Ираны Ерөнхийлөгч Масуд Пезешкян АНУ-ын Ерөнхийлөгч Дональд Трампын сүрдүүлэг, Ирантай яриа хэлэлцээ хийхийг уриалсны хариуд "Та нар биднийг сүрдүүлж байгаа учраас бид хэлэлцээр хийхгүй. Юу хүссэнээ хий" гэж мэдэгджээ.

Тегеранд болсон арга хэмжээний үеэр тэрбээр АНУ-ын Ерөнхийлөгч Трампын дарамт шахалт, заналхийллийн талаар тайлбар хийсэн байна.

Ираны Ерөнхийлөгч Трамп Цагаан ордонд Украины Ерөнхийлөгч Владимир Зеленскийг хүлээн авч уулзсан явдлыг шүүмжилсэн бөгөөд "Трамп Зеленскийтэй уулзсан нь үнэхээр ичмээр зүйл” гэжээ. 

Пезешкян Трампын яриа хэлэлцээх хийх сүрдүүлэгт хариулахдаа "Тэр (Трамп) "Бид чамд үүнийг хийхийг тушааж байна. Чи үүнийг хийнэ. Чи үүнийг хийхгүй бол би асуудал үүсгэнэ” гэж хэлсэн. Хэрэв та нар заналхийлж байгаа би хэлэлцээр хийхгүй. Хүссэн бүхнээ хий" гэж хэлсэн аж.

Трамп 3-р сарын 7-нд Fox Business Network-т ярилцлага өгөхдөө Ираны удирдагч Хаменейд захиа илгээсэн гэж мэдэгджээ. 

Би тэдэнд "Би та нарыг хэлэлцээр хийнэ гэдэгт найдаж байна. Хэрвээ бид энэ асуудлыг цэргийн хүчээр шийдвэл энэ нь аймшигтай байх болно” гэсэн үгтэй захидал бичсэн гэж хэлсэн байна. 

Харин Нью-Йорк дахь Ираны НҮБ-д суугаа Байнгын төлөөлөгчийн газраас АНУ-ын Ерөнхийлөгч Д.Трампаас Хаменеид захидал илгээсэн тухай асуултад хариулахдаа “Бид одоогоор ийм захидал хараахан хүлээж аваагүй” гэж хариулжээ.

Сүүлд АНУ-ын албаны хүн тус улсын хэвлэлд ярилцлага өгөхдөө “Трамп захидал бичсэн ч түүнийг хараахан илгээгээгүй байна” гэж мэдэгджээ.

Ираны дээд удирдагч Хаменеи Трампын засаг захиргаатай яриа хэлэлцээ хийхийг хориглож, тэрбээр Ираныг заналхийлсэн учир түүнийг "найдваргүй" гэж нэрлэжээ. 

Ерөнхийлөгч Масуд Пезешкян, Гадаад хэргийн сайд Аббас Эракчи зэрэг Ираны өндөр албан тушаалтнууд дарамт шахалт, заналхийллийн дор АНУ-тай хэлэлцээр хийхгүй гэж удаа дараа мэдэгдсэн бөгөөд 3-р сарын 8-нд Хаменеи АНУ асуудлыг шийдэхийг хүсэхгүй, харин шаардлагаа тулгаж, ноёрхлоо тогтоохыг хүсэж байна, гэхдээ Иран үүнийг хүлээн зөвшөөрөхгүй гэж хэлсэн байна.

Эх сурвалж: aa.com.tr

Ж.Бат