sonin.mn
Сэтгэгдэл (0)
ЗХУ нуран унахад Зөвлөлт маягийн нийгмийн шинжлэх ухааны мэдлэг хүчингүй болж хогын саванд хаягдсан шүү дээ. Зүүн Европын зарим орнууд ЗХУ нуран унасны дараа Зөвлөлт маягийн нийгмийн шинжлэх ухааны дипломуудыг хүчингүй болгож дахин сургуульд суралцуулж мэдлэгжүүлсэн түүх байдаг. 
 
Ерөнхий сайд асан Д.Бямбасүрэнтэнгүүд, Дашзэвэгтэнгүүдийн мэдлэг аль эрт хүчингүй болсон шүү.  Ардчилсан хувсгалын дараа Монголын төр дэлхийн том их сургуульд эдийн засаг, санхүү, хууль, социологи, философи, улстөр судлалын чиглэлээр докторын зэрэг хамгаалсан нэгч хүнийг бэлдээгүй. 
 
Тиймээс Монголын эдийн засаг, санхүүг ярих мэдлэгтэй хүн байхгүй байна. Үнэн шүү. Үнэн гэдэг хатуу.  Дэлхийн дүүргийн зэрэглэлтэй их сургуульд доктор хамгаалаад ирсэн Хашчулуунтангууд, С.Дэмбэрэлтэнгүүдэд, Р.Амаржаргалтангууд, Жаргалсайхантангуудад найдах зүйл байхгүй гэдэг үнэнийг хүлээн зөвшөөрөх хэрэгтэй.
 
Төрийн тэргүүн та зарлиг гаргаж дэлхийн тэргүүний их сургуульд Монгол хүнийг бэлдэх тухай шийдэл тань Монгол орныг худал дипломтонгуудаас салгах түүхэн шийдвэр байсан. 
 
Гэтэл шоуч Ерөнхий сайд Алтанхуягын засгийн газар таны зарлигыг гуйвуулж 16 мянган ам доллараар дэлхийн тэргүүний их сургуульд сургах журмыг баталсан нь үнэхээр инээдэмтэй үйлдэл болсон. Тийм хямдхан дэлхийн тэргүүний их сургууль байхгүй гэдгийг  та мэдэж байгаа.  
 
Мэдлэгийг ойлгож мэддэг болохоос цээжилж оноо цуглуулж диплом авсан худал дипломтонгууд  Монгол оронд оюуны терроризм явуулж байна. Оюуны терроризм гэдэг бол буун дуу гаргахгүй үндэстэнийг устгадаг аюултай. Үүнийг та бас мэдэж байгаа. 
 
 Аливаа улс орныг хөгжүүлэхэд нэг их олон мэдлэгтэн байгаагүй гэдгийг түүх гэрчилдэг. Төрийн тэргүүний хувьд дэлхийн хараатай баталгаатай мэдлэгтэн нэг хоёр хүний эрэлд гарч Монгол орныг мухар сүсэгээс аварч, ядуурлаас аварч хөгжил рүү хөтлөх цаг болжээ. 
 
Монголын ядуурлыг яаралтай шийдвэрлэхийн тулд 90 оноос  хойш бор зүрхээрээ барууны их дээд сургууль төгссөн магистр, докторын зэрэг хамгаалсан хүмүүсийг бүртгэж, шалгаруулж, эрүүл мэндийн шинжилгээнд оруулж, психлогийн эмчилгээ хийлгэж, үндэсний эрх ашиг, үндэсний аюулгүй байдлын нэгдсэн сургалтыг эх орондоо явуулж, Монгол оронд тулгамдсан асуудлыг шийдвэрлэж чадах мэргэжлийг  тодорхойлож, Чингисийн этик, чингисизмийн философийн сургалт явуулсаны дараа дэлхийн тэргүүний их сургуулиудтай хэлэлцээр хийж, гэрээ байгуулаад 2-3 жилийн дотор яаралтай бэлдэх хэрэгтэй байна. 
 
Баклавраас эхэлж бэлдвэл 10-20 жил алдана гэдгийг төрийн тэргүүний хувьд та мэдэж байгаа. Харвардын их сургуульд пост доктор хийчээд би шашинтан гэж өөрийгөө танилцуулж явдаг мухар сүсэгтэн гарч байна. 
 
Кэмбриджийн их сургуульд доктор хамгаалчихаад сансараас ухаан, мэдлэг татдаг антентай хүн ч гарч байна.  Дэлхийн сансарын нисгэчийн нотолсноор бол  сансар гэдэг нь хав харанхуй, хүв хүйтэн, анир чимээгүй гэж баталсаар байхад тэнгэрээс мэдлэг, ухаан татдаг антентай хүн олширч байна.  
 
Ямар ч шашны сүмд шинжлэх ухааны лабортори байхгүй гэдгийг хүн төрөлхтөн мэдэж байхад Монгол хүн мэдэхгүй байгаагийн учир юу вэ?  Төрийн тэргүүний хувьд та Монгол үндэстэн оюуны террроризмд гүнзгий автсан гэдгийг ойлгож оюуны терроризмтай тэмцэх үндэсний хөтөлбөрийг боловсруулж Монгол үндэстэнийг оюуны гэмтэлээс үтэр түргэн авараачээ гэж хүсэж байна. 
 
17-р зууны үед Францад инсиклопедиачуудын хөдөлгөөн Франц даяар үндэстэний хөдөлгөөн өрнөж эртний Грек болон Латин хэлнээс хүн төрөлхтөний мэдлэгийг яаж малчин Францчуудын хэлэнд нутагшуулах асуудал тулгарч үг болгон үүсэл гаралтай, үг болгон утгатай, үг болгон онолтой гэдгийг Франц үндэстэнд ойлгуулж үг буруу бол өгүүлбэр буруу, өгүүлбэр буруу бол утга буруу , утга буруу бол ухаан буруу, ухаан буруу бол амьдрал буруу болно.
 
Амьдрал буруу бол төр буруу болж хүн төрөлхтөн хамтаар сайхан амьдрарч чадахгүй болно гэсэн агуу логикыг Франц үндэстэний сэргэн мандалт, соён гэгээрлийн эхлэл болгож чадсан юм. Үүний үр дүнд  Франц үндэстэн хүн төрөлхтөний өмнө хүчирхэг үндэстэн болж одоо болтол үргэлжилсээр байна. 
 
Монгол үндэстэн баян чинээлэг, хүчирхэг байх, сайн сайхан байх хүсэлтэй нь тодорхой. Гэтэл яагаад энэ сайхан хүсэл хөсөрдөж байна вэ? Гэвэл Монгол улс түүхэндинсиклопедиачуудын хувьсгал явагдаагүйн гамшиг юм. 
 
Авилга бол буруу, муу, муухай цаашлаад гэмт хэрэг гэдгийг мэдэж байгаа мөртлөө яагаад Монгол хүн авилагыг амьдрах цорын ганц сонголт хэмээн хүлээн авч төрөө, улсаа, үндэстэнээ, нийгэмээ, ард түмнээ сүйтгэж байна вэ? гэж асуултыг тавиад оншилгоо хийвэл ганцхан шалтгаан байгаа нь тодорхой. Тэр нь юу вэ гэвэл Монгол үгийн алдаанаас бүх зүйл үүсэлтэй болж байна. 
 
Монгол үндэстэнийг доройтуулж байгаа нь буруу үг хэрэглэж, зөвөөр ойлгоно гэдэг төөрөгдлийн өвчин юм. Энэ өвчинийг анагаах цорын ганц арга бол төрийн тэргүүүн таны хувьд 16-р зууны Францын төрийн тэргүүн адил өөрийн дэргэдээ философичтой болох хэрэгтэй. 
 
Монголын сайн сайхан төрийн сайн сайхнаас шалтгаалдаг. 
 
Төр хүчтэй байгаа үед л үндэстэн хүчтэй, ард түмэн хүчтэй байдаг. 
 
Монголын төрийг цорын ганц таниар төсөөлдөг. 
 
Монгол улсын их хурал, засгийн газар, шүүх засаглал бол Монголын төрийн хүслийг хэрэгжүүлдэг засаглалын институт болохоос Монголын төр биш юм.  
 
МОНГОЛЫН ТӨР ИТГЭЛТЭЙ, УТГАТАЙ, ХҮСЭЛТЭЙ БОЛОХ БОЛТУГАЙ..,
 
Монгол Консерватив намын дарга Н.ДАШДАВАА