sonin.mn
Сэтгэгдэл (3)

“Би тэднийг бидний оруулсан бүх мөнгөний төлөө ямар нэгэн зүйлийг өгөөсэй гэж хүсч байгаа.Тиймээс бид газрын ховор металл, газрын тос гээд авч болох бүх зүйлийг хүсч байна" гэж АНУ-ын Ерөнхийлөгч Дональд Трамп тус улсын Мэрилэнд мужид үг хэлэх үеэрээ хэлжээ. 

Америкийн ерөнхийлөгчийн хэлснээр энэ нь “олон тэрбум доллар”-ын тухай яриа гэнэ.


Трамп Европын холбооны орнууд Украинд зээл хэлбэрээр тусламж үзүүлсэн бол харин АНУ тэгээгүй. Тиймээс тодорхой хэмжээний нөхөн төлбөр авах эрхтэй гэж онцолжээ.


"Энэ бол шударга бус үйлдэл учраас бид мөнгөө буцааж авах болно" гэж тэр хэлсэн байна.

Дональд Трампын хэлснээр, Вашингтон, Киев хоёр ашигт малтмалын асуудлаар “хэлэлцээр байгуулахад тун ойрхон байгаа гэнэ.

Өмнө нь Sky News теле суваг Ерөнхийлөгч Владимир Зеленский Украины газрын ховор металлын ордуудыг ашиглах эрхийг АНУ-д шилжүүлэх гэрээнд гарын үсэг зурахад хараахан бэлэн болоогүй байгаа талаар Украины эх сурвалжаас эш татан мэдээлж байв.

“Нью-Йорк таймс” сонины мэдээлснээр, Киев өмнөх өдөр нь Вашингтоноос гэрээний шинэ хувилбарыг хүлээн авсан боловч гэрээний зарим нөхцөл өмнөх хувилбараас ч илүү хатуу болсон гэж мэдээлжээ. 


Ж.Дорж

Эх сурвалж: dw.com