Лхагва - 03 сарын 12,
2025
Монгол Улсын Ерөнхийлөгч У.Хүрэлсүх Бүгд Найрамдах Чех Улсад хийж буй төрийн айлчлалынхаа үеэр тус улсын Ерөнхий сайд Петр Фиалаг хүлээн авч уулзлаа.
Төрийн айлчлалын үеэр элэгсэг дотно хүлээн авч байгаа Чехийн төр засаг, ард түмэнд талархал илэрхийллээ. Энэ айлчлал уламжлалт найрсаг харилцааны түвшнийг шат ахиулан Иж бүрэн түншлэлд хүргэж, харилцааны түүхэнд шинэ үеийг эхлүүлж байгааг тэмдэглэв. Ерөнхийлөгч мөн Чех Улсад аж төрж, ажил хөдөлмөр эрхэлж байгаа 14 мянга гаруй монгол иргэний нийгмийн хамгаалал баталгаажсанд Чех Улсын Засгийн газарт талархал илэрхийллээ.
Түүнчлэн “Илгээлт-2100” тэтгэлэгт хөтөлбөрийн хүрээнд Чехийн их, дээд сургуульд суралцаж байгаа 29 оюутан хоёр улсын харилцааны түүхэн уламжлалыг үргэлжлүүлнэ гэдэгт итгэлтэй байгаагаа хэллээ. Талууд зам, тээвэр, дэд бүтэц, бүтээн байгуулалт, худалдаа, хөрөнгө оруулалт, аж үйлдвэрийн чиглэлээр хамтран ажиллаж, эрүүл мэнд, боловсрол, түүх, соёл, хөдөлмөр, байгаль орчин, хүнс, хөдөө аж ахуйн салбарын харилцааг улам өргөжүүлэн хөгжүүлэх талаар санал солилцлоо.
Сэтгэгдэл2
Чехословакийн нэрт сэтгүүлч зохиолч Юлиус Фучикийн "Цаазын газар сурвалжилсан тэмдэглэл " гэдэг алдарт бүтээлийг Монгол хэлээр уншиж байлаа. 1939 онд Чехословакад төрийн эргэлт гарч улс орноо харийнханд худалдах гэсэн урвагчид Ю Фучикийг ашиглах гэж оролдоход " Миний бичсэнийг та нар хэвлэхгүй. Та нарын хэвлэхийг би бичихгүй " гэж хэлснээр түүнийг шоронд хорьж тамлан цаазалсан аж. Ю.Фучик " Хүн ард аа! Би та нарт хайртай байсан шүү. Сонор соргог байгаарай ! " хэмээн захижээ.
chehiin Irji Sima gyai baigaa yu?....Manaihan ochood ter hyntei yylzmaar daa,Mongoliin telee bas ikhe yum hiisen hyn suu....Sima gyai manai hyychchyyltai saihan neherlej bailaa daa...