sonin.mn
Сэтгэгдэл (38)

УИХ дахь АН-ын бүлэг бүрэн бүрэлдэхүүнээрээ мэдээлэл хийлээ.


УИХ дахь АН-ын бүлгийн дарга О.Цогтгэрэл хурлын эхэнд: " С.Ганбаатарыг шалгаж буй асуудлын цаана улс төр байгаа гэдэгт бид эргэлзэхгүй байна. Энэ бүхэн зөвхөн нэг гишүүний асуудал биш Монголын парламентын дархлааны асуудал гэж үзэж байна.Иймээс УИХ дахь АН-ын бүлэг албан ёсоор мэдэгдэл, шаардлага гаргаж байна" гэсэн юм.


Харин С.Ганбаатар: "У.Хүрэлсүх ээ, чамаас парламентын дархлааг хамгаална. Чи хууль хяналтын байгууллагуудыг хувийнхаа хамгаалалтын алба шиг ажиллуулж болохгүй. Чиний өөдөөс үг хэлсэн хүмүүсийг дарамталдаг явдлыг зогсоох ёстой.


У.Хүрэлсүхээ, чи өмнө нь сонгогдохдоо ч гэсэн Ерөнхийлөгчийн сонгуулийг луйвардаж авсан.


Одоо дараагийн сонгуулийг ч гэсэн луйвардаад, бүх өрсөлдөгчдийнхөө хөлийг хуга өшиглөж байгаад наадам зохионо гэж бодож байвал худлаа шүү, болохгүй. У.Хүрэлсүх ээ, 14 тэрбумыг чинь би яриагүй, фургоныг чинь би яриагүй, би харин Газрын тосны үйлдвэрийн төсөл чинь луйвар, новш болчихлоо гэж ярьсан. Францад чи айлчлаад ураныг хийсэн. Олон нам дамжсан л гэх юм. Гудамжинд байгаа бүх жижиг сажиг нам, иргэдтэйгээ нийлж байж л би тэмцэж байна. Би бахархдаг. У.Хүрэлсүх ээ, чи ухаантай бай л даа. Монгол Улсын Ерөнхийлөгч бол нийт ард түмний зарц, үйлчлэгч гэж боддог. У.Хүрэлсүхээ, бодлоо өөрчлөөрэй" гэв.


Мөн УИХ-ын гишүүн Х.Тэмүүжин: "Нэг л зүйл хэлье. Аль ч Үндсэн хуульт оронд парламентын дээр мөрдөгч нар нь гардаггүй. Хуулиа дэвсэлж, хэн нэг улс төрийн нөмөр нөөлөг дотор дураараа авирлаж болдоггүй юм. Парламент дархлаатай байх ёстой. Хуулийн байгууллагын нөөцийг хувийн ашиг сонирхолдоо ашиглах гэж оролдвол энэ бол гэмт хэрэг. Хонгилын эзэн солигдох биш хонгилыг нураах ёстой. Энэ ажлыг АН өнөөдрөөс эхлэн хийнэ." гэлээ.



С.Сарнай