Сүүлийн үед цахим орчинд допингийн зөрчил гаргасан бөхчүүдийн талаар болон зарим бөхийн хариуцлагын хугацаатай холбоотой ташаа мэдээлэл тодорхой давтамжтайгаар цацагдаж, нэр бүхий сайтаар МҮБХ-ны эрх бүхий албан тушаалтан энэ талаар мэдээлсэн мэтээр бусдын нэр, зургийг зөвшөөрөлгүй ашиглан худал мэдээ түгээн нийтэлж, бөх сонирхогчид болон олон нийтийг төөрөгдүүлж буйд харамсаж байна.
Допингийн эсрэг үндэсний дүрэм болон ОУ-ын шинэчлэгдсэн дүрэмд допингийн зөрчил гаргасан тамирчины эрхийг харгалзан тухайн тамирчин хүсэлт гаргасан тохиолдолд үр дүнг олон нийтэд зарлах шаардлагагүйг заасан болно.
МҮБХ нь аливаа асуудалд хууль, журмыг сахин ажилладаг бөгөөд хэвлэл мэдээллийн байгууллагад нээлттэй ханддаг. Холбооны үйл ажиллагааны талаар албан ёсны тайлбар авах мэргэжлийн ур чадвартай сэтгүүлчдэд бид мэдээлэл өгөхөд ямагт татгалзахгүй ажиллаж ирсэн. Иймд цахим орчинд зарим сайтууд иргэдээс хандалт авах, дагагчдын тоог нэмэх зорилгоор бөхчүүдийн талаар худал мэдээлэл тарааж байдагт иргэд, бөх сонирхогчид та бүхнийг аливаа асуудалд бодит дүгнэлт хийж байхыг хүсье.
Сэтгэгдэл2
Хийх ажилгүй юмнууд тэгж л байдаг юм
Монголын хүн ам хоног тутамдаа өсөөд байдаг, Монголын төр засаг шинэ үйлдвэр буй болгож ажлын фронт нэмэгдүүлж чаддаггүй, хүмүүс аж илгүй,тэхээрээ амьдрал нь дээшилдэггүй,дэмий чалчиж цуурч донгосож цаг өнгөрөөдөг..... Хувийн хэвшил нь үйлдвэр байгуулаад хүмүүст ажил олгоод байхаар буутай цагдаатай очоод үйлдвэр уурхайг нь төрд хураачихдаг,хамгийн их ажлын байр бий болгодог, нэмүү өртөг үүсг эдэг уул уурхайгаа хөгжүүлж чадахгүй хөршийн хөө тавиул,дотоодын хорлон сүйтгэгчиддээ дар лулаап сууж байдаг.....таарсан ч төр засаг, ард түмэн юм доо !