sonin.mn
Японы мэргэжлийн сүмогийн 71 дэх ёкозүна, Монгол Улсын гавьяат тамирчин Какүрюү Мангалжалавын Ананд зодог тайлах ёслол өнөөдөр Япон улсын нийслэлТокио хотын “Рёогокү Кокүгикан” ордонд боллоо.
 
Түүний зодог тайлах ёслолд Японы мэргэжлийн сумогийн 68 дахь ёкозүна Асашёорюү Д.Дагвадорж, 69 дэх ёкозүна Хакүхо М.Даваажаргал,  УИХ-ын гишүүн, Засгийн Газрын гишүүн, Спорт Олим хариуцсан сайд, Монгол Улсын Үндэсний бөхийн дархан аварга Б.Бат-Эрдэнэ тэргүүтэй хүндэт зочид оролцсон юм.
Какүрюү 2001 онд мэргэжлийн сүмод орж, дээд зиндаанд нийт 785 барилдаж 497 давж, 236 унасан ажээ.