Лхагва - 12 сарын 04,
2024
Монгол Улсын Их Хурлын дарга Д.Амарбаясгалан Хөгжлийн бэрхшээлтэй иргэдийн эрхийг хамгаалах өдрийг тохиолдуулан өнөөдөр /2024.12.03/ УИХ-ын гишүүн О.Саранчулуун, Ж.Баясгалан нартай уулзаж, хөгжлийн бэрхшээлтэй иргэдийн эрхийн талаарх хууль, эрх зүйн шинэчлэлийн талаар санал солилцлоо. УИХ-ын 9 дэх удаагийн сонгуулийн үр дүнд байгуулагдсан шинэ парламентад нийгмийн бүлэг бүрийн оролцоо хангагдаж, өөрсдийн дуу хоолойгоо шийдвэр гаргах түвшинд хүргэж байна. Үүний нэг жишээ нь нийгмийн янз бүрийн ялгаатай бүлгийн төлөөллийг хангах зорилго бүхий улс төрийн намуудын тодорхой бодлогын үр дүнд, жагсаалтаар хөгжлийн бэрхшээлтэй иргэдийн төлөөлөл УИХ-д сонгогдон ажиллаж байна.
Уулзалтын үеэр УИХ-ын гишүүн Ж.Баясгалан орон нутагт үйл ажиллагаа явуулж буй Хөгжлийн бэрхшээлтэй иргэдийн төвийн үйл ажиллагааг тогтмолжуулах, сайжруулахын тулд хүний нөөцийг бэлтгэх, чадавхжуулах шаардлагатай байгааг дурдаад, ерөнхий боловсролын сургуулиудад хөгжлийн бэрхшээлтэй хүүхэд суралцах тэгш хүртээмжийг бий болгох хууль, эрх зүйн өөрчлөлтийн талаар хөндлөө.
УИХ-ын гишүүн О.Саранчулуун аймаг, дүүргүүд дэх хөгжлийн бэрхшээлтэй иргэдэд үйлчлэх төвийг бусад төвүүдтэй нэгтгэж, цогц хэлбэрээр ажиллуулбал үр дүн гарч, төсөв санхүү, эдийн засгийн хувьд илүү боломжтой болно гэж үзэж буйгаа илэрхийллээ.
УИХ-ын дарга Д.Амарбаясгалан хүний эрхийг хангасан, “хүн төвтэй” хуулийн үзэл баримтлалыг бий болгох “УИХ-ын 2024-2028 оны стратеги төлөвлөгөө”-ний хүрээнд нийгмийн бүлгүүдийн төлөөлөл хууль, эрх зүйн орчныг шинэчлэхэд гар бие оролцох, идэвхтэй хамтран ажиллахын чухлыг онцоллоо.
Тэрбээр, УИХ-ын гишүүд, тэр дундаа хөгжлийн бэрхшээлтэй иргэдийн бодит нөхцөл байдлыг мэддэг гишүүдийн зүгээс төрийн бус байгууллага, иргэний нийгмийн байгууллагуудтай түлхүү хамтран ажиллаж, тэдний оролцоотойгоор хуулийн төсөлд санал боловсруулж, хуулийн хэрэгжилтэд хяналт тавьж ажиллах нь зүйтэй хэмээв. Түүнчлэн, хөгжлийн бэрхшээлтэй иргэдийг нийгмийн харилцаанд саадгүй оролцдог орчныг бүрдүүлэх, хүний эрхийг хангах нь УИХ-ын ирэх дөрвөн жилийн гол зорилтуудын нэг бөгөөд гишүүдийн санаачилгыг бодит үйл хэрэг болгоход онцгой анхаарч, дэмжиж ажиллахаа илэрхийлэв. Мөн 126 гишүүнтэй шинэ парламентад нийгмийн бүлэг бүрийн төлөөлөл ажиллаж эхэлснээр асуудлыг олон талаас хэлэлцэж, хууль, эрх зүйн орчны шинэчлэл бүрд салбарын дуу хоолой шингэж чадаж буйг УИХ-ын дарга тодотголоо. Уулзалтын төгсгөлд, гишүүдийн санаачилгын дагуу УИХ-ын чуулганы тойм мэдээллийг долоо хоногт нэг удаа дохионы хэлмэрчтэйгээр нэвтрүүлэх, Төрийн ордныг хөгжлийн бэрхшээлтэй иргэдэд илүү ээлтэй болгоход анхаарч ажиллана гэлээ хэмээн Улсын Их Хурлын Хэвлэл мэдээллийн газраас мэдээллээ.
Сэтгэгдэл4
Мөн сонсголын бэрхшээлтэй, Харааны согогтой хүүхэд,залуучууд ч дандаа бүхний гадна үлддэг шүү.Ар гэр өөрсдөө ч сэтгэлийн зовлон эдлэж шаналж явдаг юм даа.Пара,Диф олимпт оролцоход хөгжлийн бэрхээлтэй нь одон медаль,алдар нэртэй болдог.Диф олимп хэн ч сонирхож урамшуулдаггүй юм даа
Бортээгийг авсан нь МАН-ын генсек Д.Амарбаясгалантай шууд холбоотой. "Админерал" ХХК-ийн албан тушаалтан Д.Чулуунзагд, Хасбаатар нар буюу Д.Амарбаясгалангийн найз нар Монгол Улсын хууль хяналтын байгууллагад хэд хэдэн эрүүгийн хэрэгт холбогдон шалгагдаж буй. Гэвч Д.Амарбаясгалангийн нөлөөлөл, эрх мэдлээс шалтгаалж мөрдөн байцаалтын ажиллагаа зогсонги байдалтай байна. Д.Амарбаясгалангийн хамаарал бүхий "Админерал" ХХК байгуулагдсан цагаасаа эхлэн тендерт ялсан, бүх зөвшөөрлийг шууд авч байгаа зэрэг нь түүний эрх мэдлийг харуулж байна. Тэр төрийн албанд өөрийн хүмүүсээ томилж, зорилгоо төвөггүй биелүүлдэг. Хамгийн ноцтой зүйлийг доор дурдъя. Баяжмалын үйлдвэрийн хөрөнгө оруулалт нэрийн дор 30 сая ам.доллар бэлнээр авснаа “Админерал” ХХК тайлбарлаж чадаагүй. Хятадын "Hongkong Ruishing Global Group" компаниас 2023 онд "Админерал" ХХК руу 30 сая ам.доллар илгээсэн нь зорилго тодорхойгүйгээр Монголд шингэсэн байна.
Б.Энхбаяр сайд яриандаа “Нүүрсний сонсголоор ЗГХЭГ-ын дарга Д.Амарбаясгалангийн талаар болон түүний нэгдмэл сонирхолтой компаниуд, ТББ-уудын талаар гаргаж ирсэн. Үүний МАРГААШ нүүрсний сонсголыг манай намын “Цагаан байр” даяар эсэргүүцсэн. “Админерал” ХХК чинь зөвхөн нүүрс угаах үйлдвэр биш шүү дээ. Бор тээгийн ордын нүүрсийг худалдан борлуулах монополь эрхийг дангаараа авчихсан компани. Энэ компанитай манай намын Хэвлэл мэдээллийн албаны хоёр дарга холбогдчихоод байгаа. Өмнөх даргынх нь нөхөр Д.Уужимсанаа гэж хүн “Админерал” компанийг тендерт ороход тендерийн бичиг баримтыг өөрчлөөд, ялуулсан. Нөгөөх нь одоогийн дарга Ц.Чулуунзагд. Түүний ах Ц.Ламжав “Админерал” ХХК-ийн Гүйцэтгэх захирал хийгээд байна. Энд холбоос байгаа биз дээ. Ц.Ламжавын гарын үсэгтэй “гадаад иргэнээс 30 сая ам доллар хүлээж авсан” гэсэн баримт бий. Энэ бол маш их мөнгө буюу 100 гаруй тэрбум төгрөг. Энэ их мөнгө яаж Монгол Улсын хилээр яаж орж ирсэн, цаашаа юу болж хувирсныг хуулийн байгууллага шалгана.
Хулгайч луйварчдаар дүүрсэн Засгийн газрыг яаралтай огцруулья.