sonin.mn
Сэтгэгдэл (45)

Эхнэрээ зоддог Г.Ган-Очир улс төрийн болон гэр бүлийн хүчирхийллийн асар ноцтой дуулианы эзэн. Анх саун буудал ажиллуулж, охид, эмэгтэйчүүдийн биеийг үнэлүүлэх ажлыг зохион байгуулдаг байсан гэх. Улмаар АН-ын дарга С.Эрдэнийн цүнх баригчаар ажиллаж байсан. Сонгуулийн хар хайрцагны хэргээр ч шалгагдсан дуулиантай этгээд.



Гэр бүлийн хүчирхийлэл буюу авааль гэргийгээ удаа дараа зодохоос гадна охид, эмэгтэйчүүдийн биеийг үнэлүүлж, ингэхдээ мөн зоддог, гудамжинд танхайрдаг гэсэн гэмт хэргүүдэд тоймгүй олон удаа холбогдож байсан ч яг ял эдэлж байсан нь ховор.



Харин хамгийн сүүлд 2022 онд Г.Ган-Очирын эхнэр А.Ариунтуяагийн дуудлага мэдээллийн дагуу “Г.Ган-Очирыг эхнэрээ зодож санаатай ноцтой гэмтэл учруулсан” гэр бүлийн хүчирхийлэл үйлдсэн гэмт хэргээр Францын Аннеси хотын Эрүүгийн хэргийн шүүхээс түүнд 2 жилийн хорих ял оноосон. Шүүхийн шийдвэр, шүүхийг үл хүндэтгэсэн учраас 6 сарын нэмэлт ял ч оноосон байдаг. Г.Ган Очирын эхнэр 2023 оны 1 дүгээр сарын эхээр цахим хуудсаараа дамжуулан “Түүнийг айл шатаасан, гэр бүлийн хүчирхийлэлд удаа дараа өртсөн” талаараа цочирдом зураг, мэдээллүүдийг дэлгэж ярьсан. Г.Ган-Очир нь оногдсон ялаа бүрэн эдлээгүй буюу одоо интерполоор эрэн сурвалжлагдаж байгаа аж. Түүнийг Швейцарьт байгаа гэх албан бус мэдээлэл байдаг. 


Монголд байхдаа Г.Ган-очир нь архи уусан үедээ бусдын амгалан тайван байдлыг алдагдуулж, гудамж талбайд охид, бүсгүйчүүдийг айлган сүрдүүлсэн гэж цагдаагийн байгууллагад нийт 12 удаа эрүүлжүүлэгдсэн. Зөрчлийн тухай хуулиар 20 удаа торгуулийн арга хэмжээ авахуулж байсан. Эмэгтэйчүүдийг зодож, биеийг нь үнэлүүлж ашиг олдог. Эхнэрээ удаа дараа зодохдоо 2015 онд хэрцгийгээр зодож эрүүг нь хугалж байсан. Эхнэрээ зодчихоод түүний амьдарч байсан гэрийг нь санаатайгаар шатааж амь насыг нь хөнөөхөөр завдсан. Улмаар Франц руу оргон зайлж, тус хугацаандаа дахин эхнэрээ хэрцгийгээр зодож байжээ.