Пүрэв - 04 сарын 17,
2025
ТОКИО, 2025 оны дөрөвдүгээр сарын 8 /NHK/. АНУ-ын Ерөнхийлөгч Дональд Трамп “US Steel” компанийг худалдан авах Японы “Nippon Steel” компанийн саналыг дахин хянаж үзэхийг үүрэг болгожээ.
Д.Трамп энэ асуудлаар цаашид ямар алхам хийх нь зүйтэй эсэхийг тодорхойлохын тулд судалж шалгахыг АНУ-ын Гадаадын хөрөнгө оруулалтын хороонд (CFIUS) даалгасан баримт бичигт өчигдөр гарын үсэг зурсан байна.
Тус хороо өмнө нь уг саналыг хэдэн сарын турш хянаж үзсэн боловч нэгдсэн шийдэлд хүрч чадалгүй байсаар асуудлыг тухайн үеийн Ерөнхийлөгч Ж.Байдены мэдэлд шилжүүлжээ. Ж.Байден өнгөрсөн нэгдүгээр сард үндэсний аюулгүй байдлын үүднээс “US Steel” -ийг Японы компанид худалдахыг хориглосон юм.
Д.Трамп талуудаас гаргасан саналууд нь үндэсний аюулгүй байдалд учирч болзошгүй эрсдэлийг бууруулахад хангалттай эсэх талаар зөвлөмж, дүгнэлтээ танилцуулахад дээрх хороонд 45 хоногийн хугацаа өгсөн байна.
"Nippon Steel" компани "US Steel"-ийг худалдан авч, охин компаниа болгохоор зорьж байгаа ч Д.Трамп “US Steel компанийн хувьцааны хяналтын багцыг хэн ч эзэмших ёсгүй” хэмээн мэдэгджээ.
Д.Жаргал
Эх сурвалж: "Монцамэ" агентлаг
Сэтгэгдэл1
1978 оноос америк өөрийн улсын төмрийн үйлдвэр, усан онгоцны үйлдвэртэй уясан бодлогоосоо татгалзсан. Төмөрлөгийн үйлдвэр бол усан онгоцны үйлдвэрийг дэмждэг маш чухал салбар юм. Хятад энэ нууцыг нь судалж төмөрлөгийн үйлдвэрүүд нь хятадын усан онгоц хийдэг үйлдвэртэйгээ маш нарийн хуйвалдаан хийж тохирсон уялдаатай ажиллаж иржээ. Одоо хятад дэлхийн бүх усан онгоцны 75% хийдэг болсон. Харин Америк одоо дөнгөж 0.15% үйлдвэрлэж байна. Хятад нь усан онгоц үйлдвэрлэх чадвараараа америкаас 500 дахин том болсон. Дэлхийн худалдаа нь усан онгоцны тээврээс 90% шууд хамаардаг. Америк арай ядан усан цэргийнхээ флотыг хангах чадалтай усан онгоц үйлдвэрлэж байна. Хятад усан цэргийнхээ онгоцоос гадна дэлхийн тээврийн усан онгоцны хамгийн хямдхан үйлдвэрлэгч болсон тул монополь болж чаджээ. Монгол улс төмрийн гол түүхий эд болох коксжсон нүүрсээ хятадын төмөрлөгийн үйлдвэрийн хуйвалдаанд хэт хямдаар өгч ирлээ. Монголын нүүрсийг үнэгүй зарсан гэмийг асуух цаг болсон. Америктай хамтарч ажиллах цаг юм