sonin.mn
Сэтгэгдэл (54)

Нийслэлд тээврийн хэрэгслийн албан татвар болон авто зам ашигласны төлбөрийг 2025 оны нэгдүгээр сарын 1-нээс холбогдох хууль тогтоомжийн хүрээнд 10 жилийн дараа шинэчлэн тогтоолоо. Уг шинэчилж, нэмэгдүүлсэн төлбөрийг нийслэлийн авто замын санд төвлөрүүлж, 2025 онд авто замын чанар, уртыг сайжруулахад төсөвлөгдсөн. Шинэчилсэн тарифаар хөдөлгүүрийн багтаамжаас хамаарч, Prius-20 маркийн автомашин жилд 100 мянган төгрөг, Lexus-570 маркийн автомашин жилд 250 мянган төгрөг, Hyundai Porter автомашин жилд 200 мянган төгрөг, Toyota Land 200 автомашин жилд 250 мянган төгрөгийг авто зам ашигласны төлбөрт төвлөрүүлнэ. Энэ нь өдөрт та 278-694 төгрөгийг тээврийн хэрэгслийн төрлөөс хамаарч авто зам ашигласны төлбөрт төлнө гэсэн үг.


Та өдөрт дунджаар хэдэн км газарт авто замыг хэрхэн ашигладаг вэ гэдгээ өдөрт төлж буй замын төлбөртэйгээ харьцуулаад нэг бодоорой. Энэ төлбөр бол олон улсын дундажтай харьцуулахад 5.3 дахин бага хэмжээ юм. 


Жишээлбэл, Малта улс насжилт, моторын багтаамж, нүүрс хүчлийн ялгаралтаар нь тээврийн хэрэгслийг ангилж, 2000см3 хүртэл моторын багтаамжтай бол 215 ам.доллар, 2000см3-ээс дээш моторын багтаамжтай бол 485 – 900 ам.долларыг

Албани улс тээврийн хэрэгслийн насжилт, моторын багтаамж, зах зээлийн үнэлгээнээс нь хамаарч литр шатахуун тутамд 0.23 ам.доллар, 3000см3-ээс дээш мотортой тээврийн хэрэгсэлд 800 ам.долларыг  Молдав улс тээврийн хэрэгслийн төрлөөс нь шалтгаалж, суудлын авто машин 194 ам.долларын татварыг авто зам ашигласны төлбөрт хураадаг байна. 

Монгол төрийн босго өндөр хэмээн монголчууд эртнээсээ төр, засгаа хүндлэн дээдэлж, төрийн бодлого, шийдвэрүүдийг ч хүндэтгэн дагаж ирсэн. Энэ хэрээр төр, засгийн удирдлагууд ч чармайн эх орныхоо төлөө ажиллаж ирсэн түүхэн уламжлал байдаг. Гэтэл сүүлийн жилүүдэд төрийн бодлого, шийдвэрийг гуйвуулан ямар нэг аргаар харлуулж, үгүйсгэгчид хэт олшроод байна. Энэ байдал нь бүр ажил хэргийн шинжтэй, тогтмол орлогын эх үүсвэр болчихлоо. 


Тухайлбал, энэ төрлийн ажилдаа гаршсан лайвчин О.Отгонтөгс, Э.Энхзориг, Н.Энхчимэг нар төрөөс гаргаж буй бүх бодлого, шийдвэрийг заавал үгүйсгэж, нийгэмд сөрөг мэдээллийг санаатайгаар цацсаар байна. Үүний нэгэн жишээ болгож, авто зам ашигласны төлбөрийг хэрхэн нэмэгдүүлсэн талаар тодорхойгүй мэдээлэл нийгэмд тараасан. Тэгвэл бодит мэдээллийг хүргэхийн тулд бид албаны хэд хэдэн эх сурвалжаас тодруулж дээрх мэдээллийг бэлтгэлээ.