Монгол Улсын Ерөнхийлөгч Ухнаагийн Хүрэлсүхийн урилгаар Бүгд Найрамдах Казахстан Улсын Ерөнхийлөгч Касым-Жомарт Кемелевич Токаев 2024 оны 10 дугаар сарын 28-29-ний өдрүүдэд Монгол Улсад төрийн айлчлал хийнэ.
Энэхүү төрийн айлчлал нь Бүгд Найрамдах Казахстан Улсын төрийн тэргүүний түвшинд 2008 онд хийсэн айлчлалаас хойш 16 жилийн дараа хэрэгжиж буй айлчлал юм.Айлчлалын хүрээнд Монгол Улсын Ерөнхийлөгч Ухнаагийн Хүрэлсүх Бүгд Найрамдах Казахстан Улсын Ерөнхийлөгч Касым-Жомарт Токаев нар албан ёсны хэлэлцээ хийж, хоёр улсын өнгөрсөн 30 гаруй жилийн харилцааны ололт, амжилтыг дүгнэн хэлэлцэж, уламжлалт найрсаг харилцааг шинэ шатанд гаргах, хамтын ажиллагааг эдийн засгийн агуулгаар баяжуулан хөгжүүлэх болон олон улс, бүс нутгийн тавцан дахь хамтын ажиллагааг гүнзгийрүүлэн хөгжүүлэх зэрэг өргөн хүрээний асуудлаар санал солилцохоор төлөвлөж байна. Мөн айлчлалын үеэр хоёр улсын харилцааны эрх зүйн үндсийг бэхжүүлж, тээвэр, логистик, хөдөө аж ахуй, мал эмнэлэг, мэдээллийн технологи, соёл, аялал жуулчлал зэрэг салбарын хамтын ажиллагааг өргөжүүлэн хөгжүүлэхэд жинтэй хувь нэмэр оруулах Засгийн газар болон байгууллага хоорондын баримт бичгүүдийг байгуулна. Монгол Улс, Бүгд Найрамдах Казахстан Улс нь 1992 оны 01 дүгээр сарын 22-ны өдөр дипломат харилцаа тогтоосон.
Сэтгэгдэл4
Гэрээ хэлэлцээрт нь амжилт хүсье.Казакстан Улс барууны орнуудын хөрөнгө оруулалтыг маш ихээр оруулсан.Тэр туршлагаас нь маш сайн судалж нутагшуулах хэрэгтэй.
МОНГОЛЫГ ЯГ ОДОО ОРОСООС ӨМӨӨРӨХ ГАНЦ УДИРДАГЧ МУНДАГ ХҮН. ХЯТАДЫН НӨЛӨӨЛЛЫГ Ч БУУРУУЛАХ ОЙРЫН ХӨРШ УДИРДАГЧ. ПУТИНД ХАМГИЙН МУНДАГ ЗОРИГТОЙ ДУУГАРСАН, НАЗА АХЫГАА БҮРМӨСӨН ЗАЙЛУУЛСАН.
томоохон газрын тос олборлогч экспортлогч тэр тусмаа ойрын хөрш орны удирдагч ирж байгаа тохиолдолд газрын тосны хамаарлынхаа тодорхой хувийг хуваах яриа яваасай. Азизов байхдаа тийм бүх оролдлогыг тас цохиж байсан. Гүйцэтгэгч нь мэдээж женко.
kazakhstanaas neft awah heregtei