Бямба - 12 сарын 28,
2024
БЕРЛИН, 2024 оны арванхоёрдугаар сарын 27 /DW/. ХБНГУ-ын Ерөнхийлөгч Франк-Вальтер Штайнмайер тус улсын парламент болох Бундестагийг тарааж, 2025 оны хоёрдугаар сарын 23-нд парламентын ээлжит бус сонгууль явуулахаар шийдвэрлэснээ өнөөдөр зарлалаа.Тэрбээр Канцлер Олаф Шольцын гаргасан хүсэлтийн дагуу энэ шийдвэрийг гаргажээ.
Ерөнхийлөгч Штайнмайер парламентыг тараахаар төлөвлөж байгаагаа энэ сарын 20-ны өдөр мэдэгдэж байсан юм. Тэрбээр тухайн үед “парламентад тогтвортой олонхийг бүрдүүлэх ямар ч боломжгүй болсон” гэдгийг дурдаж байв. Энэ сарын 16-нд Германы парламентад болсон санал хураалтаар гишүүдийн олонх нь /394 депутат/ Канцлер О.Шольцын тэргүүлсэн засгийн газарт итгэл үзүүлэхгүй гэсэн санал өгсөн байна.
Эрх баригч эвслээс Чөлөөт ардчилсан нам гарсны дараа одоогийн засгийн газар Бундестагийн гишүүдийн олонхийн дэмжлэгийг алдсан юм. Социал-демократ намаас сонгогдсон Канцлер О.Шольц 11 дүгээр сарын 6-нд Сангийн сайд Кристиан Линднерийг албан тушаалаас нь огцруулсны дараа либерал сайд нар бүгдээрээ сайн дураараа огцорно гэдгээ мэдэгджээ. Ингэснээр Социал-демократ нам, Чөлөөт ардчилсан нам, Ногоон намаас бүрдсэн эрх баригч “гэрлэн дохионы эвсэл” задрахад хүрсэн юм.
Эрх баригч эвсэл задран унаж, засгийн газар хямарснаас үүдэн Бундестагийн ээлжит бус сонгуулийг 2025 оны есдүгээр сарын сүүлчээр хийхээр төлөвлөж байсан бол Ерөнхийлөгч Штайнмайерын шийдвэрээр ийнхүү хоёрдугаар сард явуулахаар төлөвлөлөө.
Б.Адъяахүү
Сэтгэгдэл2
Манай уих гишүүд өсгөлөн зарлана эсхүл амиа хорлоод эхлэн биз тараавал
Германы ерөнхийлөгч Штайнмауер доктор Алиса Вайдалын намын гишүүнд зад шүүмжлүүлэв. АFD нам Штайнмауерийг шүүхэд өгч огцруулна гэв. AFD намын гишүүн хэлэхдээ, Германы Бундестагд насаараа шахуу суусан та Германы ард түмний төлөө яг юу хийв ээ? Та зөвхөн канцлер асан Меркелийн баруун гар болж, Герман улсыг сүйрүүлсэн. Сүүлийн жилүүдэд Герман улсын боловсролын систем дампуурсан. Мэргэжлийн боловсон хүчингүй болсон. Насаараа энэ улсын төлөө ажилласан тэтгэврийн насныхан хогийн саван дотроос шил цуглуулж тушааж байна. Тэд ядуусд тараадаг шөлөнд оочерлож байна. Дундаж давхрага сүйрсэн. Таны галзуурал, тэнэглэлээс болж, Герман улс эрчим хүчний хомсдолд орж, үйлдвэрүүд хаалгаа барьлаа. Меркел та хоёр энэ сүйрлийн эхлэлийг тавьсан. Та нарын цагаачлалын болон жендерийн бодлого Герман улсыг сүйрүүллээ. Гаднаас мэргэжилтэн ажилчид авна гэж ярьдаг. Германы иргэд ажилгүй байна. Таныг шүүхэд өгч, огцруулах цаг удахгүй хэмээн Бунтестагийн индер дээрээс мэдэгдлээ.