sonin.mn
Сэтгэгдэл (0)

Засгийн газрын Хэрэг эрхлэх газраас Бүгд найрамдах Солонгос Улсын Олон улсын хамтын ажиллагааны байгууллага (КОЙКА)-тай хамтран "Монгол Улсын Төрийн албаны гүйцэтгэлийн удирдлагын тогтолцоог бэхжүүлэх нь" төслийг 2023-2025 онд хэрэгжүүлж байна. Төслийн гол зорилго нь төрийн албаны шинэтгэлийг дэмжих чиглэлд төрийн албаны гүйцэтгэлийн удирдлага, зохион байгуулалтыг боловсронгуй болгох, төрийн албан хаагчдыг чадавхжуулах юм.


May be an image of one or more people, people studying, newsroom and text

Өнөөдөр (2025.04.04) дээрх төслийн хүрээнд хэрэгжүүлсэн "Монгол Улсын төрийн албаны хүний нөөцийн удирдлагын тогтолцоог сайжруулах арга зам", "Төрийн албаны гүйцэтгэлийн удирдлагын тогтолцоог бэхжүүлэх нь", "Төрийн албаны удирдах албан хаагчийн ур чадварыг бэхжүүлэх нь" тайлангуудыг “Чингис хааны музей”-д хэлэлцэв. Эдгээр зөвлөх үйлчилгээний тайлангаас БНСУ-ын төрийн албаны шинэчлэл, хөгжлийн сайн туршлагыг судалж, Монгол Улсын төрийн албаны онцлог, цаашдын шинэчлэлд тохируулан зохистой түвшинд хүлээн авч, нэвтрүүлэх юм.


May be an image of 1 person, dais and text

Төслийн хүрээнд төрийн албаны хүний нөөцийн удирдлагын тогтолцоо, чадавхыг бэхжүүлэх, удирдах ажилтнуудын манлайлал, удирдах чадварыг нэмэгдүүлэх, төрийн жинхэнэ албан хаагчдын гүйцэтгэлийн удирдлагын тогтолцоог сайжруулах, гүйцэтгэлийн удирдлагын цахим системийг хөгжүүлж, нэвтрүүлэх чиглэлээр ажиллаж байна.

Арга хэмжээнд УИХ-ын зарим гишүүд, ЗГХЭГ-ын Дэд дарга Б.Батцэцэг, Бүгд Найрамдах Солонгос Улсаас Монгол Улсад суугаа онц бөгөөд бүрэн эрхт Элчин сайд Чой Жинь Вон, Засгийн газрын Хэрэг эрхлэх газар, Төрийн албаны зөвлөл, салбарын яамд, Засгийн газрын агентлагийн 200 гаруй албан хаагч оролцлоо.


May be an image of 6 people and text

May be an image of one or more people, people studying and crowd