Ням - 03 сарын 30,
2025
ЕРЕВАН, 2025 оны гуравдугаар сарын 27 /DW/. "Бүгд Найрамдах Армени Улсыг Европын Холбоонд гишүүнээр элсүүлэх үйл явцыг эхлүүлэх тухай" хуулийн төслийг тус улсын парламент хоёр дахь буюу эцсийн хэлэлцүүлгээр баталжээ.
Хуулийг батлахыг 64 гишүүн дэмжиж, 7 хүн эсэргүүцсэн санал өгсөн байна.
Хуулийн төслийг баталсныг Европын Холбооны удирдагчид сайшаагаад, Европын Холбоо-Арменийн бат бөх харилцаанд нэгэн чухал алхам болж байгаагийн сацуу Армени улс бидний нийтлэг үнэт зүйлс болон ардчиллын замыг тууштай баримталж буйн тод илэрхийлэл боллоо гэж мэдэгджээ.
Армени улсыг Европын Холбоонд элсүүлэх үйл явцыг эхлүүлэх тухай хуулийн төслийг “Ардчилсан хүчний индэр” иргэний нийгэмлэгээс санаачилсан бөгөөд хоёр сарын дотор 60 мянган хүний гарын үсгийг цуглуулжээ.
Хуулийн төслийг Арменийн засгийн газар нэгдүгээр сарын 9-нд дэмжсэн бол парламент хоёрдугаар сарын дундуур болсон эхний хэлэлцүүлгээр баталсан юм. "Арменийн ард түмний хүсэл зоригийг илэрхийлж, Бүгд Найрамдах Армен Улсыг аюулгүй, хамгаалагдсан, цэцэглэн хөгжсөн орон болгох зорилт тавин, Бүгд Найрамдах Армен Улсыг Европын Холбоонд элсүүлэх үйл явц эхэлснийг зарлаж байна" гэж уг баримт бичигт дурджээ.
Д.Жаргал
Эх сурвалж: "Монцамэ" агентлаг
Сэтгэгдэл5
Ингээд Оросуудын өөд татдаг Арменичууд мань Европчуудыг орхилоо гэж.Еврейн улс Израйл нь Оросуудыг хэзээ ч тоож байгаагүй.Магтдаг Грузинууд нь Украйн Балтийн улсуудтай адил Оросыг орхичихсон.
Балайр , Израйль үргэж Оросоос айдаг , гэхдээ үргэлж Оросын Тусламжинд найддаг , аль болох тал алдахгүйг хичээдэг улс.
Аргагүй шүү дээ. Оросууд Азербайжантай тохироод Уулын карабахыг Азербейжанд өгсөн. Үүний цаана Турк босфорын хоолой хар тэнгисийн оросын флотын хөдөлгөөнд саад хийхгүй тохироо хийсэн байх магадлалтай. Товчдоо Турк-Орос 2 тохиролцоод Туркийн шаардлагад Азербайжанд Карабахыг өгөх байсан. Армен үүнд цэргийг нь хүртэл байрлуулчихаад байхад оросын энэ ар нуруунаас хутгалсан асуудалд маш их дургүйлэхэж байгаа. Ер нь орос-д найдахаа больё гэсэн. энэ бол зүгээр л тэр зүгийн л асуудал. Европ нь авах гэж янцаглаж өгнө. Мөд бүтэхгүй. Зүгээр Армен албан ёсоор орос-д дургүйцлээ илэрхийллээ. Цаашид өөр замаар юм явна гэдгийг ойлгуулж байна.
Маш том асуудал бол оросын аюулгүй байдлын баталгаа бол 100 хувь биш л юм байна. Бид оросод найдаж болохгүй, оростой муудалцаж дөгөө өгч болохгүй. Слава нарыг нам дарж байх хэрэгтэй. Слава нарыг дарах нь оросод долигносон, эсвэл айж буй хэрэг биш харин бодитоор аюулгүй байдлаа хангаж буй хэлбэр юм. Үүнийг хэлэлцэх шаардлага байхгүй, шууд гүйцэтгэх ёстой.
Европын холбоонд нэгдсэн орнууд даяарчлал цагаачлалын хөлд үрэгдэж, аж үйлдвэрлэл эдийн засаг нь сүйрдэг жамтай. ЕХ гэж сатанаас хол бай.