НЬЮ-ЙОРК, 2024 оны есдүгээр сарын 19 /NHK/. Палестины эзлэгдсэн нутаг дэвсгэр дэх “хууль бус ажиллагаа”-гаа 12 сарын дотор зогсоохыг Израилаас шаардсан тогтоолыг НҮБ-ын Ерөнхий Ассамблей баталжээ.
Израил улс 1967 оноос хойш Газын зурвас, Баруун эрэг, Зүүн Йерусалимыг эзэлсээр байгаа юм. Энэ оны долоодугаар сард Олон улсын шүүх Израилын ажиллагааг “хууль бус” гэж тодорхойлсон зөвлөмжийн дүгнэлтээ гаргажээ.
Лхагва гарагт Япон зэрэг 124 орон дэмжсэнээр заавал биелүүлэх шаардлагагүй тогтоолыг баталсан байна. Олон улс орны төлөөлөгчид Палестины Элчин сайдтай гар барихаар жагсан зогсож байгаа нь харагджээ. Харин Их Британи, Герман зэрэг 43 орон түдгэлзсэн бол АНУ тэргүүтэй 14 улс уг тогтоолын эсрэг санал өгсөн байна. Уг тогтоолд мөн Израилыг цэргийн бүх хүчээ татан гаргаж, шинээр суурьшуулах ажиллагааг зогсоож, оршин суугчдыг уг нутаг дэвсгэрээс нүүлгэн шилжүүлэхийг шаардсан байна.
Мөн НҮБ-ын Ерөнхий нарийн бичгийн дарга Антонио Гутерреш тогтоолын хэрэгжилтийн талаарх тайланг гурван сарын дотор танилцуулахыг хүсжээ. Израилын тал уг тогтоолыг дагаж мөрдөх магадлал бага байна. Гэхдээ олон улсын зүгээс Израилд үзүүлэх дарамт шахалтыг нэмэгдүүлэх зорилготой юм.
Энэхүү баримт бичиг нь Палестины хяналтад байдаг Баруун эрэгт Израилын довтолгоо эрчимжиж байгаад ямар нэгэн байдлаар нөлөөлөх эсэх нь олны анхаарлыг татаж байна.
Э.Хулан
Эх сурвалж: "Монцамэ" агентлаг
Сэтгэгдэл3
Израил бол урдаас нь салаавч л өгнө ! Махмуд Аббас даргатай баруун эргийн палёстиныг эзэлчихээгүй байгаад нь баярлаж явах ёстой муусайн арабууд !
Америкийн эрх ашгийн үүднээс хоёр дайн гарсан. Израилаас харвал зүгээр л эзлэн түрэмгийлэх дайн хийж болно гэж Америк дэмжээд гүйж байна. Тэгвэл орос бас өөрийнхөө эрх ашгийн хүрээнд эзлэн түрэмгийлэж болно гэсэн үг. Ийм болохоор мөнхийн эрх ашгийн төлөө дайн хийж байгаа нь тодорхой байна. Худалдаа, эдийн засгийн хориг энэ тэр бол ямарч үзэл сурталгүй хогийн новшуудын ажил болж таарна. Доллараас татгалзаж зарим талаар Бриксийн худалдаа, санхүүгийн тогтолцоог дэмжих цаг болсон гэж харна. Нэг талыг барьсан долларын санхүүгийн тогтолцоо нураах цаг болжээ.
Америк Орос адилхан Еврей Армянчүүдийг дэмжиж өөд татдаг. Америкаас ялгаатай нь Оросын хүн амын 20%,газар нутгийнх нь 80% Ислам Түрэг үндэстнүүдийнх.