sonin.mn
Сэтгэгдэл (0)

ОТТАВА, 2025 оны дөрөвдүгээр сарын 3 /CBC/. АНУ-ын Ерөнхийлөгч Дональд Трампын зарласан шинэ тарифын хариуд тус улсаас импортолж буй бараанд татвар ногдуулна гэж Канадын Ерөнхий сайд Марк Карни лхагва гарагт мэдэгджээ.


"Бид эдгээр тарифын эсрэг хариу арга хэмжээ авч тэмцэнэ. Бид өөрсдийн ажилчдыг хамгаалж, "Долоогийн бүлэг"-ийн орнуудын дотроос хамгийн хүчирхэг эдийн засагтай орон болно" гэж тэрбээр хэлсэн байна. 


Түүний хэлснээр, АНУ-ын тал мөн Канадын эсрэг нэмэлт татвар ногдуулж болзошгүй гэдгийг мэдэгдсэн бөгөөд эдгээр нь "эмийн үйлдвэр, модон материал, хагас дамжуулагч" зэрэг стратегийн ач холбогдолтой салбаруудыг хамарч магадгүй ажээ. Хилийн чанадаас нийлүүлж буй бүх бараанд ногдуулах татварын доод хэмжээг 10 хувиар тогтоох шийдвэр гаргаснаа Д.Трамп өчигдөр буюу лхагва гарагт мэдэгджээ. Тэрбээр улс орнуудад тус тусад нь тариф тогтоосон байна. АНУ-ын засаг захиргаа мөн бүх төрлийн импортын авто машинд 25 хувийн татвар ногдуулжээ. 



Д.Жаргал

Эх сурвалж: "Монцамэ" агентлаг