Өдгөө УИХ-д 42, Засгийн газарт найман “суудал”-тай АН дотроо зодоонтой л байна. Орон нутгийн сонгуулийн дүн гарсан оройноос эхэлсэн дотоод зөрчил нь нэгэнт савнаасаа халиад гадагшилжээ. Анхнаасаа таван нам, арван фракц дээр үүссэн болоод ч тэр үү, энэ намыг эвлэхийг үзнэ гэдэг сүүл рүүгээ хэцүү л харагдах болов. Зарим нь “АН-ынхан “ингэж зовж байхаар анхны таван намаараа, аль эсвэл арав гаруй фракцаараа салаад явбал таарна.
Эхнэр нөхөр байтугай эрүү толгой салдаг гэж үг байдаг. Эхнэр нөхөр ч биш, үзэл бодол таарахгүй бол ингэж зовж юугаа хийнэ вэ” гэх хүмүүс гарч ирж байна. Сонин л санаа. Бодох л бодол.
УИХ-ын сонгууль холимог тогтолцоогоор явдаг болчихсон. Жижиг намууд УИХ-д суудал авах боломжтой. Өмнөх УИХ-д ганцаараа байсан Т.Доржханд одоо долоон дүүтэй болсон. Сонгуулийн өмнөхөн “Үндэсний эвсэл”-ийг байгуулсан Н.Номтойбаяр, энэ сонгуулийн жилд ИЗНН дээр очоод дарга нь болсон АН-ын Б.Батбаатар нар УИХ-д ороод ирсэн. Ер нь бусад жижиг нам өөдтэй байсан бол УИХ-д суудалтай болох бүрэн боломжтой байв. Холимог тогтолцооны ач л даа. Тэгэхээр АН-аас жижиг намууд гарвал боломж бий гэсэн үг л дээ. Гэхдээ АН-ынхан ингээд яагаад ч юм хэрэлдээд, юугаа ч юм булаалдаад байдаг. Хэн нь ч хэнийгээ хүлээн зөвшөөрдөггүй онцлогтой. Санаагаар болдог бол АН-ынхан тэртээх 2000 оноос үүсэлтэй олон нам, олон фракцын зарчмаа халаад, ах аа, эгч ээ гэж дагаж явдгаа болиод, АН-аа л гэж бодоод улс төр хийвэл нэгэн цул болох боломж бас бий. Тэгж чадах эсэх нь эргэлзээтэй л дээ. Сая Орон нутгийн сонгууль зарлагдахад, нэр дэвшигчид нь тодорч байхад таг дуугүй байсан АН-ынхан сонгууль дуусангуут энд тэндээс гарч ирээд ёстой нэг бужигнаж өгч байна. Гэвч “АН-ынхан бужигнаад байна” гэхээр арай худлаа байна.
Аль 2023 оны эхнээс АН-аа ахин нэгтгэж нийлүүлэх гээд ядаж байсан Лу.Гантөмөр даргыгаа хоёр “экс” нь хяхаж хавчаад үйлийг нь үзээд байсан. Сүүлийн өдрүүдэд өнөөх нь л үргэлжилж байна. Гэхдээ нэг “экс” нь илүү идэвхтэй улс төр хийж байна.
Ерөөсөө энэ Орон нутгийн сонгуулиар хотод МАН ялсан нь АН-ыг Х.Баттулга төлөөлснөөс л болсон шүү дээ. УИХ-ын сонгуульд нэр дэвшиж чадаагүй хотод элэгтэй АН-ын олон залуу улстөрч хотын сонгуульд нэр дэвшигчид тодроход нулимстай л үлдсэн. АН-аас хотын сонгуульд Х.Баттулгын хүмүүс л нэр дэвшсэн. Тэр байтугай өмнө нь бага насны хүүхэд хүчирхийлсэн этгээдийг нэр дэвшүүлж АН-ын нэр хүндэд пад хар толбо тогтоож өгсөн. Хүчирхийлэл бол АН-ын хамгийн их үзэн яддаг “үзэл” шүү дээ, уг нь. Яг үнэнийг хэлэхэд АН-ынхан өөрсдөө намаа дахин эмхэрч байх үеийн дотоод сонгуульдаа хайнга хандсаны л гор, эсвэл үр дүн нь энэ. Хэд хэдэн дотоод сонгууль явагдаж, Х.Баттулга ажилласаар байгаад Хотын АН-ыг авчихсан юм. Тэгэхээр саяын Орон нутгийн сонгууль ийм л болох байсан нь ойлгомжтой л доо. Хамгийн гол нь Х.Баттулга гарч ирсэн нь Х.Нямбаатарт илт илүүрхэж ялах боломж олгосон.
АН хотод унах нь дэндүү тодорхой байсан. Сонгуулийн дараа энэ ялагдлыг нөгөөх л “хойд хар овоохой” Лу.Гантөмөр рүүгээ чихэх гээд үзэж байна. Голдуу хэний хүмүүс юу яриад байгааг хүн болгон харж л байгаа даа. Энэ нь цаагуураа дахиад л Х.Баттулгын далд санаа явж байгаа юм.
Тэрбээр ингэж байгаад Лу.Гантөмөрийг унагаад оронд нь АН-ын дарга болохоор зүтгээд эхэлчихлээ. Тэр нь түүний үйлдлүүдээс тодорхой харагдаж байна. Саяын Орон нутгийн сонгуулиар ч түүнд АН-ын ялалт чухал биш байсан. “Хүүхэд хөгжлийн дэвтэр” гээч төрөөгүй хүүхдийн төмөр өлгий шиг зүйл ярьсан нь лав АН-д ялалт авчрах PR биш байв. Харин мань эр өөрөө юм уу, өөрийнхөө гишүүдээр санаачлуулаад УИХ дээр хуулийн процесс явбал 2-3 жилийн ажил болно. “...Х.Баттулга ийм зүйлийг зүгээр яриад байх хүн биш, 2027 оны Ерөнхийлөгчийн сонгуульд бэлдэж байгаа юм” гээд байсан нь зөв “онош” бололтой. Сүүлд яригдаж байгаагаар, тэр Лу.Гантөмөр рүү хүчтэй дайралт хийж унагаад, оронд нь АН-ын дарга болно, тэгээд түүгээрээ дамжуулаад 2027 оны Ерөнхийлөгчийн сонгуульд нэр дэвших эрхээ нээх гэнэ. МоАХ-ынхон ч “Үндсэн хуулийн зөвхөн нэг удаа гэдэг өмнөх Ерөнхийлөгч нарт үйлчилж болохгүй” гэж үзэж буй аж. Бас “…Америкийн ерөнхийлөгчийн сонгуульд Трамп ялах юм бол Х.Баттулгад ихээхэн боломж гарна” гэсэн яриа байх юм. Юу ч гэсэн үг юм, бүү мэд. Ямартай ч Х.Баттулга АН-ын дарга болохоор “хөдөллөө” гэх яриа, мэдээ улс төрийн хүрээнд битүү яригдаад эхэллээ. АН-ынхан харин яаж хүлээж авах юм бол доо...
Б.ГАРЬД
Эх сурвалж: “Зууны мэдээ” сонин
Сэтгэгдэл14
Hujaa naraa bodbol mongol elegtei hunii nohod idheer uuriin nohod gej an baabar enhsaihan elbeg hurts da ganbold geed baahan hyaduud
Зууны мэдээ сонин улс төрийн анализ сайн бичдэг хүн аваасай. Хэзээний хов живийн чанартай зүйлс л бичих юм. Ганааг байг гэхэд Баатархуяг нтр шиг ховыг анализ болгодог хүн хэрэгтэй бх юм
Энэ хулгайчыг ямар вэ...Энэ новшоос салахын одоо эхлээд Данхаас салах ёстой шүү.
Uls udirdaj yvsan hun AN darga bologee.Jenko gj yrisan.sonsson buhen sunsnees n aih uom.Eersdees n iluu uhaan byr chadal.shineer setgeh chadvartaid denduu ataarhah uom.Ard tumen ch bur oilgoj bn.Shaamii hulgaich.MAN iin tomilgoo Gantumerees 1000 % iluu gedgiig ard tumen dungee tavij bn.Ymarch bsan Gantumereesee sal.Eer hen ch bj bolno.T1hurgeniig n bas soliotoi.
Гардьд гэгч юу бичээд бгаан ч ойлгогдохгүЙ тэнэг гэхдээ Баттулга энэ хужаа Лу овогтийг унгаад оронд нь гарч ирвэл сайн л байх болвуу
Чи бол Баттулгын бөгсний алчуур бна !
oroziin gatnuuliig hooj vuulahgui bol AN nar uzehgui de.
Шал хэрэггүй юм бичих юм, энэ Гарьд гэдэг нөхөр...
Яг үнэндээ женко гэдэг хүн АН-ыг данхтай нийлээд үгүй хийж байна даа
Боль боль. Өмнө нь Ерөнхийлөгч бхдаа ч юу бүтээж юу хийсэн юм бэ ? Шунал ихэдвэл шулам болно. Доторх нам нь ч хэцүү маш их асуудалтай. Хуралдаа суудаггүй байж солиорчихсон явж бх юмаа. Өөрийн бизнестэй бж тэрийгээ хий. Улс төрд огт хэрэггүй хүн. Ичээсэй энэ одоо.
Жамуха буюу жёнко Баттулга нялх сэнгүм Гантөмрийг удахгүй зайлуулчихна ! Гүр хаан маань хойтонгоос тэмүүжин Хүүктэй Зэгзгэр өндөрийн зээрэн хавцалд том тулаан хийх гээд бэлдэж байна ! Ардчилсан намын олон овгийн дайчид мөн ардын намын урвагч олон дайчид гишүүд үүнд туслах ёстой ! Хойтонгоос хүч тэнцүү болно ! Том тулаан болно до !!
баттулга минь наад өмхий ан намаа үнс болговол монгол улсад их буян болно доо
Жинхннэ О болно.АН
Mongold elegteigee yaj haruulj bn ? ter hujaa Libil bil uu? terenteigee niilj mungu ugaaj olon uildver obiekt hudaldan avch huvitsaa nereer ymar ih mungu tuunii dansand urgaj bgaag medeh mongol hun bn uu ?