Засгийн газрын ээлжит хуралдаан 2021 оны 02 дугаар сарын 24-ний өдөр боллоо.
Аймаг, сум, тосгон, баг дахь ерөнхий боловсролын сургууль, цэцэрлэг, хүүхэд харах төвийн хичээлийг 2021 оны 03 дугаар сарын 01-ний өдрөөс эхлүүлэхээр боллоо. Танхимын сургалтыг зөвхөн хоцрогдол арилгах чиглэлээр хэсэгчилсэн байдлаар явуулна. Хүүхэд, эцэг, эх, асран хамгаалагч нь танхим, теле болон цахим сургалтын алинд нь хамрагдахаа сонгох юм. Орон нутаг дахь их, дээд сургууль, коллеж, Мэргэжлийн сургалт, үйлдвэрлэлийн төв хичээллэхгүй. Боловсрол, шинжлэх ухааны яам нийслэлийн ерөнхий боловсролын сургуулийн хичээлийг 2021 оны 03 дугаар сарын 10-ны өдрөөс, цэцэрлэг, хүүхэд харах төв, их, дээд сургууль, коллеж, Мэргэжлийн сургалт, үйлдвэрлэлийн төвийн хичээлийг 2021 оны 04 дүгээр сарын 01-ний өдрөөс эхлэхээр бэлтгэлээ хангасан байна.
Хэдийгээр иргэд, аж ахуйн нэгж, байгууллагуудыг ажил, амьдрал, бизнесийн хэвийн горимд оруулж, дархлаажуулалт эхэлсэн ч энэ нь цар тахлын аюул ард хоцорсон гэсэн үг биш. Иймээс хатуу хөл хорио тогтоосон 12 хоногт голомтыг хумьж, тархалтыг зогсоох чиглэлээр хийсэн ажил болон “Нэг хаалга-Нэг шинжилгээ”-ний үр дүнг бататгах, эрсдэлээс сэргийлэх, халдварын нөхцөл байдал зэргийг харгалзан тухай бүрт нь шийдвэрлэхээр болов.
Товч мэдээ
-Төв цэвэрлэх байгууламж шинээр барих, Улаанбаатар хотын нийтийн ус хангамжийг нэмэгдүүлэх, Эрдэнэбүрэнгийн усан цахилгаан станц, Солонго-1 орон сууцны хороолол, Улаанбаатар-Дархан чиглэлийн автозам барих зэрэг томоохон төслийн явцыг эрчимжүүлэх чиглэлээр шаардлагатай арга хэмжээ авахыг холбогдох сайд нарт даалгалаа.
- Бүгд Найрамдах Беларусь Улсын Засгийн газартай байгуулсан Экспортын зээлийн ерөнхий хэлэлцээрийг нэг жилээр сунгахаар болов. Хэлэлцээрийн хугацаа 2020 оны 12 дугаар сарын 31-ний өдрөөр дууссан байна. Хэлэлцээрийн хүрээнд Онцгой байдлын ерөнхий газарт гал унтраах 71 машин, тоног төхөөрөмж авахаас 58-ыг нь дагалдах хэрэгслийн хамт хүлээн авчээ.
Сэтгэгдэл0
Хаашдаа 3 сар хүрсэн юм бол малчдаа бодоод 15 хоног цаашлуулаад 3-р сарын 15-нд оруулах талаар бодсон дээр баймаар. Малчин өрхийн тоо 200,000 орчим байхад мал төллөх хэдэн хоногт эцэг эхдээ тус болж байвал хэрэгтэй юм даа. Яг малчин хүний ажил ид эхлэх гэж байхад хүүхдүүдийн сургууль гэж аваад явах эрүүл биш байлтай. Энэ тал дээр наад засгийн газар чинь бодож үзмээр байна.
Естой зөв шийдвэр байна.Ноднин манай улсад вирус орж ирээгүй байхад хэтэрхий эрт хичээл сургууль хаасан нь буруу байсан .Одоо ногоон бүсээ ажил сургууль цэцэрлэгт ордог нь зөв шүү.
Нийслэлийн төгсөх ангийн хүүхдүүдийг хамгааллын дэглэм бариад эхлүүлээчээ, караоке, саунаас аюулгүй биздээ
Өнгөрсөн жил ч мөн сүржигнэсэн жил байсандаа
Улаанбаатар хотын сургууль цэцэрлэгийг гуравдугаар сарын 1-нээс хичээллүүл.
oron nutagt ali ert ehelj boloh bn shd