” гэж мэдээлэлд дурдсан байна.




Д.Жаргал

Эх сурвалж: "Монцамэ" агентлаг